aminn 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2017-12-03
Starbucks迷你布甸之前喺其他地區推出一直大受歡迎,終於嚟到香港啦!今次同時推出朱古力同焦糖雲呢嗱兩隻口味,以簡約黑白色Starbucks迷你杯包裝。 朱古力味布甸用上香濃黑朱古力, 布甸較挺身,口感香滑,朱古力味香濃又唔會太甜,朱古力迷一定會愛上! 另外,而家Starbucks推出咗星巴克種植套裝,有晒唔同嘅種植小工具(種植器、種籽、培植椰土、小盆栽插牌、小鏟子及手巾),食完布甸之後可以循環再用迷你杯,利用種植套裝入面嘅種子,悉心照料盆栽7至10日就可以種出可食用嘅芝麻菜或者苜蓿,環保之餘仲可以放喺屋企或者辦公室做擺飾,你都可以試試呀! 推介美食: 迷你布甸杯
評分: 味道 5 環境 4 服務 4 衛生 4 抵食 4
2017-08-16
今年香港突然興起日本一種中間似梳乎厘嘅厚班戟,單睇外表Aminn姑且稱佢哋為「空氣Pancake」,而且專賣店越開越多,連甜品鋪都紛紛加入。 身邊好多女性朋友都對於「空氣Pancake」表示心心眼,但幫襯唔同店鋪之後comment好壞參半,Aminn都有啲卻步。。。 之前試過I.T旗下嘅Sweet Monster深深愛上,佢哋最近加入班戟行列,引入東京「奇蹟之班戟」熱店Flipper's,當然要試試啦! 店鋪就係希慎6樓嘅新店,店內已經滿座,而且果然有人龍,不過都唔係好多人排隊啫~ 入座之後見到Menu有期間限定蜜瓜班戟,諗都唔洗諗我就揀咗佢啦,另一份就點咗焦糖榛子香蕉班戟。落單之後店員溫提我哋要用兩隻叉將班戟分開嚟食。 Flipper's售賣嘅「日式梳乎厘班戟」係即叫即做,製作需時30分鐘㗎~所以要排隊係有原因嘅! 兩份同樣係有三件日式班戟同忌廉,再配上唔同水果。最吸睛當然係我嗰份配上香甜嘅日本蜜瓜同好清新嘅蜜瓜雪葩嘅蜜瓜班戟! 班戟非常鬆軟,入口軟綿綿,仲有陣陣蛋香!本身Aminn都好細食,但都可以食得晒成份,仲有少少「唔夠喉」想多少少添! 飲品都有好多選擇,包括唔同款式咖啡、奶茶、檸茶、果汁、汽水同Fruit punch等等。 總結嚟講,Flipper's班戟味道真係無得彈,如果定價可以包埋飲品就更加理想啦~另外店入面多數都係女生,可能因為暫時Menu都係得甜點,遲下有埋咸點應該生意會更加好~
評分: 味道 4 環境 4 服務 4 衛生 4 抵食 3
2017-06-01
Aminn從來唔係海鮮die heart fans,想食靚海鮮知道去西貢、流浮山、銅鑼灣、香港仔同埋離島南丫島。唔講真係無留意,原來屯門都係海鮮熱點!屯門對於住開新界東嘅朋友嚟講可能有啲隔涉,不過只要花少少交通時間,其實好多巴士都嚟到,仲有西鐵同輕鐵呢~ 之前跟班女仔朋友過嚟,有個海鮮lover帶路,唔駛煩!三聖邨其實就喺黃金海岸再過啲,入面條海鮮街有好多海鮮檔外,喺關財記買完海鮮再去隔離酒樓或者餐廳加工,加返工錢就可以,烹煮方法可以自己決定,或者叫店員介紹啦! 喺關財記買咗啲貝殼類同蝦蟹,拎咗過去隔離間泰海鮮加工,泰國嘢啱我!不過話到明可以自己要求點煮,海鮮lover比較喜歡清蒸話要原汁原味喎~咁當然都有果啲芝士焗、薑蔥屈etc 首先嚟個白灼九節蝦,睇佢個樣同平時見啲蝦身形細少少,但係海鮮檔話係季節性,仲爽口啲就買嚟試吓啦。其實佢係咪九節我又無數過,不過㩒落去係實啲㗎~ 除咗蝦肉比較彈牙,用白灼或者清蒸可以保留原本海鮮嘅鮮甜,連平時唔鍾意拆蝦殼嘅我都食咗十幾隻。 推介美食: 白灼九節蝦, 鹽油焗奄仔蟹
評分: 味道 4 環境 4 服務 4 衛生 3 抵食 4
2017-05-22
趁好天氣同朋友嚟個海景Brunch! 嚟到銅鑼灣Les Saveurs Private Kitchen,望出去就係紅隧口,天朗氣晴日子可以由東至西見晒成個維港景! 另一款主菜選咗龍蝦天使麵,主角除咗龍蝦肉之外,仲有龍蝦Cappuccino包住天使麵,每條天使麵都索晒鮮甜龍蝦汁,不過份量偏少,真係唔係幾夠喉! 法國菜當然要慢慢享受,同朋友嚟慢慢傾絕對可以令人放鬆心情,而且午餐四道菜只係$238,食呢個景+法國菜絕對超值!
評分: 味道 4 環境 5 服務 5 衛生 4 抵食 3
2017-02-02
幾個月前有次放工去逛銅鑼灣,晚飯時間差不多過先肚餓,又無咩idea就上網搜尋一下附近特色食店,搵到間主打窩夫嘅Green Waffle Diner,諗住輕食都可以就去試試。 估唔到鑊仔薯粒份量咁多! 另外點咗半份美式咸牛肉三文治,脆薄三文治包、咸牛肉片、酸菜、沙律汁,簡簡單單味道清新,唔會太飽滯,又係配搭脆脆薯粒喎! 餐廳係半開放式鋪位,剛啱坐喺商場行人路旁邊,環境未算十分舒適,不過地方算寬敞,食物質素有驚喜! 是次小分享完畢,有興趣可按本站內其他分享 題外話/補充資料: 此文係舊鋪時嘅「初遇」,請留意跟住嘅「下集」。 推介美食: 蕎麥窩夫, 鑊仔薯粒
評分: 味道 4 環境 3 服務 4 衛生 4 抵食 3
|