電話情人 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-09-22
呢間都算多人, 但D位小小迫, 好不容易找到位坐, 但坐左無耐就走, 太焗 lol 我地叫左strawberry cheese cake同 frappuccino green tea 前面個杯係貪佢個陣話咩就快停所以試...但其實有D伏..陣味怪怪地, 士多啤利味唔濃, 但芝士味又有點怪, 不過面頭D cream係好味, D野飲都好滑! 另外個杯就唔錯! 之前飲開, 一向咁好飲!, 最鍾意吸一啖仔再食埋D cream! 不過飲呢D真係唔好飲咁急!會涷到頭痛lol
評分: 味道 4 環境 4 服務 3 衛生 3 抵食 4
2014-09-20
之前同女朋友黎開呢頭, 去得寶琳梗係要去家樂食下啦 我地都係最鍾意食家樂ge沙拉骨同蜜糖雞翼, 我同女朋友都係OK大食ge 結果就係叫左呢2尾餸加白飯, 正 蜜糖雞翼依舊係又甜又多肉, 入面熱騰騰, 而且隻隻都全熟! 2個人好快就連D紫菜都食晒lol 沙拉骨今次就冇咁好食..唔知係咪因為食左好多雞翼先來...感覺有D焦同油味咁....同埋肉都冇上次食咁多, 比較多骨, 但係D菠蘿同埋沙津醬依舊咁正, 撈飯超好味! 以前食開家樂都係一大班FD一齊, D雞翼往往食得1,2隻 今次真係超滿足!
評分: 味道 4 環境 4 服務 3 衛生 4 抵食 4
2014-09-20
之前陪女朋友黎, 一去到己經超多人排! 梗係想走啦, 但係女朋友係kitty迷..冇辦法 呢度ge裝潢都OK浪漫ge...不過少D人就好啦哈哈 叫左2杯咖啡, 拉花拉左kitty個樣出黎真係好勁!不過男仔對呢D冇咩所謂, 都係飲落肚啫哈哈 coffee味道都濃!唔錯 另外叫左blueberry cheesecake同埋burger 個burger唔差ge, D薯條食得出唔係茶餐廳質素 不過黎呢度食野又點會真係要求樣樣野都kitty 呢 香港人唔好咁高要求啦XD 個blueberry cheesecake味道正常, 冇咩特別, 不過Kitty個樣係正ge! 不過去完女朋友好開心, 見到好多個kitty ma..值得既XD
評分: 味道 4 環境 3 服務 3 衛生 3 抵食 3
2014-09-20
本身預左黎呢度試下, 所以晚餐都冇食太飽哈! 呢間鋪裝潢超靚好有心機!好有藝術feel, 未食己經有好好印像! 一坐落就俾左2杯水黎超好! 叫左綠茶心太軟同埋test tube 本身好鍾意食綠茶的野, 呢個雪糕個味綠茶味冇咁濃, 奶味重d, 但係食落都好好味! 心太軟個內濃都好好味, 同埋冇偷工減料 xd 上碟個陣超涷, 不過就細份左小小... test tube個賣相就不得了啦, 但係真係要小心食! 3枝入面最正係青檸冰!有奶凍係入面, 有得食又有得飲! 另外個D其實都好特別ge口味, e.g.青瓜, 好得以既味! 整體黎講好有特色!不過價錢黎講就小小貴..冇計 旺區 揾日再試其他! 推介美食: Test tube
評分: 味道 4 環境 5 服務 4 衛生 4 抵食 3
2014-09-19
係APM食完朋友REU飯之後仲有D口痕食甜品, 就黎左呢度 好采我地唔太多人好快就有位, 不過呢度真係應該加多D位lol 滿記其實好多人都食過架啦哈哈, 而家仲開到週圍都係lol 我自已就比較大食, 叫左糯米慈同埋芒果豆腐花 二個涷食ge甜品口感都唔錯 芒果豆腐花OK大陣芒果味, 不過如果芒果可以俾多小小就好了, 同埋大分d就好了lol 畢境都唔平啦...成三十蚊咁濟 另外個個就都唔錯ge,但係個味略嫌甜左D, 同埋好似涷左D, 同埋我情願細舊D, 俾多D好過啦 多D fd一齊食開心Dma 不過食左呢2樣真係好貴....但其實而家香港D糖水鋪都係咁上下價錢?
評分: 味道 3 環境 4 服務 4 衛生 3 抵食 4
|