蝗蟲同學 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-01-24
一直對呢間 steakhouse 好有興趣, 朋友之前食過 lunch 又話「唔係想像中咁貴」及「咁嘅價錢係幾好食 」, 是日 lunch 迫佢帶我上嚟試試. 大家都叫了 set lunch, 有 starter, main, dessert of the day 及 coffee/tea, dessert 仲可以半價轉 a la carte 的, 整體食得十分滿意:- 坐低先嚟一籃麵包, 烘得好熱, 邊位鬆脆, 中間就幾軟熟, 塗點 Anchor 牛油, 不錯的開始. Bisque de homard i.e. lobster bisque (加 $10): 我的 starter, 幾香「蝦殼」味亦有輕微酒味, 質地幼滑, 仲有唔少碎濕濕的蝦肉, set lunch 嚟講收貨有餘了. Crème de champignons i.e. cream of mushroom soup: 朋友的 starter, 試了少少覺得質地較稀, 不過菇味幾清香, 飲多兩嗦都唔覺膩, 都不錯. 主食叫了 côtelettes d’Agneau (4 oz) i.e. grilled lamb cutlets ($148): 吩咐要 rare, 嚟到就似 medium-rare 多一點, 不過燒得香, 食落嫩腍, 羊味亦清香, 配上幼滑的 butter sauce, 都幾好食; 旁邊的薯條有點濕, 但食落薯味好香, 略帶甜味, 係實實在在的「薯」(cf. 薯「粉」) 條, 幾喜歡. 朋友的主食係 entrecôte (4 oz) i.e. charbroiled ribeye steak ($148): 要了 medium-rare, 賣相亦十分對辦, 不過好似比我的 "rare" 羊架仲生 d? 燒得香, 食落肉味唔算好濃, 但實在十分嫩滑, 好好食喎 果然係招牌菜, 值得試試. 對 dessert of the day (好似叫「椰子蛋白布甸」, or something like that...) 無興趣, 甜品轉了 tarte fine aux pommes a la mode i.e. thin apple tart with ice cream: filo pastry 熱辣辣, 極薄極鬆脆 (切落去係「咔嚓」一聲), 牛油味香, 蘋果就酸酸甜甜, cinnamon 味點到即止, 加埋充滿 vanilla seeds 又好香滑的呍呢嗱雪糕 (自家製?), 十分好食 , 好此道的絕對值得試試. 朋友作為朱古力魔, 當然叫了 petit gâteau au chocolat servi mi-cuit avec une boule de glace à la vanille i.e. warm chocolate cake served with vanilla ice cream: 焗得外鬆脆, 內就 "medium-rare" 得很, 流出的朱古力漿幾澎湃; 食落夠熱, 朱古力味夠香又唔會好甜, 配上呍呢嗱雪糕 (呢球就無呍呢嗱籽了, 食落亦似「牛奶公司」) 一凍一熱, 又點會唔好食呢 最後仲有杯咖啡, 幾香, 齋飲濃而不苦澀, 不過當然落糖落 cream 較香滑啦. 食物好, 配套亦不錯, 價錢仲要唔貴 (我的 set lunch 連加一埋單約 $220; 朋友就約 $165), 奇怪點解星期日 lunch hour 水靜鵝飛? 推介美食: tarte fine aux pommes a la mode,petit gâteau au chocolat servi mi-cuit,entrecôte
