AGE Cuisine Express (鰂魚涌)

而家好多食肆，都會開係工廈，而且好多人都識用盡方法去呢啲工廈搵食。係工廈的餐廳，好多都會有驚喜。呢一間，係我其中一間喜歡的工廈西餐。

AGE Cuisine Express位於鰂魚涌太古段，價錢還十分相宜呢。特濃黑松露野菌忌廉湯

HK$48

先黎飲個湯，我同老公係一人叫一款。最愛野菌湯既我又點可以唔飲呢一款？湯會配上蒜蓉包，個包烘得極脆，而且蒜蓉以及牛油都好夠味。個黑松露野菌忌廉湯好足料。見到啲野菌碎，飲落去好有咬口。而且加咗黑松露，令整個湯更加香濃。法式龍蝦湯

HK$68

另一款，係老公點的法式龍蝦湯。湯的顏色呈橙色，很香濃，入口龍蝦味濃郁，還配上了蝦肉給你呢。珍寶蟹脆蟹餅伴粟米莎莎

HK$68

好精緻0既一碟餸。用上蟹肉拆絲，再做成的香脆蟹餅。食落口，有著絲絲的蟹肉，而且蟹肉的份量可不少，食落口，有著蟹肉的鮮味。炸到香脆的外層，配上粟米，多了一份口感與清新。芝士焗露筍

HK$62

食得再清一點，而家時節，當然係食露筍了！不時不食丫嘛！～

露筍新鮮咬落去不會起渣，而且食落口新鮮清新。加了芝士去焗，略嫌芝士味不出。所以這 道菜式作淡一點。但之前食了一些濃味菜式，這道剛好可以讓味蕾清一清。12"燒烤風味Pizza

HK$152

呢度有好多款出名的Pizza，老公作為食肉心獸，所以點了這一款。這是薄脆型的Pizza，用上香濃足料的燒烤醬作為醬汁。

雖芝士不會超多，但是却與燒烤醬汁配得好好。料上，會有辣肉腸等不同肉類以及洋蔥等。Pizza皮極薄，是薄脆皮邊，咬落口脆卜卜的。令食起這惹味的燒烤醬及多肉的Pizza時不會有過漏的情況出現。德國酥脆咸豬手

HK$158

呢碟可以說是我黎親都必叫的。一黎自己鐘意食咸豬手，二黎這裡做得很不錯呢！個外皮極香脆，而且無乜油。食起上黎很干脆。肉質嫩滑，喜歡其肉質不會有油笠笠的感覺。而且咸香，令人食不停口。而個脆薯角，更是一讚。外層微脆，但內裡很軟腍，還有獨特清新的醬汁～～意式奶凍配藍莓汁

HK$28

最後甜品，是意式奶凍配藍莓汁。奶味都幾濃郁。幾滑溜呢～～自家製意式芝士餅

HK$48

老公就點咗自家製意式芝士餅，佢話酒味不會太濃，芝士味適中。都唔錯喎～～

AGE Cuisine Express

鰂魚涌英皇道1065號東達中心 1104 B

A Fun Store (尖沙咀)

想不到，香港也可以食到三個濃度的抹茶可以揀！！！係 The One五樓，開放式店舖，好有韓風Feel~~~仲有啲好特別topping 的多士。三個Level的綠茶：

1. 15%綠茶

2. 25%綠茶

3. 40%綠茶

大家點的時候，可以先試一試味。我揀咗一個雪糕球，加錢可以揀topping，好似食乳酪咁。今次揀咗士多啤莉，朱古力米花同埋開心果果仁。

而我揀的是40%的濃度抹茶。很香濃，食落口有點抹茶的苦苦地，抹茶控一定會喜歡。奶味在40%黎講，不會過份地濃，抹茶味相對較出。有在京都食抹茶的感覺。雪糕質量偏高，不會易溶，無溝過啲水。濃度高，而且都夠香滑。大家食開的抹茶雪糕嫌唔夠味？可以試一試這間，聞說遲啲會出50%濃度呢！！

A Fun Store

尖沙咀彌敦道100號The ONE 5樓5A號舖

KC Cafe (太古)

