Entourage (中環)

12-3-2011

收工到中環食 lunch, 2 人喺 Soho 行了一轉無乜心水, 嚟到玉葉 (http://www.openrice.com/restaurant/commentdetail.htm?commentid=2120512) 附近卻見到呢間新店供應 set lunch, 仲好似有 crepes 食, 又上嚟試試. 本來想叫 3-course 及 2-course 各一份, 再散叫一份 crepe 做甜品, 不過店員又話是日無 crepes 供應, 唯有叫一人一份 3-course ($138)吧.

麵包係小型 baguette, 唔熱, 邊位脆口但有少少硬, 中間則幾軟熟, 食落就麵粉香強勁 牛油唔似係 salted, 但好香奶味, 不過實在凍了 d, 可惜.

Starter 揀了 marinated sardines with potato salad: 中間一 scoop 薯仔沙律, 再用漬 sardine fillets 圍邊, presentation 十分精緻 Sardine fillets 比預期中無咁鹹, 少少酸, 味道濃鮮 (其實亦可形容為「少少腥」, 視乎你鍾唔鍾意沙甸魚吧), olive oil 味亦香, 配上質地較粗糙, 但薯味香又帶點洋蔥香味的 potato salad 同吃, 開胃又惹味, 正

朋友的 starter 係 goat cheese salad with honey: 疑似 Antonio (http://www.openrice.com/restaurant/commentdetail.htm?commentid=2127834) 名物? Goat cheese 賣相不及 Antonio 的金黃, 食落則無咁鹹, 但羊味強勁, 質地極軟滑, 配上甜甜的蜜糖汁及墊底的脆卜卜多士, 我覺得比 Antonio's 的更好食 沙律菜就夠新鮮, 拌以酸香的 vinaigrette, 都不錯.

主食揀了 duck leg confit: 以前食過的 duck confit 都係無汁的「鹹」及「乾身」一類, 呢度的就有酸而不嗆的 tomato-based 醬汁, 不過淋了醬汁後層皮仍然薄脆, 鴨肉鬆化軟腍又 juicy, 好好食喎 旁邊的 mashed potatoes 質感細滑 (似 puree 多一點?), 薯味香又帶點牛油及奶味, 但食落又唔覺得飽膩, 正 仲有西蘭花, 紅蘿蔔 etc 的 veggies, 味道普通, 用嚟清清味蕾不錯的.

朋友食 Angus striploin: 叫了 medium rare, 切開的確 medium rare, 仲有唔少血水滲出 試了少少覺得唔算好腍, 但質地鬆化, 肉味香, 亦好香炭烤味, 好食喎

Dessert 揀了 floating island: 蛋白 "faak" 得輕巧, 面頭則灑了杏仁片增添 nut 氣及脆卜卜, 食落「一陣風」, 唔太甜, 配上充滿 vanilla seeds 又甜而不膩的 vanilla caramel sauce, 最後當然輕易清碟.

亦試了少少朋友的 dark chocolate mousse, 朱古力味夠香濃又夠 "dark", 唔太甜, 質地軟滑, 正

食物好, 配套亦好, 是日環境清靜舒服, 店員亦 nice 得很, 絕對係由頭滿意到尾的一餐 lunch.

連加一埋單每人約 $152, 絕對值得試試.

>> 本文另記載於 http://locusttunghok.blogspot.com/2011/03/entourage.html

佛笑樓2 (宋玉生廣場(皇朝))

27-2-2009

落船 settle down 後搵地方食晚飯, 搵唔到想去的九記, 但就見到上次食唔成的呢間葡菜餐廳, 又試試. 星期五成 10:00pm 先0黎到, 唔食咁多了, 只簡單叫了 3 樣 share 食, 但仍食得相當滿意!

- Table bread 係熱辣辣豬仔包, 外殼極鬆脆, 內就好鬆軟, 塗上已 softened 的 salted butter, 正!
- 葡式炒蜆: 細細隻蜆仔落了黑椒, 蒜蓉, 芫茜, 蔥, 青 / 紅椒 etc 用 olive oil 炒, 食落無沙, 幾鮮, 不過 d 汁太鹹了, 蓋過了蜆仔本身的鮮甜, 可惜.
- 馬介休炒飯: 飯粒分明, 乾爽無油, 炒得好香, 正! 不過場內冷氣頗勁, 要趁熱食唯有食快 d; 條條馬介休唔會好鹹, 食落帶點魚香, 好食; olives 及條條紅椒就慘遭放棄, 我0地都幾揀飲擇食.
- 阿拉斯加蟹肉沙律: 雖然係沙律, 但我0地就當甜品食 , 因為 d fruits (芒果, kiwi 及哈密瓜) 實在又甜又多汁, 正; 蟹肉份量頗多, 賣相夠晒靚, 食落帶點海水味, 夠晒清新.

