Ruby Tuesday (九龍灣)

問公司同事借了半價pass~~全單半價..~good~

2個人...叫左..
nachos $108 : 呢個勁cheese ,又有d辣肉碎..正~~可惜有少少"火農"...
mini burger $15 : 今期promotion, 15蚊就有一個..不過唔知係咪凍左呢..麻麻地,,有d似"足3兩".....
caesar salad with conjun chicken $132 : d雞炸得好好食...~個汁都好正~~
和牛with baked potato $3xx: 之前有人講過和牛不及西牛...又好似真wor...同之前0係日本食既和牛..真係冇得比...肉係林...但唔夠肉味...個焗薯就ok.

埋單半價後..3百幾..~
如果冇半價...都幾貴..
不過以西餐黎講...都叫幾好食了~~

雲南風味 (觀塘)

之前已經聽聞呢間舖頭.

但一直都冇機會黎食~~

9點幾...黎到即刻有位~~
叫左一碗
雞絲米線$24: 另上麻辣醬.唔叫勁辣.但好香..好好味~個湯亦好有雞味~
蒜泥白肉: 冒住肥既危險..都要食..!!
水煮魚$36: 雖然都係一般雪藏魚柳..~但都好滑~ 又唔太辣~arm胃口~

呢度真係又平又抵食~
又唔會好似聯記x王咁太辣..入唔到口..~
一定會成日黎幫襯!!

小欖燒烤樂園 (屯門)

初三與一眾好友bbq~
揀左小欖~
貪佢位位$88~ 又有紅van直飛旺角~
7點鐘由旺角入...半個鐘就到左..
俾完錢..一人拎枝水~就搵位~
初三都幾多人~~
幸好都搵到一個唔係好逼既位置!
食物種類都唔少..~
雞亦,雞扒,豬扒,牛扒 都齊~係d牛扒un左d..
同埋蒜容牛油要另外俾錢買囉,,,~2蚊得果dd....
總結都唔錯~d炭好靚~唔會濕!又冇限時喎~~
有下次~~~
下次夏天去..可以去海灘玩埋水,打埋麻雀~~good~~
新年期間~ 位位$88~ 開爐費$30~

Table 18 Bar & Restaurant (觀塘)

琴晚去左apm睇"刺陵"...好彩係免費飛...因為真係好悶...睇到我訓著左...
睇完周圍行搵野食...
無意間行到黎table 18~
見有outdoo坐..都幾特別~就行埋去睇下個menu..
其實之前都有經過呢度..
睇番個menu...價錢都唔太貴~睇睇下menu..又見到有人order既豬手好伕幾好.
所以就決定食啦..~
8點幾....好多人等位...我地2個人...都等左成半個鐘度....
9點鐘...終於有位坐....安排坐入面窗口位...望到地鐵月台的..好攪笑~
2個人..order左:
燒德國豬手$135 :
要等45分鐘~其實幾年前情人節0係赤柱美利樓食過一次嫁啦...不過當時我地2個都覺得唔太好食..今次呢個就唔同啦~~~好香~熱辣辣~皮勁脆~!!!肉亦都好夠味~!值得等咁耐呢~
香辣蜆肉墨魚汁麵$68:
都幾多蜆..有8,9隻度~都唔細嫁~麵都幾好食~~~不過就唔覺有辣囉.....
炸尤魚圈$40:
呢個配他他汁...ok啦..冇咩特別~
total 2個人..埋單$267.3~
呢餐都幾滿意...食物唔曾之外...環境好舒服~
我地坐左差唔多成3個鐘呀~~
服務亦唔錯~侍應都勤加水~係到夜d11點幾時..就要叫先有人加水..~可能好多侍應都放左工..
食食下途中....仲見到有人慶祝生日....一個侍應拎住蛋糕...唱生日歌添...
如果慶祝紀念或者生日都唔錯~~~~~
會encore~~

重慶八哥酸辣粉 (羅湖東門)

呢日放假..同honey2個上深圳飲飲食食~
行東門~見到酸辣粉~又整番碗先~
5蚊人仔一碗~
真係好香~好好食~叫左少辣~
冇論0係廣州同深圳都好好食...
好食過紅磡間"聯X川X"先囉........又貴又勁辣...咩味都食唔到...
所以上親大陸一定要食呢~