雲南啊老表黑山羊湯鍋米綫 (佐敦)

黑羊湯鍋米綫曾經上過Openrice既頭十...見之前有團購所以就買左...雖然團購只有雞, 牛腩粒同金錢肚揀, 但係就包菜同凍飲...所以買左一張, 另外就可以正價叫羊肉share...仲可以share埋其他野tim...羊肉有得揀有皮定無皮, 湯底有得揀清湯同酸辣...

我地叫左 連皮黑羊米線(小), 金錢肚米線(小), 另上 酸辣, 生菜, 凍檸茶...(本身姐姐漏左個生菜, 提完之後就好快出俾我地) 連皮黑羊米線(小): 清湯店內有介紹係用牛肉煲6-8(?)小時做成既...湯呈乳白色, 味道咸咸地, 幾夠味...雖然有d似味精, 但連平時唔食清湯既我都飲左唔少...米線好滑, 而且一咬就會斷, 唔係譚仔有彈性既米線...羊肉好香, 有d騷味...但係咁先似羊...不過我最鐘意就係皮個d位, 有d似食緊咬得到既橡筋(誤)...一定好多骨膠原... 金錢肚米線(小): 金錢肚無怪味...煮得剛好, 好淋, 又唔會咬唔開...係幾好食, 但係無咩特別...正常會叫返黑羊米... 酸辣: 見之前好多人都話好味就試一試...份量好多, 但係好咸同酸, 而且無辣味...其實食原味本身已經好正, 所以唔會再加... 生菜: 白烚菜, 好清, 無味...一定要點蠔油, 但食食下有隻蟲仔死左係上面...姐姐有不停講唔好意思, 亦話換過俾我地, 但係我地都夠啦, 所以都唔需要...
凍檸茶:有d淡...

店面姐姐勁有禮貌, 雖然可能做漏野, 但係會道歉, 見到團購客又無黑面...十分熱心...我會再去, 正價食清湯連皮黑羊米!

牛角日本燒肉專門店 (元朗)

食左牛角3年, 做左會員兩年...從來都無食過佢既lunch...因為返工附近無牛角, 行到去都過左我既luch hour...

星期六去左派曲奇, 終點站係元朗...天氣咁熱, 所以去左元朗廣場先諗食咩...上左去睇到原來牛角星六都有lunch set...而且聽過朋友講有牛角飯任加...雖然上次食完覺得一般, 不過唔想再行就去食啦...

位置係元朗廣場3樓, 三聯隔離...

我地叫左 燒肉定食, 石鍋泡菜豆腐海鮮湯...

燒肉定食: 要左鹽醬胸腹肉, 豬頸肉...隨餐有湯, 牛蒡絲, 白飯任加, 餐飲...
牛蒡絲, 湯: 比較爽脆, 唔鐘意...湯就(似)係味精湯, 所以當然好飲... 燒肉: 無將貨就價, 同晚市一樣...胸腹肉軟身, 豬頸肉彈牙, 兩個都無雪味, 而且唔會無味...

石鍋泡菜豆腐海鮮湯: 隨餐有前菜3點, 牛角飯任加, 餐飲, 牛角雪糕... 前菜:3款都好食, 左邊既肉粒質感偏實, 中間既菜就係麻油味, 右邊泡菜唔會太酸太辣... 海鮮湯:上菜時仲滾緊...湯入面有好多粒帆立貝, 亦有蜆 ...豆腐無咩豆味, 但好滑, 應該係百福個類...最可惜係個湯太咸 , 唔係太飲得落, 撈白飯都可以既, 牛角飯就唔夾... 牛角飯: 其實就係麻油紫菜醬油飯...比我之前屯門牛角食無味既加蛋牛角飯, 好味得多...麻油同紫菜本身已經好送飯, 加埋佢地既醬油, 咸咸甜甜, 好正 ...我食左3碗 ...不過第一碗比較好, 之後第二碗既醬油開始太多, 咸左d...所以第3碗就走汁 ... 牛角雪糕: 選擇左綠茶底, 無咩味, 面頭既豆粉令到我咳左好耐 ...下次應該叫佢唔好落粉...

二百蚊唔駛食到燒肉同牛角飯其實真係好抵...經理話lunch set做到下午5點, 咁如果下次5點黎食, 夜晚咪可以唔食lor...

BBQ Chicken Premium Chicken (銅鑼灣)

韓式炸雞我食過2次, 一次係韓國, 一次係香港李家...可惜始終係香港都食唔返正宗既味道...
一星期前得知銅鑼灣開左一間韓式炸雞連鎖店, 就滿心歡喜要食下...

位置係新記車仔麵對面, sogo後街再後一條街...

因為只係開左一星期, 所以人潮都未減...我地排左25分鐘就入到去, 所以我覺得都幾快...

我地叫左 香脆芝粉雞, 雙重芝士辣雞, 泡菜餅... 香脆芝粉雞: 本身話炸雞即炸要等30分鐘, 但轉頭5分鐘左右就到左 ...兩個人叫左標準size, 有10件雞...有4隻鎚同4隻翼, 仲有2件胸(??)...本身以為芝士粉會好漏, 點知呢到既芝士粉唔係咸既, 係甜甜地 , 即使佢俾好多芝士粉都唔會覺得太heavy ...炸雞個皮幾脆, 入面既肉除左肉質好滑之外, 仲唔會太油, 又有肉汁, 又唔會無味 ...超好食, 比李家好食好多...食完之後覺得唔夠, 仲想食多碟... 雙重芝士辣雞: 上枱既時候芝士仲係boiling...二人枱好細, 要收起餐具先可以放到埋辣雞...因為食完炸雞先有手食佢, 所以凍左d, 芝士都硬左 ...雞肉唔滑, 無肉汁, 無得同炸雞比, 另外亦都唔辣 ...都幾多薯仔蘿蔔做配菜, 唔會太淋, 但有d油 ... 泡菜餅: 上枱時係無切開, 可以叫員工幫手切...餅底好chewy, 但係就好厚同得餅粉味 ...泡菜加埋一齊食既時候好酸 , 無咩泡菜味...亦無汁可以點...雖然無李家個個咁油, 但我鐘意食李家個餅多d ...食唔哂, 我拎左返去點汁食...

