M Kitchen (荃灣)

昨天元旦很過千色匯，發現有新餐廳開張。門面幾靚仔。有種小清新的異國風情。見價位唔錯，入去試試。
不要被門口呃咗，轉角入去，其實有好大空間，入面差唔多坐滿咗人。很喜歡這裡的裝潢。而且坐位都好闊落，幾舒服。
我去既時間有點尷尬，是五點多，在想食下午茶還是晚餐好？但因為好肚餓，不如等晚餐時段好了。但眼見場內大家食著下午茶餐，好吸引哦~ 有啲款式出面比較少見一啲。同埋下午茶餐的價位都好抵食。下次要黎試個下午茶先。




呢度既餐牌設計都好靚。用上TIFFANY BLUE的設計，簡約舒適。
菜式款式都好多，但可能還是新開，所以未有好優惠的套餐，期望之後會推出啦。





俾大家睇下幾頁餐牌的內容。
飲品方面，叫咗個「百香水果茶」HK$22。

呢個飲品老公話都值得一讚，不會淡味，好夠濃味，同時真係有生果係入面。唔錯！
因為大肚我唔飲得凍嘢，另一杯叫咗蜂蜜柚子茶。HK16~ 比出面個啲會濃味啲足料好多。有啲誠意~ 



日式醬燒原條特大厚切鰻魚飯
HK$198
呢個絕對係同價位入面，我食過咁多餐廳最大條既鰻魚飯！如果細食的朋友，絕對可以兩個人食一條。
老公自己一個都食到2/3就覺得好飽了！
叫得厚切，等我俾大家望下個橫切面。隨手一切都有咁厚！無呃人喎！如果可以加醬汁就更好啦~~ 




熔岩拉絲芝士焗魚柳飯
HK$88




如果愛食芝士同白汁的朋友，不要錯過這一款。佢當真拎成舊芝士係你面前熱溶拉絲俾你食！
當然拉完既芝士要快手溝一溝啦。
你睇幾大舊勁香濃既芝士。
呢一邊係白汁個邊，就咁都拉到絲了！
魚柳外層香脆，增加了口感。芝士不會過咸，咸香適中。
而飯也焗得十分熱！小心辣親啊~~ 

如果飯底有埋炒飯就更好啦~ 

Westwood Carvery (中環)

說到十二月，當然最精彩的是聖誕節。每每到了這個節日，都是狂歡喪食的日子。提早，就約滿了一桌的朋友，來到Westwood Carvery 食上聖誕大餐。



我是建議最好有十多個人黎食，包樓上雅座，開party 最有feel~ 當然，要點上聖誕大餐，大約hk$600一位，食足了聖誔必食美食！



先黎個seafood platter！呢度既都是揀上當日最新鮮食材放在seafood platter 上。不時不食啊~~
上層有著蝦沙律，新鮮生蠔。



下層有美國西雅圖青口、阿根廷紅蝦、還有大大隻的厚肉龍蝦。





生蠔是來自美國的Pacific Oysters，是一種creamy得黎有點爽口的生蠔。海水味不會太搶，與蠔味混合適宜。



然後食上一口清新沙律，清一清味蕾也是不錯。



主角來了！是Meat Platter！絕對是作為食肉獸必點之作！右下的是大大塊厚切的slow Roasted USDA Prime Rib，用上十多個鐘慢煮，絕對是大廚心機誠意之作。肉絕嫩而牛味濃，是愛食嫩牛者之選！



相較之下，我更愛有咬口、味濃的Short Rib！雖然肉質無咁嫩，但更添了牛的濃郁與絲絲牛肉肉質纖維的咬口享受。而short rib 醠會有著筋部的位置，有著些許的牛脂混口有咬口的筋位與牛味濃的肉質，多重享受！



除了牛，更有嫩滑的moked cornish hen。雞是嫩滑而味道適中。
仲有清新的slow-roasted baby back prok ribs，與牛肉相比，有著清新口感，同樣出色！



除了主菜，side dish 方面也很特別！薯容滑溜香口！



仲有這個creamed spinach，看似簡單，原來忌廉香滑與香甜粟米混合也是十分味美！



愛菇者，當然要食sauteed mushroom，同樣是我的最愛之一！

一頓餐下來，滿足、飽足，令人欣賞食味之餘仲係好好的開party 場地呢~~

東海薈 (金鐘)