去Cafe，無非都係想地方好Hea，坐得舒服，可以留耐啲。想不到，鰂魚涌工廈，發現間新的Cafe，裝修好靚，而且好舒服！細看之下，原來是之前去過的觀塘Line 公仔擺設的KC Cafe分店！但今次這一間，改玩風格。舖位有三四張大枱，座位係軟座，木系裝修，幾舒服。感覺很森林系，令人喜歡。仲有啲小遊戲，可以借俾人玩添~~~呢度仲有免費Wifi 提供，好Hea 度上升啦~~MOCHA

HK$32

黎一杯熱MOCHA，朱古力都夠濃，咖啡不錯，絕不會是偏酸的咖啡。SWEET POTATO LATTE

HK$35

咁夢幻0既顏色，想不到是紫薯Latte吧？好靚啊~~~ 還好，不會太甜，女孩子會喜歡這甜甜的夢幻紫薯味。係觀塘KC Cafe食過佢哋特式的韓式紫菜飯，覺得好特別。想不到，新店有兩款新的，要試一試！！KIMCHI & TUNA GIMBAP

泡菜吞拿魚紫菜飯

HK$37

好特別，入面加咗韓國泡菜碎以及吞拿魚，當然，少不了有蛋絲、蟹柳等。食落口，微辣，而且有脆脆的以及如肉鬆般的口感。好得意！

建議是可以揀辣的程度，就更加好啦！HAM & BACON GIMBAP

火腿煙肉紫菜飯

HK$35

呢個，絕對係清新之選！極之健康啦！有新鮮生菜片、煙肉、蛋絲同埋蟹柳，食落口，很Fresh。夏天食，就唔怕啲嘢油得滯無胃口啦！

而韓式紫菜飯同日本的飯卷分別，是日本的飯會落醋，韓國的會用麻油同埋芝麻，所以好香。韓式炸醬麵

JAJANGMYEON

HK$58

韓式炸醬麵，麵質彈牙爽口，不會糊。喜歡韓國的麵質是無「簡」水味，而且質感好。溝上了甜甜地的韓式炸醬麵專用獎，還撈上青瓜絲，惹味得黎也不會滯！SPICY CHICKEN WINGS

秘製韓式雞翼

HK$32

這個，絕對要推介給愛食辣的朋友。惹味非常，辣得黎還有焗出黎的焦香感。雞肉嫩滑，食落口會有肉汁唧出黎的！CEREAL

HK$30

自己MAX自己鐘意0既麥片類型、配料，同埋鮮奶，成為健康早餐，呢個概念又唔錯喎！！唔好睇佢細細碗，其實都幾足料！最多可以揀三款麥片！而生果呢，就係揀一款，當然，加$5可以多一款！我就揀咗藍莓、香蕉、紅莓同埋士多啤莉。鮮奶都有得揀喎！！有全脂、低脂及荳奶，適合唔同人需要！呢個SET 仲要係全日供應，減肥黎食都唔錯！！CHURROS

巧羅絲

HK$22

最後甜品，食返個CHIRROS，脆脆地，有埋煉奶同朱古力醬！正啊！

係呢度同朋友食埋LUNCH，再HEA 到TEA，環境清靜，十分舒服。仲有得上網，墻邊的枱仲有電制，充電都好方便。

新開無耐，環境絕對一讚！

KC CAFE

鰂魚涌英皇道1065號東達中心1101室

2110 6909

Fiat Caffé (尖沙咀)

再次去到Fiat尖沙咀店，是喜歡一班人黎食，可以坐得舒舒服服。呢度連BB椅都有埋，想得幾周到。Grilled Calamari

意式煎魷魚

HK$88

呢一道，俾我想像中淡味。想不到作前菜，都幾清新。魷魚不會韌，火喉控制得唔錯。如果喜歡食濃味的人，這一道可能略嫌偏淡了一點。Fiat "Cinquecento"Wings