食物好, 樓上環境亦好, 靚裝型格又闊落好坐; 而唔知係咪我0地的幫襯時間太騎呢, 全場得我0地一檯客, 亦因為咁得到貴賓式 service, 服務絕對滿分.

連加一每人 $170, 各方面都十分唔錯, 絕對物有所值, 呢度亦成為我0係 Openrice 第二間俾滿分的餐廳 (第一間又係邊間: http://www.openrice.com/restaurant/commentdetail.htm?commentid=1898186).

落船第一餐就遇上咁好的餐廳, 今個 trip 應該幾有食神!

唐閣 (尖沙咀)

阿媽的Entree Club 會藉就0黎到期, 為0左唔好0徙了cash vouchers 及membership card 的雙重優惠, 今日一行4 人book 了7:00pm 0黎試試朗廷的中菜廳. 6:40pm 就坐低, 見未齊人, 先叫碟肴肉拼海蜇(小食) 加壺龍井, 邊飲茶邊食邊等.

肴肉有5 件, 面頭有層好厚的骨膠原jelly (?), 賣相幾精緻, 食落味道亦清甜, 最好食亦當然係層好鮮味的jelly 啦; 海蜇比平時食到的粗身, 食落亦較爽口; 不過最正係d 鎮江醋+ 薑, 酸酸的又帶少少辣(唔止薑味的, 唔知仲落了d 乜呢?), 勁惹味! 龍井則比想像中無咁好, 我屋企0個d 仲好飲過佢=P

釀焗響螺(一隻, 一人份量): 賣相幾靚,「釀物」原來係咖喱汁加大量豬肉, 當然亦有切粒螺肉... 咖喱好濃味, 少少辣,「釀物」口感唔錯, 不過可能咖喱味實在好搶, 整體感覺無乜特別.

釀焗蟹蓋(一隻, 一人份量): 呢個係炸的,「釀物」係洋蔥絲加大量蟹肉, 可配0急汁食... 賣相無響螺咁靚, 但我覺得呢個好食好多, 除0左好香口之外, 亦因為蟹肉份量實在多, 好鮮甜! 洋蔥絲令口感變得sok sok 聲, 感覺亦無咁漏, 勁正!

唐閣片皮雞兩食: 應該係招牌之一, 其實食法亦同片皮鴨差不多... 隻雞都幾大, 睇住師傅0係後面片雞片到「霹靂啪0勒」就知d 皮有幾咁脆, 100 個吸引! 亦因為太吸引, 隔0黎檯都忍唔住手停口停一齊睇埋一份xD 雞皮立立令, 好薄好脆, 黐住的少少雞肉幾滑, 油就一定0架喇, 不過配上京蔥, 薄餅及烤鴨甜醬一齊食, 係一d 都唔膩的, 勁正! 另外亦食了隻雞翼, 雖然無乜味道, 但皮脆肉滑, 都唔錯.
另一「食」就係雞鬆配生菜包, 免治雞肉幾鹹0下又幾0鞋, 不過唔油又幾juicy, 配上爽脆的生菜及烤鴨甜醬, 又幾好食.

海味濃雞湯雜菜煲: 一人分到一碗, 菜心腍甜, 海參爽口, 另外仲有大量蝦乾及瑤柱, 不過最正係d 湯, 超級濃味鮮甜, 勁正!

籠仔荷葉飯: 呢個勁得, d 飯吸荷葉0既香味吸得好勁, 粒粒分明, 乾身得0黎又少少濕, 簡單加上冬菇雞粒, 勁好食!

環境優雅乾淨, 靜靜的非常舒服; service 亦當然好好, waiters / waitresses 們除0左禮貌至極及有求必應之外, 師傅見我係咁影相, 仲專登將隻雞捧上檯俾我影完先片, 哈哈!

雙重折扣後, 埋單每人只需$200, 仲平過上次0係九龍城「小店」食dinner, 勁抵! 非常開心的一餐飯!

