雲南小鍋米線 (深水埗)

去開黃金....就搵d野食吓..
2個人...honey叫左一個雙拼麻辣小辣米線(腩肉+豬大腸) $24 +$4 要野飲.
d腩肉炆過...有"老"水味..!gd..!大腸都唔錯...夠唸..!
我就要麻辣中辣米線(雞c+牛展) $24+$4 要野飲.
呢個麻真係唔講得笑!!!!起初食冇乜野....越食就越麻!!!!麻到我個口震晒...!omg!!
雞c都唔係c...一舊舊咁....似雞肉多d...牛展就唔錯..!
下次如果再食..要小辣算lu...

滬江飯店 (尖沙咀)

7月時..同一班朋友.慶祝生日黎左食...一行13人.
睇menu~d菜色樣樣都好靚!但點知個味唔得囉..
一早預定左"北京填鴨" ...
個鴨ok..但未叫好好味囉...一般貨! 加埋2食既生菜包... ok啦...
但我0係深圳食平好多..!!!質素一樣!!
茄汁蝦仁鍋巴: 呢個勁呀...唔知係廚房一時失手.定不嬲都係咁呢..
原全冇味!!!!冇茄汁味...冇酸味!連咸味都冇..!!
川椒雞丁: 呢個就ok既....幾香...但其實茶記都食到..!
其餘既人都係好一般!
唔值得再試囉..
眼見場內有好多遊客! 外國人,,,大陸人....日本人....
所以話搵遊客錢冇錯!!!!通常旅遊書介紹既..都未必好食!!

上海榮華川菜館 (觀塘)

自問鍾意老店...聽人講呢度幾好..所以呢晚行開觀塘...就去左食~
7時多去到....等左15分鐘度就有位...
以星期日黎講...都叫ok快嫁啦...
睇吓menu,想食既野太多了..但同honey2個人都叫唔到咁多..
見到有2人餐...就叫左個試吓~
$118 包一個湯&2款小菜&八寶茶&2碗白飯....+$20轉"沙窩雲吞雞"..
"沙窩雲吞雞": 好足料,,,2個人,每人都有差唔多3碗!ok啦~
雲吞好似有5粒!湯好甜!係雞既甜味!味精?好似唔多覺喎....但少少應該都有既.

"回窩肉" : 呢個唔太辣,幾好!!!
"口水雞" : 呢個同四川既口水雞唔同...唔會有油浸住...但以我同honey都食得辣黎講...辣左d!
但雞本身,肉好滑!!!

八寶茶: 甜甜地..都幾得意....!
總括幾抵食!亦幾好味!!!始終...我都係偏愛老店!愛佢地用心煮野食!!
唯一唔滿意係每人一個杯...要等侍應添茶!!有時飲晒...都冇得飲..!
下次要帶埋屋企人黎試其他野先!!!

添好運點心專門店 (旺角)

唸住下午3,4點去唔洗等啦..
點知都係要等..
第一次同honey黎食..
款式唔多...但即叫即蒸好似幾好咁...
叫左:
排骨飯~d排骨好林...飯亦夠林...
古法糯米雞~真係好大隻...最正係好夠汁..每粒糯米都會有味~正!
牛肉腸~牛肉同腸粉既比例好平均...唔會有一啖係有腸粉冇牛肉嫁~
牛肉球~好滑....但唔知係咪因為落得多油呢??
總結...真係有酒店級數~
排下隊等一陣都值得...
但如果要等1個鐘就唔好啦~
xp

華記茶餐廳 (馬灣)

同honey行到攰..
就入去食d野啦.
叫左2樣野.
豉椒牛肉炒麵&星洲炒米~(每碟$26~+5蚊2凍飲)
價錢都ok抵~~~
講番野食....
炒麵都幾脆..ok...但d料冇咩味....唔夠咸..
星米相反好夠味.
仲有d過辣同過咸..
一路食都見好似好多外賣送咁..
乜真係咁好食咩?
填肚都ok既..
冇下次囉....