評分: 味道 5 環境 4 服務 4 衛生 4 抵食 4
2011-01-20
試過一次世貿的所謂 Chatterbox 海南雞, 覺得一 d 都唔好食 (http://www.openrice.com/restaurant/commentdetail.htm?commentid=2135495), 從南瓜的食評得知銅鑼灣又開多間海南雞店, 又係用「新加坡文華」作招徠, 好奇之下又試試. 2 人約 7:00pm 嚟到, share 了半隻海南雞及一碟馬來炒茄子, 再一人一油飯及薏米水, 食到超飽, 亦十分滿意:- 海南雞: 雞皮薄身爽口, 不過其實有唔少黐住一舊舊肥膏的部分, 隻雞都幾肥呀吓 黑肉 as expected 的嫩滑, 就連白肉一樣滑溜又鬆化, 蘸上杰身又香濃, 仲要任落 (!) 的「廣祥泰」牌「雞飯老抽」, 正 另外仲有酸辣汁及薑蓉, 後者夠味, 質地亦實實在在, 前者則唔酸又唔辣, 淨食「廣祥泰」吧啦. 油飯: 唔油, 似係雞汁飯多一點? 但食落夠味夠乾身, 硬度亦剛好, 感覺香而不油膩, 幾好食. 跟飯仲有一碗湯, 味道似足冬瓜清雞湯, 睇得見的配料就有生菜絲及玉子豆腐一件. 味道一般, 不過無 MSG 痕跡就係真的, 都收貨了. 馬來炒茄子: 炒得熱辣辣鑊氣十足, 茄子有爽甜又有腍身的, 不過兩「種」的都索 / 沾上馬拉盞 (?) 醬汁, 食落微辣又微甜, 十分惹味, 食唔停口 其他配料就以爽甜的洋蔥最好食; 車厘茄就無食了. (熱)薏米水: 甜度低, 味道清清的幾解渴, 下面仲有大量薏米, 不過食落好硬. 食物好, 招呼亦好, 店員們熱情好客又有禮貌, 加埋乾淨企理的環境, 整體印象很不錯. 每人埋單約 $125, 唔算好平, 不過實在比海南少爺出色得多, 值得試試. 推介美食: 上述所有食物!
評分: 味道 5 環境 3 服務 5 衛生 4 抵食 4
2011-01-18
是日放假半天 , 處理私事前先到旺角食個 quick lunch, 睇了呢間新茶記的食評好似不錯, 又過嚟試試. 叫了「常餐」, 有蕃茄豬膶通, 火腿 + 炒蛋 + 多士及熱奶茶 ($30). 熱奶茶: 好熱 , 齋飲幾滑溜, 茶味幾香, 奶味 vs 茶味比例約 4:6, 唔澀, 落半包糖已好夠, 幾好飲喎 火腿 + 炒蛋 + 多士: 淨講後兩者吧 炒蛋賣相及質地一樣滑, 蛋汁幾多, 油亦不少, 不過其實都唔算太嚴重的, 而且落唔夠油的炒蛋邊度好食0架 唯一唔好就係幾乎零調味, 食落唔太夠香, 唯有自行灑點鹽吧. 多士就係「厚」類, 微鹹的牛油塗得夠, 外烘得唔算好鬆脆, 不過食落中間夠軟熟就係真的, 都算不錯. 蕃茄豬膶通就有點失望... 粒粒通粉幾「厚」, 唔會腍 bad bad, 不過食落又有點實 薄切豬膶有 4-5 小片, 質地幾「脆」, 不過食落帶苦澀味; 蕃茄湯底幾杰又幾多茄茸, 味道則太「茄膏」, 好酸 , 嗒落仲有「豬膶水」獨特的味道, 但原來茄膏 + 豬膶水溝埋味道唔多夾 比起康怡附近嗰間茶記的相類出品 (http://www.openrice.com/restaurant/commentdetail.htm?commentid=2011102), 人哋好食得多, 早知叫 non-蕃茄湯底啦. 小試牛刀食物 marginally 叫不錯, 環境亦係預期中的乾淨企理 (不過既然係新店, 唔乾淨就大件事了...), 而阿姐們就幾有禮貌, 「唔好意思」前「唔好意思」後的, 招呼都不錯. 放低 $30, 感覺上食物同灣仔嗰間「疑似」冰室 (http://www.openrice.com/restaurant/commentdetail.htm?commentid=2060390) 的差不多好食, 印象 so far 不錯, 可以一試的.
