wong_paul 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-04-28
諗住事單落樓下街市每人一盒叉燒頹飯就算, 落到去見到呢間燒味舖,果度其中一枱食緊鹵水拼盤, 好似好滋味咁, 決定叫鹵水野返屋企食! 其實佢都有得散叫既, 但係識叫當然係叫拼盤啦, 咩都可以試哂, 有牛肚, 紅腸, 豬腸… 平時出面食果D既鹵水汁一係好咸, 一係就無味, 估唔到今次樓下街市都有驚喜! 岩哂兩條麻甩佬!
評分: 味道 5 環境 3 服務 3 衛生 4 抵食 4
2014-06-10
我同朋友兩個約左食飯都未有idea食咩, 講起都已經好耐冇食放題, 於是就坐言起行喇! 大家都係尖沙咀做野, 睇openrice見呢間評價都好似唔錯, 所以決定一試! 我地入到黎坐低, 放題唔駛諗太多, 見到啱食就tick 估唔到都幾有效率, 話咁快就逐一上菜 同場加映有多春魚同牛柳粒, 多春魚係朋友點既, 本身唔係太係我杯茶, 就費事點評喇!! 不過個牛柳粒就真係唔錯, 夠嫩又香口, 一啲都唔靭, 值得推介 對於我黎講, 魚生最重要就係新鮮同衛生 新鮮方面我食落就覺得好鮮味, 而衛生方面, 至少我食完到而家都冇事 咁我就覺得係合格有餘啦!! 雖然都有食雞軟骨串燒果啲, 但其實我至鍾意既係牛脷串燒 到最後我都忍唔住再encore多兩串 題外話/補充資料: 最後不得不提既係, 呢度既服務真係好好, 招呼好殷勤, 其實我地黎果時都係繁忙時段, 但係侍應都會耐唔耐問下我地有咩需要, 見我地想食泡菜煲既時候, 又會幫我地分好兩碗咁, 仲講話而家係繁忙時間, 希望唔會待慢左我地!!真係值得一讚!!呢間既食物質素同服務態度都真心唔錯, 如果要係尖咀食放題, 我覺得呢度可以一試!
評分: 味道 4 環境 3 服務 5 衛生 3 抵食 4
2014-04-30
同朋友行開灣仔, 冇諗定夜晚食咩好, 見到呢間越南野好似新開, 就決定試試佢! 本來想散叫一人一個粉, 然後再叫d小食既, 不過朋友懶諗, 於是叫個二人餐算~ 率先上菜既馬拉盞炒嫩菜 跟住就上個牛脊湯粉 總結黎講呢一晚算係驚喜, 本來只係隨意揀一個食店去試下, 不過呢如果兩個人其中一個食量細啲既話就建議散叫會好啲, 因為佢個份量真係幾足, 我朋友比較細食, 結果食淨左啲豬扒(我覺得幾可惜)!希望有機會可以試下佢其他菜式!!
評分: 味道 4 環境 4 服務 4 衛生 4 抵食 4
2014-03-20
行完街週圍找野食, 行到呢間見裡面比xx樂仲大仲型, 便入去試試!! 餐牌多款式又有真實拍攝圖片, 因太多餸想試, 所以每人叫一款啦!! 餐飲 - 而家少有的黃檸咸檸樂 (.餐牌叫龍鳳可樂)
評分: 味道 4 環境 4 服務 4 衛生 3 抵食 3
2014-01-14
約左個朋友睇戲, 見未夠鐘...就上瓊華醫左肚先... 見水牌寫住新派西餐廳...就試下啦! 一個咸豬手配酸菜, 一個牛肝菌意大利飯! 仲叫左個小食...新彊燒羊架! 餐湯係羅宋湯, 足料又夠熱辣辣!!正! 飲完湯, 小食就黎喇! 一擺低, 就聞到好香孜然粉味! 食落唔算好膻, 幾好!! 個飯既軟硬度岩岩好! 估唔到呢到做咁好既水準!!值得一讚! 不過最好襯熱食...因為凍左D飯就會硬左少少! 平時我一定唔會叫豬手, 因為好麻煩!, 好難切! 不過呢度好好, 落ORDER既時候會問你駛唔駛碎上! 隻豬手D皮脆卜卜!真係超好味!! $119既價錢, 大大隻!仲要皮脆肉嫩!!物超所值!!! 配埋D酸菜, 就冇咁漏!!不經不覺就消滅晒成隻豬手! 樣樣都想飲!!結果俾我搵到亮點!!! +$28就有alcohol cocktails!!! 咁抵?!唔飲對唔住自己啦!!! 最後叫左杯"碧咸", 係朱古力味既cocktail!!! 好大杯兼好有酒味, 仲要係沙冰底!!My favorite!! 真係好抵飲!! 朋友就叫左杯墨西哥日出! 朋友都話幾好飲!!我見到都好多果肉!!! 題外話/補充資料: P.S. 臨走既時候先見到有好多Board Games可以借玩..下次真係要叫多幾個friends一齊上黎!
評分: 味道 5 環境 4 服務 4 衛生 4 抵食 5
|