肥南風味小廚 (屯門)

好朋友生日，諗起好耐無去屯門三聖食海鮮，所以先去附近海鮮檔買海鮮，我地五個人食，所以買左大蝦，蟶子，賴尿蝦及大蝦，合共大約$700左右，之後我地就去肥南到食及點了以下菜式:

豉油王大蝦: 豉油味不太濃，味道一般豉椒炒蟶子(米粉底): 職員建議加米粉底，初時都好疑惑點解會用米粉底？後來發覺米粉底煎後超香口及吸收晒個豉椒汁，非常好食，值得一讚椒鹽賴尿蝦: 廚師將賴尿蝦炒得非常乾身，椒鹽炒到好香好惹味，好正冰梅骨: 味道有d似京都骨，不個配料加左梅，所以味道帶少少酸味，骨面亦加左少少芝麻，味道唔錯金銀蛋莧菜: 味道OK椒鹽九肚魚: 味道OK其實整體黎講，廚師炒功確實唔錯，每款食物味道都有中上水平，侍應亦非常專業，見你買左咩海鮮，就會俾d建議你點煮會好食，上菜速度亦夠快，連埋料及啤酒汽水都係平均每人$270左右，價格算係平

一寶中日高級海鮮火鍋 (尖沙咀)

平時朋友聚餐出街食飯，邊食邊閒聊都越來越唔方便，一來可能店舖租金貴，所以坐位安排為左做多啲生意，無奈位與位之間相距比較近及逼，故朋友見openrice食客推介一寶中，所以決定一試

每間玻璃房都有獨立冷氣，抽氣扇，風扇及冷風機，仲有mp3及細喇叭播放音樂，私隱度又高，環境好舒服餐廳做緊promotion,每位光顧食客都送魚刺身，雖然免費，但非常新鮮及肉質清爽，配上醬油溝蘿蔔蓉，味道好夾招牌一寶海鮮鍋$348: 材料非常豐富，又有蟹又有蝦，配料仲用粟米，紅白蘿蔔及芹菜，越煲越鮮甜，正青荀$68: 咬落質感清爽及鮮甜，好好食鹿兒島黑豚肉$108: 肉質鮮味，質感一啲都唔韌，好好食，好可惜只食左半碟，因為朋友食到中途發現疑似蜘蛛物體，最終有位marketing manager 特意攞返疑似蜘蛛物體放響隻乾淨碟到入黎解釋返其實係夏枯草，望真後安心好多，不過佢都接受我地取消呢碟肉既order因為我朋友真係嚇親食唔落爽脆豬天梯$78: 豬既喉嚨位置，雖然爽口，不過間中會食到一粒粒好似米既骨仔，所以試一次便夠招牌八寶丸(小)$98: 內有八款丸，每款兩粒，手打丸爽口彈牙，好正鎮店水餃皇$54(半份)及巧手韮菜餃$39(半份): 個水餃皇真係必食，每隻餃大大隻，內餡咬開至少有2-3隻蝦，非常新鮮。韮菜餃用料足，味道唔錯台式蜂巢豆腐$58: 火煱必食之選，放入去吸收左湯底精華後非常好食特式炸響鈴$58: 必食，炸響鈴新鮮炸起，可以就咁點甜酸醬食，或者放響湯底滾幾秒黎食都得，Ichiban~~~日式野菜籃:$88: 內有白菜仔，生菜，金菇及津白，用料新鮮食到咁上下，侍應每人俾左一杯Dreyers雪糕俾我地食呢間餐廳一定會再去，因為貪佢私隱度高，環境舒服，如遇到有時朋友心情唔好又想傾計時，可以揀呢度，就算喊都唔會嚇親隔離枱食客，加上呢度用料靚及服務一流，梗係要Encore啦

Harlan's (尖沙咀)

生日前夕，好友帶我去Harlan's食個半自助餐，因為一來環境比較清靜，二來響本空中邊食邊閒聊邊欣賞景色簡直是人生一大樂事

餐廳位置方面位於The One 19/F,地段一流，附近就係地鐵站。入到餐廳，由於餐廳一半位置都裝有落地玻璃關係，故可從外面引入足夠陽光，故餐廳光線充足及環境好舒服侍應放低餐牌時，亦會先放底麵包以供享用，聽朋友講麵包係即日新鮮整架，味道唔錯餐廳設有三個Set以供選擇:
Set A,套餐包括自助Appetizers, Dessert 及餐飲。
($198+10%per person)
Set B,套餐包括自助Appetizers, Main Course, Dessert 及餐飲
($228+10%per person)
Set C,套餐包括自助Appetizers, Soup, Main Course, Dessert 及餐飲。
($258+10%per person)
其實每個餐價錢相差大概$30左右，所以我地均選擇Set B

