利豐園韓國料理 (旺角)

圖片洗費共$53，小菜基本贈送，什錦拌冷麵 (送湯) $50 & 凍飲+$3，由於餐牌有推薦圖案 & 因為名系什錦，所以放棄左原本想食既餐點而選擇呢個。

小菜系泡菜(偏酸)西芹紅蘿蔔(普通)拌豆芽(普通正常，一般出面食到既味)

湯：有味既蔬菜清湯，有幾塊薄切白蘿蔔&椰菜等，飲完唔會口喝。

什錦拌冷麵：真系想知什錦d咩野😅唔通係蔬菜？呢碗麵有半隻蛋，偏酸泡菜，切碎左既生菜絲、紫椰菜絲同梨絲，比$50食呢d，我寧願食其他款好過 不過味道唔差既，一d都唔辣，出面食到既質素，就系性價比唔值。

十三少 (紅磡)

四人用膳，好彩等左陣好快就有位，
門外見男員工拉衫透氣，企門外既我當時心諗，
唔通入面唔夠冷氣？點知入到去先知原來冷氣壞左，不過店家都配備左d風扇仔比客人，禁都ok ge，至少可以舒緩到。

經店員推介，叫左炸雞軟骨，果然好味 腰果都好味，對我黎講唔算辣 (我覺得自己算係食得辣既，普通以上厲害以下) 呢種程度，對於我黎講屬惹味


仲叫左豬手，我5覺辣，但其中一朋友唔食得辣，所以佢食豬手時覺得有少許辣，唔太"林"又唔太硬，適中，剛好入味。

酸菜魚：冇骨，好味，唔油膩，但同以上情況一樣，唔辣朋友話有辣，對佢黎講比較辣，所以成程都飲好多野

炒土豆絲：普通，不過不失，性價比不足。

水煮牛肉：普通，不過失。

红糖糯米甜品？唔記得名，味道唔錯，要趁熱食 + 點勁多紅糖醬先好味。


總括：員工服務好踴躍，好主動換碟 & 加水，都好有禮貌。

名門私房菜 (灣仔)

跟友人慶祝生日，預先預約了2人餐、加錢要左杏汁豬肺湯各1、加錢升级甜品 (杏汁燉蛋白)，友人愛杏，我愛豬肺，唔系度度都有，而且豬肺好難洗，所以貴都試下，買單1xxxup，可以幫雪野，有茶錢。

杏汁豬肺湯：杏味唔算太重，飲落接受到，以我一個唔中意杏味既人黎講，豬肺都有2小舊，飲完唔會揾水飲，值！


套餐小吃：超咸，食左上面就冇再食落去。


燕窩 "根"：食落去因為有豬肉碎混合，所以感覺好似好足料禁，普通以上，美味以下。


海參"蚊"鵝掌：2個都 "蚊" 得好 "霖"，但汁覺偏淡味。


炸鮮奶 口感、味道都好新榮，唔油膩，蓮藕肉餅：有點 "鞋"、咸。


蝦米上湯菜心：蝦米好味，菜心軟硬適中，整體普通。


男人的浪漫，頭腩煲？：整體唔錯，入味且肉質適中。


加錢升级既甜品 - 杏汁燉蛋白：一黎到同想象中唔同，以為是固體，點知蛋白系碎塊 但食到，可接受杏味，普通以上，不過不失。


飯系荷葉飯 普通以上，不過不失。

Bakehouse (灣仔)

今日經過，諗住10點11點幾應該冇禁多人排隊，所以諗住去碰下運氣，雖然都有排隊，但冇上次我見過禁多人排，同埋個天唔曬，所以都去排左一陣等美食。


我既午餐 好飽
雖然所有野都凍左，但都好薄脆（指酥類）

個 tart 入面好有味，唔系只得蛋味，但冇想像中禁多蛋 😂



雲呢拿冬甩：餡有雲呢拿籽，個餡好味同埋都多，但5系禁中意佢外層既 玉桂粉之類既味道，如果冇左個粉，我會中意d。

士多啤梨酥：酸甜酸甜，樣樣都好適中，唔會太酸或太甜，亦唔會好膩，佢水果同酥面都塗左層甜甜的 “令面” ，看起來更美味，也今其他酥的部分不會沒有味道，唔會好空氣，又唔會太實。

哈豆 (觀塘)

觀塘有2間同名，起初以為系姊妹店，但見到餐牌同食物好似有d唔一樣，尤其系芋泥奶凍吐司 上次去個間有印花卡可以儲印花，但呢間最後埋單時冇講印花卡既野，所以個一刻我就知道唔系姊妹店啦~~

豐盛台灣牛肉湯麵 : 湯底偏藥膳味，丸好有味，肉好 “霖”，蛋滷得岩岩好，唔會太咸，好好味，系唔中意扁麵

芋泥奶凍吐司 : 好味，唔會好膩，配合奶凍感覺好中和，但好飽，同埋本人食得比較 “論盡”，個芋泥同奶凍成日比我 “唧” 左出去 (￢д￢。) 加左甘梅薯條，都好好味

飲品 - 黑糖芋芋鮮奶 : 好味，唔會太甜，剛剛好，又有口感，不過食左好多野，再飲埋杯野，真系超級飽 ○|￣|_

1. 眼見有其他空位置，但會行黎提你時間，唔可以長坐慢慢閒聊的地方，但上次個間，仲細過呢間，但坐左勁耐

2. 剛吃完一樣就即刻過黎收野，好趕客 超唔中意，我一飲完杯野就過黎收，仲同我講話唔夠杯用，我同個fd即諗，唔係應該一座位應擁有一杯? 好慳皮姐 🤔😅

總括 : 食物系美味的，但如果系禁既服務、時間，我寧願去返上次個間，但只為食就可以去下既