木偶葡國餐廳 (氹仔舊城區)

叫左4樣野
1.葡式風乾火腿(大約$78)
2.豬手(大約$168)
3.馬介休炒飯(大約$75)
4.葡汁雜菜($約75)

先黎風乾火腿，後來餐包，之後馬介休炒飯，豬手同葡汁雜菜

未食過一間咁既餐廳，外表及裝修好雅致，但食物質素太差啦
風乾火腿很乾身，好似放係雪櫃但無用保鮮紙包好咁，吹乾晒，無油香味
豬手都ok不過鹼左D,放係底既薯條係凍既！不能接受，好彩豬手夠熱
馬介休炒飯太離譜，都係凍架！普通蛋炒飯加少量馬介休，又"林"，無乜味，D飯要叫佢地加熱！但佢地都只係用微波爐加熱！
葡汁雜菜更離譜！都係唔熱，只是底熱面不熱.....d汁好'希',只有兩種菜(西蘭花+介菜)，簡直離晒譜！以後都唔會再去！

人流不多，一坐抵侍應就趕住落單,落完兩個就好急咁問你地仲有無其它,黑黑地面
同場幾張檯都討論緊食物質素,有d更食剩很多....

公利真料竹蔗水 (中環)

位於中環荷理活道
呢間老店，歷史悠久，環境雖然有d殘舊不過
坐係度食野都感受到一份人情味...
($8)庶汁好清甜同一般其它果d地方買到既好大分別，其它地方果d係深綠色而且甜得很，呢個較淺色
($12)庶汁糕不是太甜，暫時未係其它地方食不到
價錢仲好大眾化除庶汁以外仲有涼茶賣，我願意去多幾次

鳳城珠記麵食專家 (新馬路)

第一次食冬姑雲吞面

雙拼較單拼貴小小，不過物有所值的
份量都算多，有5粒雲吞+面頭的冬姑$27
湯底好濃味,連d面都有冬姑味...好香,雲吞都好彈牙，價錢都算實惠,大多數20有找

不過要記住帶散紙去,如果俾大紙去找有可能找澳門錢...

瑪嘉烈蛋撻店 (新馬路)

食物種類繁多(即製沙律或三文治，更有西式的波菜蛋批之類的食品，
還有各款精美蛋糕，仲有湯飲)，價錢實惠
D葡Tart好正！不太甜，蛋味濃
每張檯都有小擺設,自助形式
職員D制服好有特式同卡通片既cafe制服差不多..
啊姐執檯都好快手