快樂哥哥 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-02-10
因為要慶祝小朋友生日,就帶咗仔仔去觀塘炑八韓烤親子餐廳,一入門口,仔仔就比個playroom吸引左入去玩啦,真係要大讚餐廳貼心既安排,座位前面就係一塊大玻璃,爸爸媽媽可以一面食一面望到小朋友入邊玩嘅情況,相當放心 職員亦好快放左三碟前菜係檯,有泡菜、大豆芽同海帶,全部可以refill ,之後我地亦都好快點左幾樣野食 特級牛肋骨 牛肋骨配上一隻大蝦,一放上烤網燒,已經傳來一陣好香牛味,肉汁豐富,燒完絕對唔會鞋口同韌 名品大王豬扒 非常推薦的一道菜,豬扒十分大塊,燒到外面金黃色,呢個時候再用佢附上既生菜包住點埋醬汁食,真係好惹味。同埋真係要讚一讚店鋪職員,繁忙時間仲會走過黎想幫我地燒同埋剪開一份份,真係好體貼。 月見韓牛前胸肉 雖然係薄切,但其實每一塊都好大片,而且食得出相當新鮮口感滿滿,點埋附上既醬油生雞蛋食,真係食到停唔到口 青醬雞腿肉 醃得好入味,雞肉好嫩滑,襯埋爐邊既粟米芝士同泡菜雞蛋一齊食,真係好夾,特別芝士控既我,都忍唔住要refill多次啲芝士 野飲就點左士多啤梨香蕉奶昔同士多啤梨朱古力奶 ,甜度剛剛好,而且仲相當大杯好抵飲 而小朋友我地就點左兒童套餐:有兔仔蛋包飯同企鵝泡泡浴,小朋友一見到超級開心,造型相當可愛,而且用蕃茄汁做底,十分開胃,仲有最愛既炸雞做配菜,小朋友好快就自己食哂啦。 臨走之前,職員都會送一個硬幣比小朋友去扭蛋機度扭蛋,簡直開心到唔想返屋企,呢度又有得玩又有得食仲有小禮物抽,仔仔話希望下次再黎呢間餐廳慶祝 評分: 味道 5 環境 5 服務 5 衛生 5 抵食 5
2023-02-07
今日突然想食串燒,走到元朗一間有酒飲又有串燒食既「芝加哥串燒酒場」,一於試一試佢。當日係下午茶時間,餐廳唔算多人,相對座位都比較寬敞。 打開Menu 見到各式各樣既串燒,包括海鮮、肉類同蔬菜等。由於係海鮮控,所以一開波就揀左幾樣海鮮。 香蒜燒鮮鮑魚 一向都鐘意食鮑魚,清蒸食得多,估唔到燒鮑魚都可以咁有鮮味,配上炸過既蒜茸,確係幾惹味。 鹽燒鮮白鱔串 燒白鱔的確幾講求功夫,首先鱔一定要夠脆先好食,幸好呢次既鱔肉算脆身,加埋孜然粉,帶出左佢既鮮味。 原隻魷魚串: 以性價比黎講,$28 一隻魷魚的確幾抵,送到面前時,陣陣既魷魚香味帶起食慾,急不及待就馬上擺入口,的確幾香口。 招牌燒法國鵝肝 講得做招牌,無理由唔試掛? 鵝肝燒得香身之餘,又唔會太油,唔會覺得膩,好好食! 招牌燒牛骨髓: 牛骨髓算係比較冷門既選擇,味道比想像中好。 芝士黑松露大啡菇 每次食All day breakfast 或者燒野食,我都偏好大啡菇,燒出黎總係多汁好食,呢度既亦都唔例外,配上芝士後變得更香口,增加層次感。 極品即燒乳豬 未到餐廳前已見到客人對呢味乳豬讚口不絕,燒起上黎香噴噴的確係幾吸引,食落去塊皮仲係脆既添,老老實實一串真係未必夠喉。 蜜汁燒黑豚肉 這塊黑豚肉其實即係豬扒,不過肉質鮮嫩,加上蜜糖之後十分惹味,就好似食緊叉燒咁。 安格斯牛板腱珍珠飯 同行友人覺得唔夠飽,需要order一款主食,就揀左呢個珍珠飯。牛板腱份量一d都唔少,都有差唔多10塊,配上鰻魚汁後十分好送飯,友人好快就KO哂成碗。 時令即開生蠔 估唔到串燒店會有生蠔,生蠔肉質尚算鮮甜,叫做可以一解生蠔癮。 以酒場黎講,呢間鋪既串燒算屬於高質,性價比算高,環境十分闊落,適合飲酒吹水,再食少少野咁,值得推薦。 評分: 味道 5 環境 5 服務 5 衛生 3 抵食 5
