ben_z 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-01-17
星期日黎到葵廣掃街,葵廣出名多平價小食檔,經過見到呢間舖仔細細又隱閉,但係店前企滿人,原來係食手抓餅,之前係旺中都見過,不過果次食飽野無食到,今次就試下啦 呢度係先同店員落Order講要邊款先,然後10-15分鐘之後再返黎,拎食物既時候先俾錢 點左招牌火腿雞蛋肉鬆手抓餅($26) 饀料勁豐富仲有生菜同蕃茄 餅皮勁酥脆,加埋啲醬料,勁夾勁好食 難怪真係咁多人,隔左一個鐘再經過已經見到佢放左塊手抓餅已售罄既牌出嚟 果時先係下午三點左右,證明呢間手抓餅真係好受歡迎 下次再黎試埋其他口味先 推介美食: 火腿雞蛋肉鬆手抓餅 評分: 味道 5 環境 4 服務 4 衛生 3 抵食 4
2023-09-17
突然心血來潮黎葵廣再掃街 年青時候嘅回憶 見到呢間章魚燒好多人排隊 揀咗個火炙熔岩芝士脆脆 唔洗等好耐,大概等左5分鐘左右 入面有大大粒章魚 面頭有芝士沙律醬墨西哥脆同木魚 熱辣辣又有咬口 完全顛覆咗以前食嘅普通章魚燒 好特別有唔同質感味道剛剛好 我覺得個Nachos完全係提升左個章魚燒 $34/6粒 $40/8粒 好飲恨淨係嗌左6粒 因為想留肚食埋其他舖 結果覺得唔夠食 本身想試埋明太子或者係蟹膏 如果可以mix就好了 下次再嚟試埋其他口味 推介美食: 火炙熔岩芝士脆脆 評分: 味道 5 環境 4 服務 4 衛生 4 抵食 4
2023-09-17
疫情前都嚟過呢度食過幾次宵夜 近期睇到有YouTuber介紹又想再嚟呢度試 OpenRice依排有券可以買 $158一位,分時段再加服務費 不過要早一日預約 今日突然興起行過好想食 咁唯有俾正價啦 20:30左右入座,唔使等黎到就有位 $248一位另收加一 串串多達三十多款 另有多款小食提供 飲品有汽水茶及啤酒任飲 全部都係任飲任食 湯底點咗大辣多麻 大部份食材都係超吸湯 超推介豬皮豆卜蘿蔔薯仔魔芋 有咬口嘅肥腸魷魚牛肋肉杏鮑菇 辣度剛好,香口 竹簽可放在桌上提供的竹筒 每台都有紙巾提供,相當貼心 小食 全部都好入味,好開胃 最喜歡藤椒雞軟骨同棒棒雞 雞軟骨辣辣地,有藤椒獨有的香味 棒棒雞即係麻醬青瓜雞絲,香口好味 店員姐姐十分有禮 連廚師叔叔都好好客 整個用餐過程十分愉快
評分: 味道 5 環境 4 服務 5 衛生 4 抵食 4
2023-09-16
我最鍾意食辣 雞煲麻辣火鍋烤魚水煮系列酸菜魚係最愛 見有Youtuber介紹,原本想試任食 價錢唔貴又多野食,不過得2個人,又好似食唔到咁多野,所以無試到 最後單點酸菜魚($168) 點左中辣 同水煮田雞($188) 點左大辣 本身睇個價錢都覺得正常,平時其他地方食都差唔多,一黎到真係嚇親 份量多到嚇親我 酸菜魚($168) 超級多魚片,無骨嫩滑,酸菜爽口,湯底清甜酸度足夠,好開胃,只係略嫌唔夠辣 底有大量芽菜,蓮藕,萵筍,豆卜,寬粉 全部吸晒湯汁勁好食 水煮田雞($188) 田雞份量都多,煮得好嫩滑,辣度都足夠,面頭辣油可以一直保存熱度,底部同樣有大量配料,同樣吸汁好味 呢個價錢,有咁既份量,性價比超值,一定會再黎 推介美食: 水煮田雞, 酸菜魚
評分: 味道 5 環境 4 服務 4 衛生 3 抵食 5
2023-09-16
某日係旺角路過茶救星球,見到苦瓜檸檬茶,一聽到苦瓜即刻耍手零頭,苦瓜好似從小到大都係天敵 但係老公好想試,於是買杯試下,價錢唔算貴,只係$29一杯 等候時間有啲耐,天氣太熱,店內有冷氣有座位可使客人等候或用餐 等左大概20分鐘,終於到手,每杯附送可愛麻雀一隻,真係好想儲齊一套 苦瓜檸檬茶,飲落清新,一啲都唔苦,內有苦瓜肉,苦瓜同檸檬味好夾,消暑一流,仲有清熱解毒效果,飲多幾杯都無罪惡感 下次試埋個芫茜檸檬茶先 推介美食: 苦瓜檸檬茶
評分: 味道 5 環境 5 服務 5 衛生 5 抵食 5
|