呢度亦成為我0係Openrice 第一間俾滿分的餐廳=D

港灣壹號 (灣仔)

脆皮茶皇雞：雞皮燻得上色，吃起來薄脆鬆化，沒有半點油份或肥膏；雞肉方面，白、黑肉同樣嫩滑，smoked 味香濃，好吃！珍珠葉鬆脆不油膩，也不錯。有別於富豪金殿那所謂「至高榮譽金獎」，吃起來卻是「乾柴烈火」的茶皇雞，這半隻茶皇雞，我們兩條友全數清掉。

Le Soleil (尖沙咀)

11-9-2010

早幾個月捉了朋友食 pasta 慶祝佢生日 (http://www.openrice.com/restaurant/commentdetail.htm?commentid=2096087), 今次輪到朋友請我食生日飯, 嚟到我想試好耐的呢度食越南菜 2 人叫了一份 set lunch, 有:-

越式併盤 (appetizer 另可選沙律或湯)
青檸魚露蒸銀鱈魚柳配香蘭葉飯 ($128)
越南咖啡 (加 $28)
dessert of the day

另亦叫了 4 款 a la carte 食物 share 食, 整體印象真係好得無嘢講:-

黑豚肉米紙卷: 包得緊密, 清楚見到由外至內, 先係薄如蟬翼的米紙, 跟住係薄荷葉, 青瓜及黑豚肉, 賣相精緻得唔捨得食. 成件放入口就咁食, 只覺豬肉好熱好嫩又多汁, 跟住有青瓜的爽脆乾爽, 及薄荷葉的「漱口」feel, 正 蘸魚露食, 就當然多一份鹹, 酸甜及微辣, 不過三者味道平衡得幾好, 食落又香又惹味, 正 另一款橙色醬汁一樣幾香, 不過都幾辣; 連旁邊一小撮酸紅蘿蔔絲及蘿白絲亦爽身, 味道酸香又帶少少甜, 正

蒜香牛油燒大頭蝦: 燒得乾身, 肉質結實香口係意料中事, 不過都唔覺係「蒜香牛油」的? 蝦頭內的蝦膏份量極澎湃, 但質地有點水汪汪, 食落又帶苦澀味, 幾掃興.

Set lunch 的併盤有黑豚肉米紙卷 (menu 又話係「牛油果燒蝦米紙卷」!?), 春卷及煎扎肉餅: 春卷炸得鬆脆無油, 餡料就係 standard 的木耳絲, 粉絲, 紅蘿蔔絲, 碎豬肉之類, 調味適宜, 食落香口唔膩又唔口渴; 扎肉有點實淨, 不過煎得幾香; 米紙卷重覆了 a la carte 的, 味道係點唔重覆了.

牙車快: 即 set lunch 的「越式沙律」, 不過我哋呢碟 a la carte 的份量可用「成座山」嚟形容 Dressing 係魚露- 及青檸汁-based, 好香, 酸甜度剛好, 加埋幼細乾爽的椰菜, 嫩滑的雞絲, 炸乾蔥及少量生洋蔥, 唔知點解諗起 coleslaw 食唔停口的一碟沙律, 嗜唔嗜菜都絕對值得試試.

軟殼蟹凍檬: 想食魚露, 澱粉質當然要 order 凍檬 軟殼蟹炸得透, 炸粉薄薄一層, 食落鬆脆無油, 入面的膏 / 肉就軟滑甘香又 juicy, 正 幼身檬粉硬度剛好, 撈上酸紅蘿蔔絲 / 蘿白絲, 生菜絲及成碗魚露, 又既然魚露好食, 呢碟檬粉都好難唔好食吧?

青檸魚露蒸銀鱈魚柳: 青檸魚露汁味道同牙車快的 dressing 差不多, 不過呢個的「青檸」比例更高, 好酸 , 不過好香好開胃; 銀鱈魚預期中的滑溜, 被「酸一酸」後就無晒一貫「油膩飽滯」的特點, 但仍不失本身獨特的魚味, 正! 咁樣的配搭及煮法實在十分聰明, 絕對值得試試.

而「香蘭葉飯」就係好香斑蘭味, 聞落感覺似甜品, 但食落感覺同一般白飯無異的一碟飯, 不過少少哋份量又剛好喎.

越南咖啡係熱 serve, 如常 drip drip drip, drip 完又自行落煉奶... 啡底聞落好香, 飲落則好濃好啃又幾澀 唔知同飲慣意大利咖啡 (仲要係偏「奶」嗰幾款) 有無關係, 但呢杯越式的「啡走」真係唔太啱口味了.

Dessert of the day 就由生日蛋糕取代: 係約 6" 的普通水果 cream cake, 面頭 cream 層細滑輕柔, 少甜, 幾有奶香; cake 層質地「一陣風」亦鬆軟, 但嗒真發覺唔止 chiffon, 仲有 cream cheese 的微香及微濕 ; 水果就係一粒粒浸過糖水的桃, 梨 etc, 無乜特別. 呢個 cake 簡簡單單的, 不過又幾好食, 作為 complimentary item (託賴 Openrice coupon, 哈哈) 無投訴了.

食物令人回味, 而環境及服務亦當然好得無嘢講 (咁又應該的, 呢度係 Royal Garden 嚟0架喎...), 開心到唔想走.

多謝晒朋友的安排.