電話情人 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-06-16
作為新界北人,到舊墟找吃是必定的。整條街都是食肆,這刻的抉擇很是頭癢。見漁匠開業以來都從未光顧,今晚決定同朋友試新野!YOYO! 地方小小,但我對這類店子很有好感,至少身為新界人會珍惜每間剩餘的小店!
評分: 味道 5 環境 4 服務 5 衛生 4 抵食 5
2015-03-30
一行四人,再次來到瀛喜;來瀛喜,就是為了有瀛的放題。 瀛喜的鮮蝦天婦羅真係令我好想番兜再番兜!因為鮮蝦好大隻,而且炸完還能保持蝦的鮮味!無奈我係一個怕熱氣的人,所以叫了一轉之後就要收手了! 第二次光顧瀛喜,沒有令我失望,保持了應有的水準! 香港的放題有好多,但自己不敢隨便亂試,因為我知道放題就是等於成本經營,意思即係有好多伏!但自從第一次試過瀛喜後,發覺原來放題也可以做到食材大件、新鮮! 今晚,我們一行四人,帶著飽足和滿足離開。 評分: 味道 5 環境 3 服務 4 衛生 4 抵食 5
2014-11-03
有一日假放,想遠離一下煩囂嘅都市,諗一諗,赤柱呢幾年來都無去過,聽講比以前唔同左,就決定自己一個人,帶埋相機,搭巴士入去,行下沙灘,行下市集,影下相,做下「一日的旅客」。 赤柱,雖然變左唔少,但給我嘅感覺,依然系以前嗰個赤柱,一個讓人放鬆心情、心曠神怡嘅地方。行到赤柱廣場,搵到一間叫Waffleman嘅甜品店,見唔多人,就入左去坐下食下野。 Waffleman有室內室外座位,兩邊座位數目差唔多,室內可能少D。我搵左個近落地玻璃,面對住外面嘅座位坐低。店內嘅設計沒有花巧,但就散發出淡淡的歐陸情懷,一個開放式廚房,牆身以鮮艷的橙色同黃色為主,重有貼上左一D比利時的景色、人和事及窩夫有關的相片作裝飾,枱凳清一色系白色,簡簡單單,但充滿生氣、活力。 攞起餐牌,發現原來呢間系waffle專門店。16款不同味道的窩夫,有經典口味嘅、忌廉口味嘅,而烈日窩夫同新地還會不定時推出一款期間限定款式。當然,還有一D嘅簡單飲料供應。特別嘅系,餐牌上有D介紹點食窩夫的方法,都算系幾特別。我見香蕉朱古力列日窩夫賣相吸引,所以就要一個。 據我所知,烈日窩夫來自比利時,有別於普通窩夫,經過發酵的烈日窩夫會較為煙韌及鬆軟。但呢D都只系聽聞過,未親身試過真系唔知系點。 等左十五分鐘,我嘅列日窩夫終於送到。由於窩夫系即叫即製,所以放隻手埋去都感到暖笠笠嘅,非常新鮮。烈日窩夫加左一層糖衣,窩夫機嘅坑紋明顯而獨特,窩夫上有切左粒嘅香蕉同棉花糖,中間有一球忌廉,上面有一D朱古力碎,整個烈日窩夫都淋左D朱古力漿上去。整個外觀睇落,非常吸引。 用刀切開個窩夫黎食,食落,真系會停唔到口。首先系個窩夫,食落甜中帶一點點咸,好重嘅牛油香味,口感柔軟、煙韌,而且鬆軟。加埋香蕉同棉花糖一齊入口,令原本甜甜地嘅窩夫,混合上香蕉嘅香味同朱古力嘅甜味,令味道更為豐富、更有層次。唯一有少少唔好就系中間個球忌廉,雖加上左朱古力碎,但食落仍然覺得有D膩。但整體來講,四個字總結:一試難忘。至少,我食完一件系有再想食多件嘅衝動。 望住赤柱怡人嘅景色,享受住如此令人難忘嘅甜品,心情霎時放鬆晒,什麼煩惱憂慮,一掃而空。今個假日,滿足啦! 希望短期內放鬆下自己,當為自己charge下電啦! 推介美食: 香蕉朱古力列日窩夫
評分: 味道 5 環境 5 服務 4 衛生 4 抵食 4
2014-10-27
近排食放題都食得相當頻密,今次過左黎CWB,呢個放題選擇相當相當多既地方,有競爭,當然應該有質素! 樓下有呀姐派傳單,仲幫我地撳埋lift上去,入到餐廳,望落唔大,所以都幾易坐爆,格局以木色為主調,簡簡單單,不過坐耐有少少凍 呢間放題有樣野個人認為最值得欣賞: 就係佢地既服務~ 佢地非常有效率同埋好有禮貌,特別係果位經理~ 抵讚 未食已經加晒分先! 食物種類極多,簡直係花多眼亂 無謂嘢唔講太多,介紹吓部份食物先! 波菜卷真係非常特別,本身睇個名根本唔會諗到係啲乜嘢來,咁就引起咗我既好奇心啦! 波菜唔老,加埋啲配料好有咬口 推介美食: 大刺身船,火炙三文魚壽司,牛利,螺肉
評分: 味道 4 環境 3 服務 5 衛生 4 抵食 5
2014-10-26
前日舊同學聚餐,商量過之後就定左去铁人旨花。我地book左8點食,餐廳環境幾新幾熱鬧; 人少少既話, 我强烈建議坐bar檯,氣氛一流﹗ 頭盤係有wasabi味既八爪魚,綠色既賣相的確係唔吸引,但係味道幾特別。 第3道菜係燒烤版既帶子伴翠玉瓜,上菜有d慢,好在味道夠好,夠多汁,好好食,等下都係值得既。 Overall, 好多菜式都好新穎,但份量可以再多d就perfect lah 推介美食: 牡丹蝦刺身,帶子伴翠玉瓜,鵝干配多士,烤和牛,海膽龍蝦,雪糕
評分: 味道 5 環境 5 服務 4 衛生 4 抵食 3
|