麵包新語 (大角咀)

平時就好喜歡Breadtalk的芝士卷，有朋友黎，當然也要買返一條一齊分享啦～～
北海道雪白芝士卷
HK$78

很喜歡這個芝士卷，個包包係我最喜歡的朱古力蛋糕，食起上黎更是合我胃口。而蛋糕的質感，更是柔軟。
中間有著香濃的忌廉芝士，奶味比較濃郁，芝士味恰道好處。
當飯後甜味食，更是滿足！
蘑菇芝士香腸
HK$10.5

除咗芝士蛋卷，還有這個芝士包哦。有加上香濃的蘑菇粒粒以及車打芝士，食起上黎咸香、甘香感十足！
跟白香腸一起食，更是很配。
火腿芝士牛角
HK$12

呢一款更加惹味，牛角包很酥軟。加上有黑椒粒係上面，更加惹味。
中間會有原條的車打芝士及火腿，咬落去會有微雿的感受覺。

漁牧 (尖沙咀)

老公成日都話要食酸辣魚。係荃灣都食咗唔少間，但想不到，漁牧先啱老公口味。兩個人，叫咗一壺的竹蔗黑糖冰。預備食辣魚時解解渴。
前菜，點咗呢個拍青瓜拌梅汁雲耳，用黎開開胃，原來個份量都唔少喎。
清炒時蔬，今次揀咗白菜仔。
主角黎啦！就係呢個鮮泡椒酸菜味的辣魚。今次我哋揀咗清江魚，貪佢無咁多骨，比較啱我食。
外皮係炸到卜卜脆的，食起上黎，更有炭香口味。
成碟都有好多辣椒以及香料及酸辣味。食起上黎更香辣。而且，仲可以揀配菜，每款都係十幾廿蚊咋。
今次我哋加咗熟鮮腐戶、仲有薯仔片，更吸收埋酸辣湯汁係入味。成條魚都好大條，成量好足料！越食，個湯汁就越濃縮，所以會越食越辣的哦。

老夫子餐館 (太子)

見好耐無食過老夫子，又再黎呢度，但今次約埋朋友黎食Lunch。
呢度係老夫子主題餐廳，連個餐牌都係老夫子個樣。真係坐度邊，都有老夫子同佢既朋友陪你食飯。
Lunch Set有呢啲，都好多種類揀，仲有牛扒，當然係我最愛！
點咗呢個飲品，跟餐加HK$18，係熱情果鮮果冰茶。佢另一個名叫做「十萬火急」！XDDD

就連個茶都好有心思，生果另上，俾你加入個冰茶度。而且，就算粒冰都係有生果架！咁樣飲，就唔怕啲冰融咗，令個茶變淡味啦。


餐湯，我哋都揀咗白湯，即係忌廉湯。而個包包，就好鬼軟熟，也是這裡值得加分的地方。絕不晬雪到硬一硬又唔好食的餐包哦～
兩個都係牛魔王，所以點了兩款牛的Lunch Set！

呢一味，係「板燒美國西冷配薯菜」，HK$98好似Lunch會覺得貴？但牛既質素絕對令你覺得值！因為牛扒好靚，而且夠晒大塊呢！夜晚都黎食過，同Lunch一樣質素的牛，但Lunch Set價錢平一半有多哦！
你睇，半成熟度剛剛好，也是最好食的時候。不會韌，夠Juicy而且多肉汁。而個薯菜，也不是一條條的薯條咁簡單。反而係紫薯波波呢～～
另一款，係這個和風一口牛，呢個仲抵！HK$68咋！超抵食！而份量都唔少架！
用上和牛，但係整成一口一啖的牛柳粒Size！牛的肉質嫩滑，而且牛味濃，醬汁配合剛剛好！呢個價錢簡值好味又抵食！
淨食Lunch唔夠喉，我哋再點埋小食！
呢個叫「耐人尋味」既，其實係「瑞士汁燒乳鴿」。燒得紅燒金黃，而且仲好入味。肉嫩骨軟，Yummy～～ HK$98一隻～
百發百中，指既係法式焗田螺 HK$80。即叫即整，所以要啲時間去焗，但好味又夠香。食起上黎配埋個薯溶底仲正！

