快樂哥哥 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-10-09
泰豊廔 收工之後約咗啲同事食飯,佢哋話網上見到呢間餐廳都比較人氣高,所以決定咗嚟呢度食飯敘舊。 呢間餐廳離地鐵站好近,超級方便,由於太多嘢想食,所以叫咗個北京填鴨餐,唔逐項食物介紹啦,不過有幾款菜式我係比較推薦! 賽螃蟹 上菜嘅時候分量十足,見到個賣相都覺得好吸引,炒得好滑,忍唔住叫多幾碗飯! 軟炸里脊 感覺好似咕嚕肉咁,食落肉味好香,口感好特別同埋好惹味! 鐵板宮保明蝦 每隻下都大大粒,而且配上特製嘅酸甜醬汁,食落清新開胃。 北京填鴨 成個餐最期待嘅一道菜,因為真係太耐冇食北京填鴨,不過略嫌個麵皮有啲厚身,包住嚟食嘅話會有少少影響隻鴨嘅味道。 醋溜桂花魚 超巨型嘅桂花魚,而且外皮炸到脆卜卜,魚水好嫩滑,個醬汁酸酸甜甜,好正。 高力豆沙 好大粒,食嘅時候仲係熱熱地,好軟熟,而且豆沙都唔算太甜。 評分: 味道 5 環境 5 服務 4 衛生 4 抵食 3
2022-10-05
係網上見到The market有「榴槤飄香」星馬泰下午茶,即時相約朋友去試喇!咁岩我地兩個都係榴槤fans!! 一去到既時候已經見到好多係到等緊入座,提提大家入座時間係三點鐘,所以建議大家可以食少少野打定底,唔好餓親喔! 椰子榴槤燉湯 見到個名會擔心唔夾,但飲落又飲唔出榴槤味,反而飲到好清甜既椰子味 加勒比海野生龍蝦尾:賣相唔錯,而且入面已經起晒肉,蝦肉好厚身,反而個醬汁偏甜,其他都合格! 麥皮軟殼蝦:好特別既味道,蝦肉好彈牙,而且好大隻,成隻蝦連埋蝦頭都食得,正! 泰式蟹肉魚餅配三文魚子:薄薄地既魚餅,食落幾有口感,合格。 泰式香辣熟蝦杯:細細個幾易入口,好有泰國風味。 炭燒馬來西亞烏達魚肉:我覺得呢個唔係幾合我口味,好似d面粉搓唔混既感覺,而且都比較辣。 榴槤斑蘭蝶豆花糯米飯:榴槤榕超香,配上超級香甜既糯米飯非常夾。 榴槤椰子豆花西米杯:底下有勁多榴槤榕,面頭超爆多椰絲,甜甜地幾好味! D101 桑佛黄金榴槤:職員教話食左呢個先,味道由淡至濃咁食,淡淡的榴槤香,正呀 D195 紅蝦榴槤:比我想像中無咁實,但都好香濃。 D197 貓山王榴槤:簡直係榴槤之中既極品,好濃好多肉,完全唔夠喉。 餐廳重有得無限拿D197-及 D24 榴槤雪糕同窩夫,窩夫上除左加上榴槤雪糕之外,重有一大舊榴槤肉。超正! 評分: 味道 4 環境 4 服務 3 衛生 3 抵食 3
2022-09-21
Be Leaf 收晚收工同同事去觀塘搵食,係敬業街離遠已經比呢間人氣爆燈既餐廳吸引左,經個場好大,座位勁多,而且周圍都係打卡地方,好似比好多花花草草包圍住咁。樓底好高,燈光亦都十分充足。最適合收工同班同事chill既好去處。 香煎北海道刺身帶子蟹肉忌廉意大利飯 帶子好大粒,微微咁煎過,食落好香好彈牙,個意大利飯加左cream之後好香,而且d飯唔會煮到好硬身,好易入口!個飯重舖左好多三文魚籽,食落個口勁香。 香煎八爪魚墨魚汁意大利面 意大利麵每條都充滿墨汁,再加上新鮮的八爪魚食起來爽口彈牙,同埋呢間餐廳既食物種類好少,但勝在份量都幾多,絕對唔洗爭。 黑松露炸薯條配松露蛋黃醬 薯條份量勁多,炸到好香脆,加上松露味均混散落係每條薯條上,如果松露愛好者記得要點埋個松露醬,味覺會雙倍享受! 法式焦糖卡士達梳乎厘班戟 比我想像中大個,如果即時叫既話要第大約20分鐘,所以做飯後甜品就岩晒!味道唔算太甜,蛋味超級濃,好有空氣感,一食落口既時候重係暖暖地。 評分: 味道 3 環境 4 服務 3 衛生 3 抵食 3
2022-09-21
BLOSSOM 近期九龍城開左勁多靚CAFE,而且自從MTR開通之後,過黎九龍城實在勁方便,今日揀左去呢間人氣CAFE打下卡同食個LUNCH. 餐廳樓底好高,不過座位就唔算多,如果想搵個靚打卡位就可能要是D黎揀位喇!餐牌上價格唔算貴,而且種類都唔算多,但食物質素就幾高質! 酥炸墨魚嘴配港式沾醬 炸得好香脆,咸咸香香咁,配上特製既醬,成件事配搭好FRESH!同埋沾埋個醬就感覺無咁熱氣。 軟殼蟹伴蟹肉飯 原隻軟殼蟹上,一點都不孤寒,炸得非常可口,而個飯面頭亦配上青瓜絲同蟹籽,又有另外一種清新,唔怕太漏。好特別既一道菜,下次黎一定會再叫! 波甚燒春雞配番薯條 有半隻燒春雞,隻雞燒到好香而且肉質好嫩滑,配上甜甜的番薯條,炸到好脆得黎又感覺好健康!重會有沙律菜做伴碟,馬上驅走邪惡感。 Tiramisu cream同蛋糕嘅比例係岩岩好,面頭勁CREAMY,甜度適中重要有少少酒既香甜。 評分: 味道 4 環境 4 服務 3 衛生 4 抵食 4
|