熊貓葡國餐廳 (氹仔舊城區)

明明用左好多時間寫左好多字食評唔知點解冇出到搵唔番＞＜
宜家講重點焗鴨飯係我食過最好食既，又咸白又同料又熱呼呼
真係冇得頂
其他都係中上既食物水準紅豆豬手好淋又入味風鱔又彈牙又肥美雜菜好新鮮翠綠ＳＡＮＧＲＩＡ易入口又清新，唔飲紅酒既我都覺得好飲送既大菜糕更係驚喜
蛋花加分，好夠冰凍，唔太甜，好好食
值得一試！

莫義記貓山王 (氹仔舊城區)

行行下街嗅到榴槤既香味！
逄親有榴槤味既選擇時一定會簡，
因為唔係咁易遇到榴槤整既甜品
叫左一杯榴槤雪糕份量唔多，佢只係用個膠碗裝好哂比你
一打開就嗅到榴槤既香甜
食落其實似雪芭唔似雪糕
因為佢冇雪糕果隻軟滑同奶味
反而比雪糕更冰凍同清新既口感
入口即溶
榴槤味算幾出，唔會假，但唔好期望有果肉
榴槤ＦＡＮＳ可以一試

晃記餅家 (氹仔舊城區)

下午兩點幾黎到見到門口好多人排隊黎到就買番些手信試左雞仔餅同香蕉糕
雞仔餅係一貫好濃味，餡料好香南乳味
個人覺得佢太硬，比較喜歡軟身Ｄ既口感
香蕉糕味道普通
質感不太好，粉味好重，食落唔夠煙韌

熊貓葡國餐廳 (氹仔舊城區)

地方好大好寬敞，可以有自己既空間慢慢傾紅酒特飲，係葡國既特色飲品
我平時係唔鐘意紅酒但係我覺得ｓａｎｇｒｉａ係唔錯既
佢入面有生果和青瓜，所以多左清甜既味
紅酒味又唔重，好易入口雜菌炒椰菜
好新鮮好好食，椰菜咬落又爽又脆
係油左一點，但熱辣辣咁上碟真係唔錯祕制燒風鱔
外表燒得都夠皮脆
其實同平時食到既味道一樣唔係特別既汁
出色既係佢既肉好彈牙好肥美
鐘意食鱔既唔好ｍｉｓｓ呀紅豆豬手
紅豆好多好香
豬手又入味又淋
而且大大件好滿足
個汁就好普通，係淡淡地既甜味焗鴨飯
全日最欣賞既一味
真係好好好好食呢
佢上時熱辣辣，賣相吸引
食落好惹味好咸香
入面有好足料既鴨絲，紅蘿蔔粒，洋蔥同其他香料
係食過最好食既焗鴨飯送既甜品大菜糕
又一驚喜，平時覺得大菜糕冇味
但佢透明之中有黃色好靚既蛋花
好清香，甜甜地又夠凍
改觀左原來大菜糕都可以好好食

澳門氹仔林記燒烤 (黑沙環)

餐牌好色彩繽紛同時都好多食物簡
分得好清楚唔同既肉類，小食，一目了然。咖哩崩沙腩，
好多份量既牛腩
＄６８大大碗真係超值
薯仔夠淋
牛腩又嫩又入味，筋位就更加彈牙有咬口嚼勁！
件件都好出色，個汁又夠哂香濃又唔太辣
唔係稀既咖哩汁，會食到用左唔同材料打碎一齊煮先會有咁既口感
用黎點烘豬仔包食真係食唔停食得咁熱氣好需要冰凍清熱既飲品
老闆推介馬來西亞既桔仔冰。
好懷念依種飲品，估唔到無啦啦係澳門飲得到
仲記得係沙巴旅行時日日都會飲
又平又清甜降火
依到仲好貼心桔仔係幫你出哂味唔使自己督督督喇哈哈

羊架有兩味
香草及芥茉燒羊架，另一邊係黑椒汁
細細件好嫩肉，佢既肉仲係有少少血唔會燒得老
香草及芥茉果隻會攻鼻但唔會覺得太重味
香草味同芥茉好夾成個咀一食會充滿哂果兩隻味久久唔散
黑椒汁果隻羊味就會出Ｄ，惹味Ｄ，骨位就更加香脆自制炸墨魚球
食得出係手製因為真係好彈牙
外脆，唔會係好厚既炸槳葡式乳豬釀飯

乳豬真係做得好出色好食
上到黎仲係辣口，岩岩整好
咁多件有肥有瘦個皮超脆
同時好咸香，肉質又保持到唔會過熟
但係個飯就好似唔係釀飯一齊煮
佢唔熱加冇乳豬既香味
只係好普通既炒飯，有點失色

但整體黎講真係又抵又有水準既一餐！
相信其他食物一樣好食！下次會再黎試＝］