評分: 味道 4 環境 3 服務 4 衛生 4 抵食 3
2011-01-15
即興捉了朋友食 dinner, 又去了大坑, 天寒地凍本來想打邊爐的, 但諗諗吓兩條友打邊爐又似乎唔多過癮, 兜了幾圈最後嚟了呢度食串燒. 2 人叫了 10 幾款 share 食, 海鮮 / 紅肉 / 白肉 / 蔬菜 / 水果乜都有 d, 整體都幾滿意:- 牛舌: 粒粒 cube 狀, 幾厚切, 不過質地極腍, 簡單捽了鹽及黑胡椒調味, 食落則有點羶, 唔太喜歡. 牛柳串: 嚡口, 咬落亦好韌, 掃上的醬汁味道似照燒汁, 不過太甜, 份量又太多了, 幾唔好食. 香草椒鹽雞翼: 勁熱辣, 雞皮乾脆鹹香, 雞肉則嫩滑多汁, herbs 味清香, 其實「燒雞翼」幾難唔好食? 燒茄子: 以為係「原條」又燒到軟腍腍嗰隻, 嚟到先知原來係「圓形一餅餅」狀 食落係較少遇到的「爽脆」及多汁, 味道卻十分清甜, 配上面頭少量木魚絲, 好好食喎. 豬頸肉: 燒得幾燶, 質地爽身, 油香豐盛, 就咁食十分飽膩, 好在旁邊有生菜包住同吃, 亦好在生菜十分新鮮爽脆, 幾認真的. 燒菠蘿: 面頭灑了 cinnamon 粉, 食落則預期的多汁, 及意料之外的酸到阿媽都唔認得 不過食完油膩的豬頸肉後整返支酸一酸, 當清一清味蕾都 ok 的. 蒜蓉包: 外圍幾鬆脆, 中間就好軟熟, 蒜蓉味及香草味都點到即止, 味道還不錯, 不過我還是較喜歡蒜味濃一點, 食完個口勁臭的 芝士腸: 完全食唔到芝士 / 芝士味, 係燒時已漏晒出來? 不過腸仔本身係燒到脆卜卜, 帶少少甜, 都幾討好的. 燒蠔: 食落未算十分濃鮮, 不過新鮮度不錯的, 加埋以蒜蓉為主的調味, 食落有輕輕的辛辣味, 及多多的甜味, 都滿意了. 貴妃蚌: 呢個就很不錯, 食落爽脆嫩滑, 味道清甜得很, 絕對比一般海鮮酒家食到的 e.g. 蒸蚌有過之而無不及, 是日只售 $35 一隻, 值得一試的. 燒粟米: 無預期中的 "popcorn" feel, 不過燒得夠香口, 食落清甜又帶點鹹牛油的味道, 勁快清碟 燒白鱔: 皮薄脆, 肉厚身亦香軟, 配上甜甜的照燒汁, 幾惹味, 幾好食的. 燒鵪鶉蛋: 面頭掃上燒汁及捽了點七味粉 (?), 食落就同一般「烚」/「鹽焗」etc 的鵪鶉蛋無分別 -- 不過鵪鶉蛋又可以有幾特別? 燒上級豚肉: 又係照燒汁 @_@ 比起超韌牛柳串, 呢個鬆化得多, 黐住點肥的部分當然更香, 而整體味道係似足日式「叉燒」 芝士牛油焗雜菌: 又蒜蓉又牛油又 stringy 的芝士, 夠晒香口, 多款菇中最喜歡金菇及粟米仔, 後者十分清甜爽脆, 正 小店 ventilation 不錯, 離開時完全唔會成身「燒嘢」味; 店員們亦友善有禮, 配套不錯的. 連凍飲兩款, 每人埋單約 $175, 食至 80 成飽, 食物亦不錯, 可以一試. 推介美食: 燒貴妃蚌
評分: 味道 4 環境 3 服務 4 衛生 4 抵食 3
2010-12-10
