聖安娜餅屋 (太子)

在聖安娜，只吃過西餅蛋糕，卻真的沒有吃過麵包
今天不去山崎，來了這兒
店員非常熱心，即使我問了很多問題，依然有笑容！很好！
我買的是“什麼什麼”肉腸芝士潛艇，什麼什麼是一個國家名
這個包是法式軟包
包很大個，有如一個400－500ml的水樽
起初怕放涼了會變硬，誰知吃的時候依然軟熟
好開心見到個包入面唔係一個個氣孔，好實在，完全無呃錢！
麵包身甜咸適中，入口後不會黏稠！ 好吃
芝士出奇地軟熟，真的想不到，不知是什麼芝士呢？
肉腸不會太咸，亦不會無味，好吃！

我想說，這包我吃完一個，仍想多吃一個
始終＄7.5的價錢買這包，非常化算！

泡菜媽媽 (太子)

多次經過見到泡菜媽媽的韓式炒年糕，都不禁想停下來買一杯試試
今次終於放下了＄15，買來試了，可能是我要求太高或是款色太多
這年糕的製法並不是我所預期的
年糕伴著濃濃帶並橙紅色的醬汁，熱燙燙的，在這季節還不錯
年糕方面呈粗長條狀，略嫌太厚身，加上太多汁的關係，吃得非常不方便
年糕夠煙un，不過中間略嫌未熟透，有點粉粉的
醬汁方面，熱是夠熱，但對於我這個不吃辣的人來說，竟然不辣…
而且年糕並未有吸收到醬汁的味道
可說是年糕還年糕，醬汁還醬汁
結果是我吃下了極多的醬汁，感覺其實還不算是很好

最後想提的是，如果以膠叉代替那 “足纖”會更好
始終那年糕的外型再加上那醬汁，並不容易“吉”上來

＄15，其實真的貴了一點

Little Mermaid Bakery (銅鑼灣)

有次經過見到好多款都好吸引，最後放下了$14大元及$16大元，拎走了芝士薄餅及美國玉桂卷。

芝士薄餅$14新鮮出爐，熱辣辣。
賣相跟日本燒鍋餅差不多
入面係流心車打芝士，一咬開，澎湃的芝士湧出來
可惜底部流走了好多芝士
芝士味偏淡，滑身及微漿狀
麵包與芝士的比例係近2:1，麵包比芝士更濃味
唯獨美中不足的是芝士味在口中好快流失，沒有做到齒頰留香的效果

美國玉桂卷$16表面有不少的玉桂糖漿，體積頗大。
雖然外表及顏色吸引，可惜玉桂味依然不足，吃到頗重的麵粉及牛奶味
麵包質地較實，但不是硬，吃後有點黏牙和漿口。
若然麵包本身也有玉桂為其中一材料，應該會更好

以上兩款，還是$10 較化算

Crumbs (旺角)

有一次突然好想食乳酪，咁啱嗰時又係太子，所以就去左Crumbs
一向最中意佢既乳酪，因為真係好夠味，好creamy 同埋好重乳酸味
今次topping都係要最愛既house crumbs

首先，乳酪味道不變，照舊好味
但溶得好快，而且只係短暫creamy，好快變哂水

之後到house crumbs，雖然味道不變
但唔知係唔係因為佢放得太耐潮濕左
啲碎碎變哂好多一舊舊，咬極都咬唔開
最重要既係，份量少左好多好多

最後見佢有得試食brownie，就拎左件
一拎上手就溶
我覺得佢既brownie唔夠煙韌，表面硬身但入面好軟
甜度尚可，配乳酪都唔錯
但依然不及尖沙咀Roll的brownie好吃

至於service方面，之前見間店都係得2-3個人
依家有5-6個人左右，雖然佢地一味係度傾計，但係都係人之常情黎既
記得半年前黎食，買完之後，個女仔係會拎住遞俾你既
但係今次個女仔就係直接將杯乳酪同啲紙巾放係個showcase上面
之後就轉身傾計，但你自己拎
其實都係人之常情既，但因為同上次唔同，所以我先講出黎比較

ANYWAY, 我唔否認Crumbs既乳酪同house crumbs依然係最好食
但係以$28同$32既價黎講，真係唔值
因為附近有好多乳酪店既原味都開始有水準
crumbs, 唯有努力改善

肯德基家鄉雞 (KFC) (何文田)

葡撻，其中一件個樣不如叫蛋撻，完全無用心去焗靚佢...
味道方面，都係果隻味，因為都係同一包粉開出黎既..蛋漿混得唔夠好，仲殘留少許橙色色素粒雞粒，雖然脆，但係凍既。狂野香燒雞，幾好，不過太多雞油脂痴住件肉。
薯格，淋同乾-_-
家鄉雞，好細件，甚至有mini版雞翼+雞尖，咁同雞翼有什麼分別?雞翼，炸粉好厚，好細件雞。
磨菇飯，勁少汁-_-, 餅仲要粉粉地不過$148的套餐，預左會係咁-_-
無下次.