雅谷餐廳 (跑馬地)

仿如置身六、七十年代，浪漫的環境和氣氛, 餐廳會隨著不同節日而換上應節的裝飾，加上絕佳的食物如鵝肝、牛扒等不在話下，令甜魔們更為瘋狂的是其享譽全城的拿破崙。這個被我們這一代遺忘了的 Hidden Gem, 以牛油香和質感取勝。吃一口 Amigo 拿破崙，那種實在和幸福的感覺，絕對非筆墨所形容。「檸茶」分別吃過堂食和外賣的版本，當然以即場享用的堂食版本為佳。如你是特別日子到訪 (如慶祝生日、週年紀念、甚至求婚 等)，這個 拿破崙 更是免費奉送的！只要在預訂時 (必須提早至少一天) 向店員說明便可，店方更會為你在蛋糕上加上對方的名字，並會在適當的時刻自動送到顧客面前，完全不用任何提示，服務相當細心。

8 (南灣)

這家混合廣東菜和淮揚菜的米芝蓮二星級中菜廳, 其主菜水準當然毋庸置疑, 原來連甜品環節也十分精彩。論最矚目的, 當然是這個燕液雪人包 ($45) , 賣相非常可愛, 有大小雪人各一: 小雪人只是個麵粉公仔, 只作點綴用途, 並不能食用; 大雪人其實只是有兩個中式包組成, 構造簡單, 店方卻細心地花些心思來設計和裝飾, 變成如此可愛的賣相, 至少會吸引到女生的注意, 男生也很自然地點選給另一半, 至少在包裝上已很成功。

有外表, 並不代表沒有內涵。雪人的上半身是一個紅豆包, 加入了龍眼肉和椰絲, 令較濃味的紅豆蓉得到平衡, 效果討好; 下半身則是燕窩奶皇包, 餡料內含藏燕窩份量甚多, 奶皇則甜度適中, 蛋黃味卻濃厚, 包點製作亦得宜, 是個質素驚喜的包點。

金殿堂 (宋玉生廣場(皇朝))

非常喜出望外同震撼既一餐~

經友人悉心既安排之下, 令到今次既澳門美食團可以包括呢個既 "神秘" 又 "免費" 既飯局在內, 真係可以話係 "有食神"~

事前對金殿堂並無任何印象, 事後從友人口中才知道, 原來名廚周中師傅係該店既烹調顧問, 佢負責構思, 同另一個行政總廚合作創新菜式...

進入酒樓既時候, 見到華麗既裝修, 以為該食店只與一般高級酒樓無異, 對食物的質素放心之餘, 應該心裡有數, 誰不知每款點心既來臨, 竟然帶俾我地一浪接一浪既驚喜, 當中有數款點心, 甚至可以令我地所有人咬落去第一口既時候都不禁地 "嘩~" 左一聲出黎, 果種驚喜既程度, 絕非筆墨所能形容!!!

由於頭 $800 係"免費" 既關係, 我地一行六人食到 "嚴重超標", 值得推介的有以下食品:

吊燒鵝肝金錢雞 - 用了鵝肝做餡, 是比較特別和創新的做法, 肥膩感減少了, 味道亦不錯, 但當然不及舊式酒樓的原裝版本那種懷舊感覺來得強烈吧~ 事後才知道, 原來同晚在電視節目中, 蔡先生也介紹了這道菜式, 實在失敬失敬~

金牌脆皮燒腩仔 - 原本對我黎講呢樣只係 "例牌動作", 冇乜特別大期望, 但當我聽到身旁友人食落去既時候發出好大既 "索索" 聲, 我就知道唔少野喇, 急不及待地食一件, 仲專登叫其他友人留意... 哈哈~ 真係勁脆啊!!! 果然係 "金牌" 呢~

殿堂蝦餃皇 - 另一以 "招牌" 掛帥之作, 又係 "皮薄餡靚", 蝦肉非常新鮮, 絕對唔會拆招牌~

月影香妃餃 - 唔好比個平凡既外表呃左, 我地成班人食晒 D 蝦餃, 呢碟都仲係無人問津, 點知第一個夾起呢款點心黎食之後, 佢竟然話: "仲好食過蝦餃", 我地成班即時做左 "羊群", 食完個個都一致認為好食過蝦餃啊~

鮑汁鴨胸批 - 食到 "嘩嘩" 聲之作 !! 又係唔好俾佢個平庸既外表呃到, 類似菠蘿包既脆皮做到無可再薄, 一咬落口, 脆皮 + 鮑汁 + 鴨胸.... 答案咪就係等於 "嘩嘩聲" 囉~

香芹叉燒腸粉 - 上檯時見到腸粉入面既叉燒份量之多, 我地個個已經 O 晒咀... 食落去, 只可以用 "皮薄餡靚" 黎形容

蟹黃小籠包 - 因為唔食蟹既關係, 無試到小籠包, 朋友話屬中上水準~

淮湯蟹粉小籠包 - 價錢係蟹肉小籠包既兩倍, 仲要少一隻, 但係友人又係食到 "嘩嘩" 聲, 絕讚~!!!