說到食大閘蟹，可以說年年都會去東海。雖說今年啲蟹話有問題，但作為蟹宴龍頭，東海又點可以唔好好把闗？所以我哋都係揀食返一向水準依然的東海。



首先食上卜卜脆的炸蝦片小食。炸得好大塊呢~~



蟹粉小籠包，絕對係東海出色蟹宴菜式之一。新鮮熱辣捧上，熱食最好！每一隻大閘蟹都拆肉起蟹粉，只能製作兩隻蟹粉小籠包。也就是說，一籠就是食了兩隻大閘蟹了！



一口咬下，金黃蟹粉流出，加上上湯，油份充足，甘香非常！



另一喜愛，就是生拆蟹粉蒜茸包！一個小煲上，份量非常呢！



蒜蓉包新鮮焗熱，香脆而有鞎適當的蒜香。



最正是生拆蟹粉。蒸熟後拆蟹肉，再拌上蟹黃蟹膏，拌煮而成。其甘香，令人一聞惹味。



厚厚的蟹粉抹在香脆的蒜茸包上，既有蟹粉的油甘香滑，也有蟹肉的絲絲口感，加上香脆蒜茸包，更添風味。


花膠佛跳墻，用料好鬼足！大大塊的靚花膠，食落口彈牙。加上個湯頭有著精華雞湯，更是回味！



成班人食，當然係一大盤咁上！呢度講明會俾4.5-5兩的大閘蟹。揀選的是優質靚蟹，隻隻大細相若。



嗱，有手掌咁大既SIZE架！



睇到？一開個蟹蓋，金黃蟹膏滿滿。油香撲鼻！



就連肉的位置都有好多蟹膏呢。蟹黃十分飽滿，蟹膏軟滑線密呢。



啖啖蟹黃與蟹膏，十分滋味~



最後就有海鮮烏冬



都係誠意之作。



甜品是薑茶芝麻湯丸呢~~ 甜入心~

牛気 (銅鑼灣)

日式打邊爐，心中最愛清單，一定要算上牛気！無想過，原來牛気開了新店在希慎廣場！又多了一個蒲腳點！正！




呢邊新裝修，店面以及位置都比旺角店大以及光線更充足一點。座位很闊、很舒服。







自肋BAR位，有著多款丸類、蔬菜以及面食可供自由選擇。




沙律BAR以及甜品區都有唔少款式俾顧客揀呢～～




還有色彩繽紛的糖果區係度！




飲品區的雪櫃也夠大的了！有著多款果汁、汽水以及啤酒俾顧客自取，每款試一罐都真係有排試呢！




餐牌分了幾款不同GRADE的肉類價目。揀定一款，就可幺㒇限任叫數量。




我同老公今次食最貴的極上澳洲和牛＋海鮮放題。每位HK$388。一共有十三款食物可以任叫，最靚既肉，再加上海鮮，極大滿足！




店員還細心地附上了時間漏斗，一個是三分鐘、另一個是一分鐘，方便客人可以計算海鮮的熟成度。以求可以最好的時間，成上最好熟成度的海鮮。




我們點了鴛鴦湯，一個是甜豉油、另一個是豬骨湯底。




呢一碟係極上澳洲和牛！新鮮片出黎，單看個樣就夠晒靚！鮮紅的牛肉，加上雪花分佈十分平均。碟牛好靚呢～～




放入湯內十數秒就剛好。入口半溶，牛味極之濃郁。咬口方面會比一般牛肉爽口一點、更有咬勁。因為牛味很濃，女生可能食數件就要食其他令口腔清一清濃度。男生喜歡濃味牛，一定食不停口。




極上美國牛小排，這是另一款的美國牛。雖然雪花無咁多同平均，牛味會入口淡一點，但肉質的滑度却是更多一點。同樣味美！




精選巴西雞腿肉以及特級美國豚腩肉。豚腩肉食起上黎爽口，而然肉肉質嫩滑且雞味濃郁。




海鮮盤方面，也是不容錯過的！有著日本大大粒的帆立貝、日本廣島蠔、日本魷魚、大海蝦、紐西蘭青口、加拿大翡翠螺。




全部份量十足，而且冰鮮急凍到港，食材處理恰當，不會有雪味同時食到有鮮味添！特別推介大海蝦，十月金係隻隻都好大隻。大家可以任食海鮮，不要以為食了一盤就無得再食哦！




而挪威三文尔刺身，同樣十分吸引！每一件都係厚切，十分新鮮肥美！我哋一共食了兩客了呢～～




黎呢度，只要讚相同埋做以上步驟，仲石以食到MOVENPICK的雪糕一杯！




我哋當然唔會錯過啦～～～

以食物質素來說，任食打邊爐又真係極抵！耐唔耐黎一次，也是很不錯的選擇！

壹級日本料理 (大圍)

去開大圍，就一定會過黎呢度食飯。貪佢大件夾抵食！
呢度啲枱夠晒大張，成班人一齊黎食都會坐得好舒服。
兩個人食飯，點咗晚餐。今期啱食蟹肉，所以點咗個蟹特盛丼！HK$88 
好大份，當中有「松葉蟹膏、蟹肉、蟹籽」。
蟹肉拆得好碎，再溝埋蟹膏，更有鮮味。而蟹籽就令到食起上黎更有口感。
蕃茄豆腐沙律
HK$65

我哋再散叫咗款沙律，但又唔想食平時食開個啲，今次就改食呢款蕃茄豆腐沙律。豆腐厚切，加上新鮮大塊的蕃茄，很新鮮！

燒魷魚筒
HK$88

原筒的魷魚，鮮燒，加上特製燒汁，食起上黎，更加有風味。而且燒到唔會過火，適度好處。
霜降和牛粒串

大大粒的霜降和牛粒，燒到啱啱好，有著炭火香，而牛粒也很嫩滑。
燒帆立貝

大大粒的帆立貝，用著炭火燒，更加香口惹味。
有點點微脆，而帆立貝也香嫩惹味。
鰻魚炒飯
HK$88

大大碟的鰻魚炒飯，有著我最鐘意既鰻魚粒，加上有鰻魚醬，食起上黎更加有日式鰻魚的風味。

咁多嘢，價錢唔貴，真係好抵食！