8-12-2010 收工想去大坑的新甜品店食 creme caramel, 但點都要先食正餐吧, 2 人去了天后, 求其入了呢間港式日本餐廳試試. 散叫了鍋物及烏冬各一獨食; 朋友就叫了「北海道四色丼」的「晚市一人前」($180), 跟前菜, 沙律, 魚味噌湯, 茶碗蒸及甜品. 先講講朋友的定食:- 前菜: waitress 姐姐話叫「關西煮」(原來有「關西」(cf.「關東」) 0架? ), 而呢小碟おでん就有魔芋, 大根, 竹輪, 豆卜及雞肉丸 (?), 試了魔芋覺得質地似「啫喱」多 d, 湯汁的甜味及醬油味就比平日會食的「關東」版淡, 作為前菜清清哋都 ok 的. 沙律有青瓜, 車厘茄及大量海藻, 有 mustard seeds 的醋汁好多亦好酸 , 而因為朋友唔食海藻, 我就撈起所有海藻,「晾」走醋汁後自行配醬油同吃, 幾滿足, 哈哈. 茶碗蒸: 只試了少少少少蒸蛋, 做得幾滑, 不過面頭的柚子我覺得唔夾; 朋友就話「ok 啦」,「雞肉 ok 喎」, 不過「粒白果有 d 苦」... 北海道四色丼有海膽, 三文魚籽, 甜蝦及劍魚腩, 我好唔客氣地每樣都試了少少 海膽望落幾多凹凸「坑紋」, 食落則甘甘地而唔覺甜, 比以前某間三色丼店 (http://www.openrice.com/restaurant/commentdetail.htm?commentid=2013319) 的 lunch 貨色更遜一籌; 甜蝦一般爽, 味亦淡, 對面間居酒屋 (http://www.openrice.com/restaurant/commentdetail.htm?commentid=2058146) 的好食好多喎; 三文魚籽醃得好甜, 酒味則比預期少好多, 唔算喜歡; 劍魚腩則幾香, 質地爽彈, 係較好的一款. 飯底混了酸薑及紫菜, 芝麻 etc, 不過無試了. 魚味噌湯內有豆卜, 紅蘿蔔, 大根, 三文魚, 鯛魚 (?), 昆布, 靈芝菇 (?) etc, 雖然真材實料, 但配料係太多, 味道及質地都濃得有點頂唔順 不過清清哋又腍身的紅蘿蔔及大根配上濃稠湯汁同吃, 係幾好食的. 甜品叫「紅豆綠茶小丸子」, 紅豆甜湯勁多渣, 食落好甜, 仲有輕輕陳皮味及粒粒蓮子, 完全係中式「紅豆沙」「綠茶小丸子」皮薄而帶點煙韌, 餡料就疑似係蓮子, 粉粉的亦幾鬆化, 雖然感覺有少少怪, 不過都算幾好食. 海鮮鍋: 有蠔, 青口, 三文魚, 鯛魚, 帆立貝, 冬菇, 紹菜, 豆腐, 蒟蒻麵 etc, 幾款海鮮中最喜歡蠔, 雖然唔算十分新鮮, 但食落軟滑清甜, 都幾好食; 蔬菜類就最喜歡豆腐, 豆味清香, 質地又滑到呢 湯底就係 standard 的醬油 + 味醂 + 糖 etc 湯, 鹹甜度剛好, 又有蔬菜的清香, 加上夠晒熱辣, 是日又天寒地凍, 其實幾難唔討好的. 淨烏冬: 點都要食 d 澱粉質吧, 叫熱湯烏冬主要用嚟配海鮮鍋同吃, 還掂 waitress 話呢個湯底同海鮮鍋的一樣 烏冬質地唔算好煙韌, 但起碼無煮到腍 bad bad 吧, 而且呢樣叫嚟純為填肚, 收貨的. 不過呢碗散叫的淨烏冬份量都幾大, 盡晒力只係食到 2/3, 大家 order 的話要留意. 鹽燒牛舌 (一客 6 件): 燒得香, 亦厚切, 不過又好似太厚切 , 雖然中間嗰兩塊爽口鹹香, 但其他食落係好韌, 有少少敗興. 食物 ok, 環境亦企理, 不過最好絕對係 service, waitress 係極有禮貌, 配套不錯. 埋單每人 $220, 價錢同炮台山嗰間 (http://www.openrice.com/restaurant/commentdetail.htm?commentid=2129937) 差不多, 雖然我覺得人哋好食 d, 不過對呢度的印象都唔差, 可以一試的.
評分: 味道 3 環境 3 服務 5 衛生 3 抵食 3
|