高湯海鱸卷 - 幾特別既菜式, 有棵條墊底, 可以連埋上湯都飲埋~ ^^

香滑芝麻卷 - 另一食到 "嘩嘩" 聲之作, 黑芝蔴既味道同平日食到既唔同, 更有人話, 食落有幸福的感覺啊~

楊枝金露 - 另一高質既甜品, 不過友人話其味道同香港鴻 x 既出品差不多...

除左以上既推介外, 我地仲食左:

蘋果叉燒酥
白花菇黑豚燒賣
金蒜鮮蝦春卷
蜜汁叉燒包
荷香珍珠雞
龍團玉繡球
碧綠東星卷
頭抽一品脆燒雞
油泡田雞腿
薑汁炒芥蘭
綠茶煎丸子
琥珀金露酥
金殿精選甜品

以上全部皆屬中上水準, 值得一讚既係, 點心份量係可以隨住人數而變動的, 例如我地六個人, 蝦餃一籠有四件, 店員就幫我地叫左 1.5 客, 上檯時每籠則分別放了三件在內, 非常體貼和窩心....

扣除 "必要開支"後, 最後每人要俾 $130, 絕對係超超超超超超超值!!!!

席間, 有朋友問我 "你咁耐以黎食得最開心既係邊餐?".... 當時諗左好耐都諗唔到, 事後諗返, 唔知會唔會係呢餐呢? ^^

咁高質素既點心, 晌香港應該好難搵得到了... 以後唯有儲多幾個錢, 先黎呢度再 "朝聖" 吧....

當奧豐素意式料理 (南灣)

位於新葡京酒店 Grand Lisboa Hotel 的意大利餐廳 Don Alfonso 1890, 源自意大利南部榮獲米芝蓮二星級的同名餐廳, 店內不少食材均由主理人 Alfonso Laccarion 家族擁有的意大利農場空運回來, 當中不乏一些罕有和獨家品種, 而所有的食物的烹調過程中, 更沒有用上任何牛油和忌廉, 屬城中罕有。每次用餐首先送來的麵包籃, 從來是葡京集團旗下餐廳的強項, 例如過往於 Robuchon au Dôme 和 Guincho a Galera 所吃過的麵包籃, 基本上都是令人停不了口的, 每次「檸茶」吃完都飽得幾乎吃不下其他食品。

來到 Don Alfonso 1890 自然也不例外, 這個麵包籃, 全部來自店子前方火爐的即製貨色, 上檯時熱烘烘。雖然是免費贈送, 卻一點也不馬虎, 款式多達十款, 包括甘筍包、菠菜包、蕃茄軟包等, 質素均達高水平, 而要說最特別的, 當然是印有其品牌 1890 字樣的薯仔包, 質感鬆軟帶薯香, 坊間罕見, 值得一試。這兩顆牛油就是整個晚餐中唯一出現的機會, 只作蘸麵包之用, 而橄欖油是這裡的賣點之一, 屬 Don Alfonso 自家品牌, 橄欖當然來自其意大利的家族農場, 味道幽香獨特, 吃麵包時不蘸一點, 是你的損失。

玉蕾 (紅磡)

一年兩度的《香港餐廳週》(Restaurant Week Hong Kong) 又來了！

上回 (2013 年 2 月) 活動中, 論最矚目的, 相信是當時剛剛新鮮出爐的米芝蓮一星級餐廳 － 玉蕾。 「檸茶」曾於這店開幕時到訪, 進入大廳, 看見華麗的格局, 配合 270 度維港海景, 感覺實在震撼。首次到訪, 被其 Tasting Menu 吸引著, 首道菜式是 三彩特色拼盤 (Chef's Signature Appetizer Platter), 賣相彷如一幅畫, 構圖極美, 賞心悅目。

三款食物包括煙燻魚柳、棒棒雞和醋漬海蜇, 每款食物的賣相均有其獨特風格, 味道亦同樣出眾, 其中以棒棒雞的味道最為突出, 選用了雞胸部份, 卻仍然非常嫩滑, 麻醬和豆瓣醬均是自家調製, 別處吃不到。

下月舉行的新一輪《香港餐廳週》, 玉蕾仍然是「檸茶」的推介, 相信會再次成為最快爆滿的餐廳之一。