白色雪花之公主 (尖沙咀)

難得放假會出城，有朋友推薦Aminn去呢間韓式甜品店，由元朗開到出尖沙咀，原來仲係真正嚟自韓國嘅백색의설화공주，Sorry唔識讀，香港分店叫白色雪花之公主。

元朗分店以甜品為主，而尖沙咀分店除咗繼續有韓式雪花冰、雪糕同蛋糕，仲提供左幾款韓式輕食！
睇完Menu最吸引Aminn係呢個怪獸雪花。。。。究竟要約幾多個朋友一齊食？？

晚飯時間就點咗韓式卡邦尼年糕，韓式卡邦尼汁微微辣，年糕同配料都好多，而且最重點嘅年糕煙韌質感啱啱好，好surprise囉！

另外點咗小食炸魚餅絲同柚子雞翼，炸魚餅絲外觀似薯條，無魷魚絲咁乾，又比薯條更加香口，配上沙律醬食到唔停口呀！
而雞翼就唔會太大問題嘅，不過呢碟雞翼都好大隻，啖啖肉！飲品就選咗Mojito，好大杯好Colorful，賣相幾好，同環境配合得好和階好舒服。

最後梗係食埋甜品，嚟到點可以唔點雪花冰呀！點咗Oreo雪花冰，嚟到黑mun mun一大碗雪花冰，都唔知從何入手～
一個雪花冰足夠2至3個人share，面頭有一球朱古力雪糕、朱古力醬同鋪滿到漏嘅Oreo粉，入面係牛奶雪花冰，綿嘅程度接近入口即融。
我發現中間仲有一層Oreo粉，整體味道唔會有斷層，不過最底有層煉奶，個人認為太甜就無食到落底啦～

今次點嘅幾款食物都好味，好滿足！ 回頭指數好高～科科

湄南 (將軍澳)

Aminn最鍾意食東南亞料理

香辣酸甜勁開胃

見天晉II新店有9折優惠券就去試試啦

Pop Walk只有部分食店已經營業

以為新商場無人流
點知都係間間要等位(將軍澳特色！)

望下湄南個Menu 都有幾多選擇

東南亞種類包括越泰星馬

越南代表蒜香牛油雞翼

雖然無佐敦越南店整到風沙雞翼咁

但勝在隻隻咬開仲出煙

賣相有D乾以為無料到
入面肉質仲係嫩架！

至於新加坡代表品優海南雞飯

隻海南雞呢 又係的確無專門店咁滑

不過個油飯同醬汁都OK

至於個湯真係超surprise 誠意滿分！

輪到馬來西亞咖哩雞

Aminn鍾意食油穌餅/蒜蓉包點咖哩

最可愛係湄南嘅蒜蓉包寫明每片9蚊！

雖然唔係大片 不過真係好食喔！

點嘅食物一路上枱感覺越來越奇怪

海南雞、咖哩雞、牛油雞(翼)、串燒雞

雞全部都係雞！

其實我哋4人點咗以下。。。

湄南燒大蝦柚子沙律

品優海南雞飯(套餐)

馬來咖哩雞(配油穌餅/白飯)

蒜蓉包(每片9蚊)

馬拉盞炒通菜

蒜香牛油雞翼

沙嗲串燒雞肉

題外話

點咗3杯珍多冰 正字正確應該係叫真多冰
可惜D冰飲唔到 有成半杯咁多

計返9折埋單$50x 除開每人$130

因為今日好肚餓叫到張枱放唔晒

(有圖有真相 其實枱面都係細張......)

點完菜諗諗下仲以為會好貴

不過因為4個人可以點多少少款式

如果2人過嚟晚餐應該都要$3xx

整體嚟講湄南性價比都合格以上

如果可以唔駛排隊就更加好啦～哈哈

iBakery (西環)

2010年創立的東華三院社企iBakery
目前開設了1間麵包工房、1間餐廳、2間輕食店及3間曲奇店
一直都得到不同的酒店和名廚支持
以一級的材料和烘焙技巧 加上學員的誠意
成功以學員的手工曲奇打出名堂