Appetizer方面，我個人都覺得尚算豐富，除左有Salad外，Perma Ham, 煙三文魚，Cheese 及我至愛既溫泉蛋 ，味道質素好好食及侍應亦因應情況不停refill, 最終我都食左3 rounds 才喊停主菜方面，分別揀左Roasted US Rib Eye (well done) &
Roasted Devil Chicken
先講塊肉眼，雖然全熟，但係一d都唔韌及好香牛味，牛本身亦尚算Juicy,配埋芥末醬好好食至於燒春雞方面，侍應上左半隻份量，個汁有d飲馬來香料風味 有少少辣，而雞本身肉質亦比較腍身，好容易切開，加上個薯蓉食落好Creamy,所以感覺超正~甜品方面：當日有New York Cheese Cake 及 Vanilla ice-cream以供選擇，兩者味道都好好食及香濃，唔錯服務及衛生程度方面絕對係流，因為每次出去攞Appetizers時，朋友話侍應都會我個位到重身摺番好張餐巾，非常細心。
而收主菜碟後，侍應亦會用專門刮刀掃走枱上麵包碎，真係值得一讚

由於最近天氣酷熱，故無選擇坐露台位置享受午餐，希望下次有機會再試，相信感覺一定好舒服

君怡酒店咖啡屋 (尖沙咀)

Beecrazy出左呢間酒店團購優惠，晚餐每位只需$278，連埋加一都係$320，咁好既機會梗係唔可以放過啦

晚餐Buffet晚上06：30開始，地方非常寬敞，坐位之間好闊落，好友難得一聚邊食邊傾絕對係好選擇



現場製作有龍蝦和牛，鵝肝及燒大蝦，






先講龍蝦和牛，好多肉汁及好香牛味，配埋洋蔥汁一流，好可惜食完一輪後無再refill,好可惜



燒大蝦味道好新鮮，並且都幾大隻，廚師燒得個殼好香脆及惹味，值得一讚

炸魚薯條：味道唔錯，個炸皮厚左少少，但唔影響味道
B B Q汁燒黑毛豬骨：豬骨配埋個汁好惹味，唔錯



雜錦魚生有三文魚，鯛魚，魷魚及赤蝦。
魚生尚算新鮮，不過三文魚味道一般





加拿大雪花蟹爪，香草小龍蝦，黑青口:
海鮮好新鮮，不停refill,，朋友係海鮮怪都食左兩round,好正



海底椰煲老雞:老火靚湯好鮮甜，唔錯

甜品方面，我試左血橙君度蛋糕，士多啤梨芝士餅，麵包布甸配雲尼拿汁及特濃朱古力餅，味道唔錯



宜家其他酒店食一次dinner buffet閒閒地都要四五佰蚊，但以每位300幾蚊食一餐有水準及質素既自助餐，實在好正，值得一試
重點都要多謝我既好友預先請我食呢餐咁有質素既生日飯，多謝晒(￣∇￣)

居食屋「和民」 (屯門)

同朋友響V city附近睇完《變形金剛》後，發覺好肚餓，附近食肆有太多人等位，唯獨和民只需等兩張枱就有得食，咁梗係要試下啦

店舖面積唔算太大，位置擺放有少少壓迫感，不過勝在都算乾淨企理，我地一行三人點左以下菜式:

東京滑蛋豬扒飯: 豬扒比較腍身，個汁味道OK,都算唔錯



和風披薩（叉燒及雞）：披底食落好香脆，餡料以叉燒及雞肉為主，醬汁加左沙律醬，所以味道好新鮮，值得一試



三串王: 五花肉，雞及牛各一串，不過五花肉個皮超硬，好難咬開，no good,其
餘個兩串味道恰當，好好食



海老天婦羅：個粉比較厚，味道普通



廣島風鐵扒炒麵: 個麵配埋燒汁炒好香濃，內餡加左少少薑絲及椰菜，好正




整體黎講，和民食物味道尚算中上，加上響屯門西鐵站內，位置方便，所以值得一試