Seoulmate (銅鑼灣)

黎到銅鑼灣新開的Seoulmate Cafe，有著年青韓風的味道。


係呢度，仲有咖啡飲添～～


呢度仲有好舒適的卡位添～


韓式清湯牛肋肉粉條
HK$78

包裝很特別，是因為特別用上年青人的包裝。這個菜式比較清，而且牛肋肉很嫩腍。


如果喜歡淡一點的味道，就可以點這一款。而且個粉絲，吸收了牛肋肉的精隨。而個蘿蔔也都很軟腍，而且唔會有任何渣。


炸釀雞卷配秘制韓式醬汁
HK$168

想不到，係咁大舊的雞卷，造型都幾特別。有點似是熱狗腸哦～～


切開後，有著很濃厚的芝士湧出。唯一係唔太食得到雞肉味，只食得到芝士味。


砵仔伴綠茶芝士慕斯蛋糕
HK$78

成個砵仔飯咁，好特別！上面有著很多生果。


入面係抹茶芝士蛋糕，食起上黎唔太甜。抹茶味都幾夠濃郁。


K爆米餅同雪糕烤遇脆脆柚子芒果
HK$58

呢個造型，成個玫瑰花咁，造型幾靚喎！每一瓣既，都係脆脆的米餅。

上面除了有士多啤莉雪糕之外，仲有著柚子醬以及芒果粒粒添～～

AVA Restaurant Slash Bar (尖沙咀)

女孩子喜歡Afternoon Tea，所以耐唔耐都喜歡跟一班閨蜜去食個Tea。想不到可以嘆住靚景，食個好有加州風味的下午茶！由AVA Restaurant Slash Bar推出了「魅力加州耀目下午茶」。有唔少加州特色的點心甜品。而且仲有十分型格的眼鏡包及Santa Monica八折優惠券。

三層架的點心，有著多款的鹹甜美點。六款的鹹以及六點的甜，正合大眾所需了吧？！



特別加入了Santa Monica眼鏡造型的甜點餅干。很可愛了吧？！



鹹點包括有迷你可愛的龍蝦包、蝦杯配蕃茄醬汁、清新泡沫莫希托。很喜歡那個可愛的龍蝦包。想不到龍蝦肉份量也不少。用上了忌廉汁，食起上黎軟軟的包夾著，很不錯！

而個蝦杯配蕃茄醬汁，想不到血紅的蕃茄味十分濃郁。大蝦一點，就茄鮮出晒黎！



另外，還有牛肉迷你漢堡、蔬菜撻、椰子黑松露牛油粟米杯。先說個迷你漢堡，真的值得一讚！牛肉Juicy多汁，一口咬下去肉汁唧晒出黎。而配菜的蕃茄、生菜也是爽口新鮮。

蔬菜撻是少有Afternoon Tea Set會見到的，很新鮮很特別。



椰子黑松露牛油粟米杯也是很特別。底下是溝了牛油的粟米，上層是加了黑松露的椰子泡沫，很有新鮮感。



很喜歡這個伯爵茶朱古力慕絲脆筒，造型跟雪糕一樣，很有趣！入面是濃濃的朱古力慕絲，而個脆筒真的很脆呢～～



粉紅色的是士多啤梨慕絲香檸果凍，十分可愛，而且酒香都很濃的哦～～還有朱古力脆米球，朱古力控的我就最喜歡了！

這裡的Tea Set真的十分特別，而且個景就係無敵一流呢！！

AVA Restaurant Slash Bar
尖沙咀赫德道8A號隆堡麗景酒店38樓