今年初師承日本京都凱悅酒店的京都抹茶手工蛋糕
食正香港的抹茶熱而大獲好評
最近再次和日本京都凱悅酒店、沙田凱悅酒店合作
推出3款不同口味的貝殼蛋糕

食材選用京都老店「祇園辻利」的頂級抹茶和焙茶
還有日本柚子製的柚子醬
而且無添加、無人造色素及無香精
小朋友至長者也可以享用

貝殼蛋糕系列特意另外設計全新的包裝
每盒伴手禮裏面有4件貝殼蛋糕
不同口味以不同顏色表示 精緻度可以直接用來送禮

味道方面焙茶和抹茶都有較濃烈茶味
當然焙茶會更香濃 很滿足Aminn喜歡的重口味
而喜歡清新的朋友可以選擇柚子味
三款也沒有化學甜味 亦沒有很黏的糖醬包着
一口氣吃下幾件也不覺得邪惡 哈哈～

如果你經過位於金鐘添馬公園的iBakery Gallery Cafe
可以order學員推薦的貝殼蛋糕1+1
即是以貝殼蛋糕配撘青檸梳打、花茶、咖啡等飲品
店內的輕鬆可以令你重拾愉快的心情喔～

iBakery出品的每件手工蛋糕充滿學員的汗水和努力

除了日常專賣店的出品也會接受小禮物/回禮訂單

享受蛋糕之餘又可以支持本地社企

有興趣可向iBakery愛烘焙麵包工房查詢～

MGB by Manhattan Grill & Bar (觀塘)

Aminn由小到大知道麵媽好喜歡吃Buffet(因為多選擇XD)
尤其當中的沙律吧 不過年紀越多吃不了太多也著重多了健康
近年也發掘了好幾間平民Lunch Buffet 價錢相宜份量又啱啱好
不過這一兩年越來越多西餐廳轉做Semi-Buffet
只要點一份原本餐廳的主菜 就可以有前菜沙律甜品和餐茶

既然7月想為麵爸慶祝生日
就留意一下就近的Semi-Buffet吧~
早幾年在觀塘區返工 附近越來越多不同種類的食肆
位於APM旁邊的1亞太中心
看似商業中心 其實內有很多食肆
以前lunch time也會過來 不過就沒有上過3樓
今次就試試這間Manhantan的Semi-Buffet
Weekend Brunch最近做買3送1 平均一人約$150
有3款基本主菜款式可選擇之外 也有4款加錢的款式

點完主菜就到門口的沙律吧 頭盤、餐湯和甜品也是無限供應
而且還有一部自助雪糕機 雖然款式不多 但一定吃得飽！
先食兩轉頭盤 家人的確很鍾情沙律 哈哈～
除了沙律菜外還搭配了Ham、煙三文魚和水果

主菜我揀了燒三文魚扒 很有份量呢~
魚扒太厚又要燒 所以出來有點乾
反而家人的炭燒美國一級肉眼牛扒和BBQ燒豬仔脾就啖啖肉很Juicy

最後當然來一杯雪糕和布丁做甜品
其實仲有Tiramisu 不過本身食完沙律吧已經飽咗一半...
最後還有Aminn喜歡的即磨咖啡

總括來說 店鋪在周末較寧靜
餐廳室內地方不算好大 還有部分露天位置
好方便一班朋友和家人傾偈
性價比絕對合格 麵媽麵爸都好滿意 yes~

老爺冰室 (深水埗)

今日去開深水埗 路經老爺冰室 好似幾得意喔~
冰室本身也是老香港的情懷
而且老爺的牆上有很多關於電影的裝飾

為了貫徹電影主題 每張枱都有一份特色Menu
食品名稱都改了跟電影有關 相當搞鬼
旁邊亦放了導演板 原來是可以隨便用白板筆寫上心水戲名

食物方面配搭非常有趣 打破傳統冰室的規律
看了幾篇雜誌報導選了幾樣鎮店之選
貌似西多士的自家製蝦膠多士 切開後從側面看是非常
有份量的 跟平時吃較脆的蝦多士完全兩種感覺

黑松露炒蛋多士 真·滑蛋中間仍然帶有蛋汁
面頭灑上香氣十足的黑松露 配上金黃厚多士
微脆加上濃郁滑溜 很滿足的說

醬皇大蝦球撈一丁(配牛油厚多士)
面對一丁麵 最多都只在家裏煮來吃
因為怕油膩所以很少會叫炒丁或者撈丁
所以最好和朋友share
因為這裏的一丁麵處理得好彈牙 邪惡都要放一邊

值得推介的飲品當然是「波波系列」
這裏的凍奶茶和咖啡都用上冰波波
而冰波波其實就直接是奶茶和咖啡
所以就算冰溶掉了也不會溝淡 超抵讚！

深水埗其實也不是鴨迷才會去
男人可以去鴨記 女人也可以周圍搵食的喔～