水同refill都要叫先有, 不過其實Waiter同waitress做野都幾快 ...一坐低隻碗有粒好大粒糕狀既野 , 都係要叫人換, suggest大家小心d ...另外店入面有廁所, 可以食完洗手, 都幾細心...一定會有下次, 不過經過今次之後, 我下次黎既時候點兩份炸雞就可以 ...

湘川滬 (天水圍)

是晚同男友去睇神奇四俠...我地就決定去附近既湘川滬食個quick dinner, 其實都成日食, 不過好耐無食佢地既冷麵...上次冬天心癮起去到想食, 但係去到先發現原來得夏天先有...

位置係買飛上兩層, 者係759個層... 花生: 之前係炸到脆既紫菜花生, 而家係無鹵水味又淋哂既鹵水花生...

我地叫左 麻醬雞絲冷麵, 四川香辣冷麵... 麻醬雞絲冷麵: 雞絲係面, 青瓜係邊, 米白色既醬汁顏色同麵既顏色差唔多, 所以好難睇到撈勻未...麵既份量夠一個人食, 麵底比較實, 要花少少時間先撈得開...麻醬偏少, 正常係街可以買到, 但係比較稀...雞絲唔會太少...唔係特別, 但幾好味... 四川香辣冷麵: 有肉碎係面, 青瓜係邊, 橙色既醬汁顏色比麻醬吸引...麵既份量同上面一樣都夠一個人食, 麵底都係較實, 要花時間去撈...麵質幾彈, 掛汁能力幾好...醬汁用左好多花椒粉, 食幾啖嘴唇已經麻左...醬汁幾濃味, 都幾辣下, 但係配冷麵就好夾...食到底既時候就覺得有d咸...肉碎正常肥瘦, 好間唔中食到有筋, 我覺得仲好, 無咁plain...

呢到既冷麵無得輸, 一定會再黎食...另外今次睇menu仲見到好多新奇野想試, maybe next time...

鱈卵屋 (銅鑼灣)

上個月係永光大廈諗緊去唔去食Chibee Chicken and Beer...去到樓下有個人俾左張鱈卵屋單張我地...明太子呀!係一間專賣明太子既餐廳...我超級鐘意明太子, 係日本都要食明太子茶漬飯...可惜香港食明太子既地方唔多, 間唔中會有明太子意粉, 明太子薯餅, 不過都唔會係專門店 ...所以我下定決心一定要去食下...

個日見burger room咁多人, 者係我終於有機會食明太子啦...

我地去到既時候全場都full左, staff就搬多張枱攝俾我地坐, 所以有d逼...而投影機播緊既係有關明太子既日劇, 但係mute左亦無字幕, 所以我都唔明講咩... 我地叫左 鬆軟明太子上灌湯蛋卷, 三文魚拼油甘魚鱈卵碗... 鬆軟明太子上灌湯蛋卷: 蔥既綠色, 蛋卷既黃色同明太子既橙色, 襯埋真係好開胃...蛋卷真係手工做到一層一層咁, 完全唔係玉子壽司上面個d...所以每一層中間都有d空間, 令到蛋卷咁鬆軟...另外蛋漿應該有用湯黎開, 所以蛋既味道唔係死咸, 湯汁亦唔會濕到會碟底都係水...明太子有好少少少少辣...碟上有沙律醬同蘿蔔...沙律醬加左會有味d, 但係舊舊加就有d漏, 應該要一開頭plain咁食先; 蘿蔔就唔係蓉黎, 係一絲絲, 好實, 可以唔好試... 三文魚拼油甘魚鱈卵碗: 好多顏色好靚呀...鱈卵碗要分三次食: 咩都唔落, 落配料, 落湯...不過首先都係要撈勻...飯有d實, 要俾多少少力同時間撈, 明太子份量好多...除左魚仲有蛋絲同少少白色粒粒...食一啖...白色粒粒應該係筍(?), 明太子味為主, 但飯比較乾...之後就落配料...配料有6款白芝麻, 黑芝麻, wasabi, 紫菜, 蔥同另一條蔥(?)...我除左另一條蔥我所有都落左...呢次就wasabi味比較出, 味道比第一輪特別...之後就落左佢地既湯...當然今次就係湯味出d啦, 但係明太子都出返黎...呢次飯無咁乾, 好食...唯一呢碗飯我比較有意見就係佢個魚, 有少少魚腥味, 溫度亦唔凍唔熱, 有d耐人尋味 ...

呢間餐廳老闆係日本人, 所以對服務質數都幾有期望...雖然waiter唔係一坐底就有水, 但係就有幫我地主動refill...算不過不失啦...埋單既時候仲會有明太子外帶產品catalog睇, 定價有d貴, 但真係幾全面...呢間明太子專門店既食物質數好好, 一定會再去食, 不過10點後去好似會抵d...