2023-01-17
去沙田踩完單車,就去左Citylink搵野食,行過呢間拉麵舖聞到好香,之後就直接入左去試。 入到去好快職員就安排左個位比我地坐,我地都好快點左野食,唔洗幾耐食物就好快到左。 叉燒醬油拉麵 疫情關係,好耐冇去過日本,當然要即刻叫個久違嘅拉麵食下,拉麵好掛汁,仲要有得揀煙韌度,所以好有咬口,而叉燒亦都好入味,肉同脂肪比例都好平均,厚薄適中,加埋半隻流心蛋,成件事好滿足。 另外仲叫咗三個小食試吓,包括特製炸雞,吉列豬扒同埋蟹肉忌廉薯餅,三樣炸物都係新鮮炸起 ,食落好脆口又唔會油膩。 特製炸雞 雖然份量唔多,但每一件都好大件,而且肉質好幼嫩,唔會炸到好乾。 吉列豬扒 外皮炸得好香口,而且咬落去仲有好多肉汁。 蟹肉忌廉薯餅 因為新鮮炸起,所以食落去好脆口,點埋側邊炸豬扒嗰啲汁加沙律醬,真係好惹味。 評分: 味道 4 環境 4 服務 4 衛生 5 抵食 5
2023-01-15
今晚收工同同事傾開想食西餐,走到將軍澳海濱果邊無意中發現呢個餐廳,餐牌似乎幾吸引,決定去試一試佢先。臨近聖誕,餐廳內擺放左聖誕樹,配合餐廳的裝飾,俾到人一種舒服而帶點節日氣氛既感覺。 今次我地選來 2人餐,包括餐湯同包,1個頭盤及2個Main course。 餐湯係羅宋湯,蕃茄味十足,配上熱辣辣香脆既蒜茸包簡直係完美配合。 頭盤係「OMG 多國海鮮拼盤」。對於一向鐘意食海鮮既我,上菜時見到5款不同既海鮮,心入面真係OMG! 入面分別有煙三文魚卷、蟹籽原隻墨魚、黑松露醬大蝦、吞拿魚沙律多士及乾元貝帶子刺身。5款既海鮮都好新鮮,食落去好鮮甜,而我最欣賞既係帶子上面放左一d 乾元貝碎,少少既咸味反而提升左帶子的鮮味,簡直一絕。 第一款主菜我地揀左餐廳招牌既「OMG烤雞」,選擇左法式蜜糖汁味。上菜時朋友已急不及待戴上手套準備開動,點知一掂落去發現件雞係熱到燙手,可見係新鮮剛剛烤好,配上秘製醬汁,真係好想快d開動呀! 終於開始食啦,雞槌同雞全翼已沾滿醬汁,如果唔夠,碟上仲有足夠份量既汁俾你去點,係好細心既安排。 第二款主菜我地選來千島海鮮薄餅。海鮮包括鮮蝦、青口、帶子粒同墨魚等等,配上我最愛既千島醬,簡直食到停唔到口。 餐飲我揀左丁香肉桂檸蜜,檸檬片上加入左丁香,係好特別既做法。蜜糖既份量剛剛好,唔會太甜又能夠消一消滯,十分滿足。 朋友選來既係蘋果蜜桃梳打。兩種水果既清甜,與梳打水混合埋一齊後,確係十分解渴既一款飲品,朋友飲完仲想 encore 多一杯添呀! 評分: 味道 5 環境 5 服務 5 衛生 5 抵食 5
2023-01-09
孖寶車仔麵 平時最中意去葵芳行街,因為又多野買又多野食,今日去shopping行到好攰,經過見到呢到有間車仔麵都幾多人幫襯,而且比啲香味吸引住,於是決定試一試! 水魷魚 一見個價錢咁抵緊係要試下啦,份量岩岩好,而且食落好爽脆,值得一試! 五香牛什 呢間牛什真係好香,份量又大大份,非常值得幫襯呀,而且做到完全冇腥味,好好味喔。 滷水雞髀 整得非常入味,雞髀肉好多汁同肉質嫩滑! 雞髀大隻過我手掌,食落啖啖肉! 三餸車仔麵(豬紅、豬大腸、牛柏葉) 超級抵嘅三餸車仔麵,好耐冇見過啲咁良心嘅餐廳啦,每樣食物嘅份量亦都唔會減少,一樣都係咁足料,個湯嘅味道超濃郁,提一提朋友如果覺得唔夠辣嘅話,亦都可以免費㗎啲辣菜脯落去㗎,加咗落去之後成個味道提升晒! 評分: 味道 4 環境 5 服務 5 衛生 4 抵食 5
|