珍煮丹 (葵芳)

台灣大有人氣的珍煮丹
黑糖珍珠鮮奶

超喜歡珍煮丹的珍珠
煙韌又有咬口

黑糖味道很濃
甜度也剛剛好，走甜的話也可
因為微暖黑糖溶化入牛奶會變微甜

外賣回家冰也融化了
但完全沒變淡，推薦！

PHI Coffee & Pancake (中環)

PHI Coffee & Pancake


。大糖嶺白桃梳乎厘 $155
。辣蕃茄蟹肉扁意粉 $92
。雲南鎮江紅茶加風乾檸檬片 $42
。Con Panna $32


呢間嘢都開咗大半年
之前成日排長龍，今次盡量避開早啲12:15去到
環境真係幾靚幾igable，門口位置好多打卡位
入面環境寬敞，有好多乾花做背景
但都第一次見到一間鋪可以唔夠人到咁
明明入面有吉位，但無人手去帶位
因為咁，突然間出面排哂長龍
不停見到佢哋做錯嘢，全場人都呆哂
落錯單、去錯枱、無人上菜、無人整嘢飲
我杯咖啡食完哂再催先到，都成40分鐘😥
漏單、隔離枱幾個女仔仲慘
食完3個pastas個梳乎厘都未到
佢哋趕返工被迫要cancel
最後連埋單都等唔到有staffs
要行出去自己埋單 (BTW 我哋都要自己出去)


食物方面其實整得好食
梳乎厘厚厚三大片，做到空氣嘅質感
口感夠fluffy，好軟綿，食完有飽肚感
白桃都俾得真心多，應該有原個桃份量
辣蕃茄蟹肉扁意粉微辣多汁好開胃
蟹肉份量都算多，幾好食


其實呢度嘢食係ok，但以上種種真係搞唔掂
未有改善又咁趕客，暫時唔會再幫襯🫢

松藝館 (尖沙咀)

松藝館


✦ 2 COURSES / Starter + Main $258
❙ Starter ❙
。Soft-boiled Egg, Asparagus, Truffle Shavings
。Porcini & Mushroom Soup, Truffle Shavings
❙ Main ❙
。Australian M6 Wagyu Sirloin, Truffle Shavings +$98
。Roasted Australian M6 Wagyu Sandwiches, Truffle Mayonnaise, Truffle Shavings +$48


餐廳環境一流，大部分都望到維港海景
經常full booking，建議提早訂位
今次同朋友嚟食lunch，好彩俾咗向海嘅位
每個set都會有跟餐前麵包
仲會配埋海鹽牛油、松露牛油忌廉醬
幾鍾意松露牛油忌廉醬，好香好夾送麵包


牛肝菌濃湯好濃，份量適中
上面有幾片黑松露用嚟提升香氣
口感順滑唔會好稠厚，仲食到些少牛肝菌粒
個人覺得已經好好飲
亦係最有松露味，唔使突登加錢轉龍蝦湯🫣


溫泉蛋露筍松露
真係按字面上菜，無特別😂


澳洲M6和牛三文治做得算出色
三文治底面烘過，好重牛油味
入面仲有松露蛋黃醬同焦糖洋蔥
和牛都整得幾嫩，份量十足，啖啖和牛
加埋一齊食咗一半已經開始飽
整體餡比較碎、醬又多，會邊食邊跌


另一款主菜加錢叫咗M6和牛西冷
可以轉肉眼，不過我鍾意食西冷有多啲口感
叫咗medium，不過都快變medium well😅
但肉質還可，唔會好乾身
本身西冷唔算有好重調味
首先一定要連上面黑松露片一齊食
再要點旁邊嘅松露油先提到味，但份量得好少🥹


用完海港城coupon，相對算抵食
但真心甜品可以skip，真係好一般
普遍都係嗰2-3款 🤦🏻‍♀️
將3 courses嘅錢用嚟加錢食貴價款仲好

度小月 (尖沙咀)

。擔仔麵 $28
。擔仔雙拼 $35
。蚵仔酥 $68
。芙蓉炸豆腐 $48
。塔香茄子 $68


招牌擔仔麵咁耐以嚟都係人氣top1
份量同味道都做到啱啱好
每次返嚟都會叫～
蚵仔酥第一次食，都炸得幾酥脆
側邊有胡椒粉可以點做調味
但個人都係覺得鹽酥雞比呢個出色
芙蓉炸豆腐就好普通
豆腐仲係嫩滑嘅但無乜味！
茄子正常發揮但就勁咸
但拎啲豆腐嚟點下汁又OK喎😂


呢度嘅lunch set份量比正常細份
我哋用海港城coupons所以最後決定散叫
減咗coupons價錢算合理！

上三兩 (尖沙咀)

。蟹粉煙燻鴛鴦溏心蛋 $78
。特濃蟹粉石鍋拌飯 $368
。特濃蟹粉蟹肉拌拉麵 $368


用玻璃罩上枱，侍應仲會比時間你影相
一打開個玻璃罩就有煙霧出嚟
溏心蛋嘅質感整得唔錯
蛋黃面加咗蟹粉同魚子醬賣相唔錯
都食到有啲煙燻味嘅
不過呢個價錢得一隻蛋，真係無下次😅


特濃蟹粉蟹肉拌拉麵 (Sexy Crab) 係招牌
送上枱時已經有一大盤蟹配料
配有蟹肉、蟹膏(公+乸)、蟹油、醬醋同雞湯
全部加晒入去拌麵
一邊拌勻嘅時候已經充斥住蟹膏香
拉麵全部掛到蟹粉，夠彈牙又入味
我無加到好多醋，覺得唔係好腥
同埋本身都夠濃味，落少啲先食到蟹鮮味
呢個算係值得呢個價錢


本來想食蟹粉黃魚濃湯掛麵，不過佢話無做😅
所以轉咗特濃蟹粉石鍋拌飯
蟹粉好足料，倒入石鍋時夠晒熱
可以完全撈得勻啲飯，又香又惹味
食到底下仲可以食到飯焦添
不過夏天食應該好鬼熱，因為佢冷氣都唔大🥶
但我都係覺得伴麵抵食啲～