池記 (九龍灣)

下午茶好去處.
叫左:雲吞米,豬軟骨湯米,薏米水
雲吞米:冬蔭湯底冇左,好在清湯底都唔錯,鮮甜好味.雲吞彈牙有口感,米粉份量十足,又大碗.
豬軟骨湯米:湯底清甜夠味,豬軟骨好淋又入味,大大件,正.
薏米水:薏米香濃,有蜜棗同薑,好重薑味香辣味美好醒神.
整體:好味又夠飽.

日月星快餐 (牛頭角)

炸脾迷嘅我,所有再會日月星.
叫左:炸雞翼+熱狗餐,炸脾+腿治餐.
炸脾+腿治餐連飲品$23:炸脾炸得剛剛好,唔會燶,皮脆肉滑,今次好野味.腿治麵包新鮮都唔錯.
炸雞翼+熱狗餐連飲品$22:又平又好味,炸得香脆又入味,熱狗微酸嘅沙津醬再配合雞肉腸,回味無窮.
熱奶茶:茶味香濃奶夠滑,帶有小小茶酸.
真係平到冇野講,繼續支持!

協奏坊西餐廳 (大角咀)

今次真好彩,居然抽獎抽中我去食免費自助餐.
地方雖小,食品都唔小.
有:三文魚、鱆紅魚、希靈魚及八爪魚,帆立貝,煙三文魚,青口,醃魷魚,蟹蓋,酥片三文魚卷,生蠔,南瓜湯,吞拿魚蕃茄, 銀魚小食,翡翠螺,蟹腳,沙律,火腿,熱葷,菜乾湯,燒牛肉,韓式餃子,壽司,韓式豬骨麵豉湯煮韓國粉絲,春卷,魚餅,炸雞,炆豬肉,韓式蠔仔煎蛋,焦糖燉蛋、芒果布甸,芝麻布甸,蒸元貝,藍莓芝士餅,意大利芝士餅,朱古力蛋糕,蘋果金寶.
三文魚:新鮮好有魚香及夠肥美.
鱆紅魚:味太淡有根,一般.
希靈魚:做法粗左D,味道過酸.
八爪魚:太硬味又唔夠鮮.
帆立貝:雖然細細粒,但好夠味,汁煮得唔錯,香甜味美.
煙三文魚:鹹香味濃,幾好味.
青口:好淡味唔新鮮.
醃魷魚:好硬好難食.
蟹蓋:膏唔多,但都鮮味,不過得好小.
酥皮三文魚卷:出左一次就冇再出,本人覺得普通,可能涷左原因,個皮唔脆.三文魚味唔油香.
生蠔:淡味唔太新鮮.
南瓜湯:香滑南瓜味濃.
吞拿魚蕃茄:普通.
銀魚小食:太普通,都幾硬下.
翡翠螺:有沙,但肉幾淋可以嘅.
蟹腳:大大條,鮮香味美.
沙律:菜新鮮,但選擇比較小.
火腿:普通.
熱葷:整體味道麻麻.
菜乾湯:清甜潤喉.
燒牛肉:好嚡,肉味太淡.
韓式餃子:厚皮,但內裡肉汁唔錯.
壽司:冇咩味.
韓式豬骨麵豉湯煮韓國粉絲:湯底鮮味,加上韓式辣醬好野味.
春卷:好硬身,唔脆.
魚餅:普通.
炸雞:好淡味,肉質都算滑.
炆豬肉:好嚡.
韓式蠔仔煎蛋:蛋好老,完全唔好味.
焦糖燉蛋:得個死甜冇蛋香.
芒果布甸:芒果酸.
芝麻布甸:太人工做啦.好肥膩下.
蒸元貝:鮮甜美味蒜香野味.
藍莓芝士餅:可試,藍莓唔太甜.
意大利芝士餅:芝士味唔夠.
朱古力蛋糕:一般.
蘋果金寶:個皮幾脆,但太甜.
整體:價錢唔貴,種類都算多,但唔好太大祈望,合適大班人去家庭聚會.

富臨漁港 (紅磡)

之前食完包包食到一肚氣,又未飽,見到好底食,買回家食.
買左:蘿蔔絲酥
蘿蔔絲酥$11:大大件,奇貌大揚但實在有內在.蘿蔔香甜口感足用料份量更加足重量級份量,酥皮唔太油夠香口.
整體:想像中好,值得再食.

上海飽餃店 (紅磡)

睇食評好似幾好,真真失望.
叫左:豆漿,生煎飽,鍋貼
豆漿:好驚呀,已開嘅凍豆漿,豆味淡唔夠滑.
生煎飽:又油又厚皮,肉質味太濃用太多醃料去做好鹹.食完肥幾磅.
鍋貼:又係油到好驚呀!除油味同麵粉味外咩都食唔出.
整體:價錢貴,環境差,衛生更差.等蒸食品四圍放.