Mr. Crab by The Captain's House (灣仔)

#The crab by the captain’s house

趁今日假期，約咗朋友去灣仔食好西，呢間餐廳想來食好耐，但成日都就唔到時間，趁今日得閒就決定早少少嚟食下佢最出名嘅海鮮餐。

入到去環境好神秘，要上兩三條小樓梯，成個氣氛都好好，店員安排我哋坐喺卡位，私隱度極高，而且播住耳熟能詳嘅英文歌，令到成個氣氛都非常愉快。

<set for two>
我同朋友決定食二人餐，包括海鮮袋、小食、意粉..呢個價錢可以話性價比極高，我哋好快決定咗海鮮叫八爪魚仔、原隻去頭魷魚、海蝦。我哋今次揀咗檸檬黑椒汁，上枱嘅時候都嚇親，估唔到咁大個袋，職員喺我哋面前shake 左兩下，好純熟咁樣將個袋解開，一大堆嘅海鮮呈現左喺我哋眼前!! 原來除咗海鮮之外，個袋入面仲包括粟米同埋腸仔。全部都好入味，估唔到八爪魚仔好似食極都食唔完咁。

水牛汁炸雞翼
酸酸辣辣嘅炸雞翼，識落佢仲係熱辣辣，出晒煙，而且雞翼比想像中大隻，本身鍾意食雞翼嘅朋友可以一試。

蟹肉卡邦尼扁意粉
呢道菜真係值得一讚，除咗口感豐富，廚師放咗大量嘅蟹肉，基本上每一啖意粉都可以食得出好鮮甜嘅蟹肉，呢碟卡邦尼意粉除咗有普通嘅煙肉之外，亦都有啲炸過嘅煙肉，口感非常特別，份外惹味！

寢宮 (尖沙咀)

今日約咗朋友去諾士佛台食飯，朋友話呢個地方好多餐廳都好適合收工之後去relax吓,去到果然見到好多餐廳選擇，我哋見到呢間餐廳好似幾舒服，所以就決定入嚟試吓。

入到餐廳個環境昏暗，而且座位度好舒服，令人有一種好輕鬆嘅感覺。餐廳職員好快安排我哋入座，餐牌上好多唔同種類嘅選擇！

黑松露薯條
我哋點咗呢一個薯條，一路食下小食，一路傾吓計，真係一個唔錯嘅選擇，上菜嘅時候薯條特別大份，而且每條都炸到脆卜卜，配上黑松露醬汁，特別惹味，職員都好細心，配埋茄汁俾我哋沾，令到我哋可以有多種嘅選擇！

避風塘炸魷魚鬚
上菜嘅時候仲係熱辣辣，每一條魷魚鬚都充滿着避風塘嘅香味，而且口感非常彈牙，每一條都細細啖容易入口。

經典卡邦尼意粉
呢碟卡邦尼好香芝士味，而且煙肉份量都好多，每一啖都好creamy !! 份量啱啱好，可以俾我哋留返個胃食其他嘢。

白酒辣椒蜆肉意粉
呢碟意粉令到我哋都覺得有驚喜，蜆肉份量唔少，而且啖啖肉，意粉就充滿着黑椒味嘅香，同埋都有少少辣㗎，食得辣嘅朋友別必點之選！好快就清晒成碟意粉啦！

AnyMomentCafé (旺角)

Any moment cafe

朋友一早預約左呢間cafe諗住趁假期可以幾個傾下計，玩下board game ，輕輕鬆鬆過一日，我地一黎到已經見到餐廳環境好光猛，而且重有勁多款board game比我地揀，老板好熱情咁介紹食物，實在好難得今時今日重有咁優質既服務質素了！值得加分！

黑醋沙律煙三文魚配法包
酸酸甜甜既沙律菜配上香脆到不得了既法包已經夠好味，再加埋好多塊既煙三文魚，簡直令人胃口大開！

芝士薯條配炸雞扒
炸雞扒勁大塊，個雞皮超脆，而個雞肉質嫩滑又多汁，個調味又唔會太過咸，另外啲薯條都好多，配上濃濃既芝士汁，簡直邪惡呀！

瑞士雞翼
個汁由老闆親自調配，一碟有六隻，賣相相當吸引，每隻雞翼都好入味，食到我哋停唔到口。


#下午茶#遊戲 #好好吃 #桌上遊戲#到會服務 #BoardgameCafe #包場 #Boardgamehk #樓上Cafe #mkcafe #Partyset #桌遊 #派對#美食推薦#吃好西

M3 Italian (大圍)

M3 Italian

之前黎過大圍既餐廳都知道有品質保證，因為出晒名好多美食，今次同朋友決定黎呢間餐廳試下，睇下水準高唔高先！入到去廳環境幾大，燈光昏暗，十分有情調，好適合朋友、情侶、同事聚會的好地方~

餐包好軟，而且配埋佢個黑醋又感覺幾新鮮同埋好開胃！

煙三文魚凱撒沙律配日本溫泉蛋
羅馬生菜好食落時候好爽脆，醬汁亦都調得岩岩好，面頭重要灑上大量香脆煙肉碎、芝士同埋烤過既麵包粒，加上啖啖我最愛既煙三文魚，食落咸咸地好好味啊，加埋個蛋汁簡直係無敵呀！

香辣蒜片大蝦手製意大利粉
手工意粉十分彈牙，配上輕輕煎過的大蝦非常夾，雖然個意粉表面上好似無咩汁，但係絕對好有味架！

炭燒西班牙黑毛有骨豬鞍扒
估唔到佢個Size比想像中大份，豬鞍食落肉質好實，完全唔鞋口，啖啖都充滿肉質既香，加上個醬汁令人好好胃口，配菜有薯條都好香好脆。

HAHA CHICKEN 하하치킨 (長沙灣)

呢排成日睇韓劇，見到主角食炸雞個樣十分滋味，呢日趁公司有得收早，即刻趕去長沙灣呢間炸雞專門店買外賣炸雞餐。好彩時間尚早，唔使排好耐隊已經有得買啦！

蒜香醬油炸雞餐
想講呢個餐幾抵食，包括左三件炸雞、卡邦尼飯同飲品，炸雞整到好入味，而且卡邦尼飯多汁到可以撈哂成碗飯呀！

蒜香魷魚鬚
份量比想像中多，而且超級香濃蒜香味。送埋啤酒加世界盃簡直一流呀！

韓式炸雞半份(芝士炸雞)
一打開個盒已經聞到濃濃嘅芝士味!! 識嘅時候，簡直脆到一個點！雞肉好嫩滑，性價比極高，兩至三個人食啱啱好。

地址：長沙灣青山道142號順發居地下C號舖