快意雞翼

HK$78

一碟好似有六隻，個汁都幾濃、幾惹味，但不會過咸的。而且，雞翼微脆，肉都幾嫩滑，很不錯。Pesce Misto Alla Griglia

快意特式海鮮拼盤

HK$288

上一次黎食，覺得個海鮮拼盤都幾多嘢，幾抵食，今次再叫！同樣有大蝦兩隻、還有魷魚仔、帶子同埋煎三文魚。大蝦尤其好食，炭香味是我最喜歡的。還細心地先除去了蝦身的外殼，食起上黎更方便了。Grilled US Cab Rib Eye

烤肉美國肉眼牛扒

HK$218

這裡最好味的，可以說是牛肉了！這個肉眼半成熟，而且都好大塊啊！除了有牛油，還有黑松露醬添呢！熟度剛好，而且牛味濃，肉汁嫩滑，食一客也有點兒不夠呢~~~Quattro Formaggi (without any herbs)

意大利四式芝士（無添加任何香料）

HK$148

呢個芝士pizza 餅底勁脆，是薄脆個款。雖然無肉、無菜，但係芝士0既咸香，也不會太笠，很特別。芝士控不容錯過啊~

Fiat Caffe

尖沙咀彌敦道132號美麗華商場B1樓B1018及B1023號舖

Otto Restaurant (銅鑼灣)

銅鑼灣，有不少有情調的西餐廳。係三八節，跟一班三八女人去了OTTO食西餐！XDDDOTTO 有兩層，我哋揀咗比較靜啲0既二樓。係呢度，仲有酒飲，黎HAPPY HOUR 都唔錯喎！~我哋揀咗Dinner Set，相對比較平啲。而且乜都有齊晒。前菜方面，有以下三款，三揀一：

1. 煙三文魚凱撒沙律

2. 精選生蠔

3. 魚籽蟹肉沙律

我朋友有揀到魚籽蟹肉沙律，佢哋話蟹肉都幾多，好味，而我就揀咗生蠔。這是比較脆身，海水味會濃一點的生蠔。新鮮爽脆，但明顯一隻唔夠喉！XD這裡的面包籃好正！有三款面包俾你食。而且全部都好新鮮，暖哄哄的，牛角尤其鬆化。個牛油還是有黑松露的牛油，特別香呢！湯方面，會有黑松露鮮蠔野菌湯以及法式龍蝦湯兩款。而今次我就揀咗法式龍蝦湯。但明明見之前OPENRICE啲人0既相，隻龍蝦好大隻，點解今次我哋黎食係細咗？

講講個湯，龍蝦味好濃郁，係咸咗少少，可能我自己食嘢偏淡味一點，對這個湯的要求。而龍蝦仔還貼心地蝦身除殼了！食上黎好方便。前菜，有兩味，先黎係食咗個龍蝦海鮮酥盒。

呢個酥盒外皮鬆化得很！十分好味！而個內裡的龍蝦及醬，有點CREAMY ，但好幼滑。食到龍蝦肉的肉絲，食一件真的不夠喉呢。食完個龍蝦海鮮酥盒，當然要清一清口腔，食返啲清新嘢。是青檸雪芭。不要以為只是一球的小小青檸雪芭，個底是青蘋果粒溝乳酪，開胃非常！食起上黎更有層次。主菜方面，有五款可以揀，價錢由HK$398-HK$565不等。這也是成個SET的價錢了！我就叫了最貴的！

澳洲頂級牛柳配法國鵝肝，叫了半成熟。單看擺盤就十分美觀弓！澳洲牛柳的生熟度配合得十分之好！一刀切下去，快感覺到十分嫩滑。無論點切，也不費吹灰之力！咬落去時，是無肉渣的感覺，牛味濃郁、很滑，食得出頂級牛的LEVEL！

個鵝肝，十分香，煎得微脆內嫩，也是配合得一絕！

芝士薯溶，焗得香濃，想一食再食！最後食上是日甜品，是精選的之士蛋糕。芝士味濃郁幼滑，完美作結！餐茶甚至可以叫Latte 這類的咖啡，而我只是點了檸茶。十分滿足的一餐！

OTTO Restaurant

銅鑼灣駱克道487-489號駱克駅16-17樓