偉記燒烤樂園 (元朗)

每次去元朗BBQ,一定會揀偉記燒烤，雖然地點唔算就腳，每次黎都要搭的士過去，但勝在食物一直保持水準，又無開爐費，仲有糖水，生果，涼茶送，雖然可能對於某d人黎講係平價野，但我覺得就份外貼心，起碼出面係買唔到，所以今次我地五個人再去偉記BBQ

先講丸類，種類好多，仲有得燒司華力腸及燒賣，燒完之後仲外脆內軟，正~~~~



扒類方面，圖既右上角就係豬仔脾，每次出都會被洗劫一空，佢呢度既醃肉唔覺得落左味精，食落好香，尋晚食左隻辣雞翼，味道好惹味，值得一讚




呢碟仔係咩黎架？？就係自家製蒜蓉牛油，每次黎我都會攞至少一碟，因為免費任攞架，一般情況蝦子餅都會先搽滿一面響方飽上面燒，記住牛油個邊一定要向上，否則好快燶，燒到咁上下硬身，另一面就搽滿蜜糖再燒到一陣，個包就會超香，大家都可以試下啦~~~~




嘩！！做咩咁多人排晒長籠？？每次聽到有職員敲鑼時，就代表有野派，一般次序先派糖水，然後生果，之後涼茶，尋晚就派薏米糖水及香蕉，氣氛好正好開心，因為好多食客都好期待呢一幕



整體黎講，以每人$120價錢入黎呢度食，真係物有所值，每次黎到都好開心，因為好識搞氣氛，地方夠大，乾淨企理，重點食物質素一直保持水準，所以本人誠意推介

PS:各位請留意，膠籃只可放丸類，不綉綱碟只可放扒類，不要亂放，否則燒烤場伯伯會好大聲提你架

緣聚 (元朗)

話說上回同老爺奶奶食完之後，返屋企即時同蝦子餅匯報，佢聽完當堂流晒口水，所以今日約埋未來姐夫及老爺奶奶共六個人再Encore~~~~~~

刺身方面，餐廳絕不吝嗇，你每樣叫廿件，佢俾足廿件你，仲要有三文魚腩及甜蝦等刺身以供選擇，材料都新鮮，必食之選



炸物方面，每樣都香脆可口，有炸芝士條，泰式魚餅，炸蝦等，款式種類多，好好食~~~~~



焗青口及焗蠔：青口就無咩味，不過焗蠔個汁好香，應該係類似沙律醬，個味好夾



壽司：我地正係點左玉子壽司及鰻魚壽司，鰻魚壽司一般，不過玉子壽司就好香蛋味，好好食~~~



試過出面好多間放題，唯獨呢個有西式扒類俾你選擇，仲要個汁好香濃及牛扒炸魚柳好好食，啖啖肉，好滿足，仲要有豬仔脾食，你地睇下d份量絕不欺場，問你服唔服？？





除此之外，呢度仲可以食埋火鍋，火鍋湯底我地揀左豬骨湯底，味道香濃，仲有肥牛，豆腐，菜，菇，丸等選擇，爽！




甜品方面：可以揀雲石芝士蛋糕，芒果布甸，木槺布甸…………等，味道ok

飲品方面：除咖啡奶茶可選擇外，仲有梅酒，清酒，麒麟啤酒及紅酒飲

早一日預定有九折優惠，雖然我地今次食正價時段，但我地都覺物有所值，起碼食物種類又多，質素好，味道整體都算係中上水平，加上環境舒服，上菜速到快及無試過漏單，值得再三回味

PS:如各位有機會到上址幫襯，一定要叫燒牛油粟米，因為真係超好食，好食到…………唔記得影俾各位睇，哈哈哈哈哈

上海麵家 (元朗)

睇醫生之前，由於一個人唔想食茶記早餐，所以就決定到上海麵家食番個北方早餐醫肚

我點左個北京餡餅+春卷，另加$3將豆漿改為咸豆漿，因為真係太耐無食喇




先講北京餡餅，亞姐好細心，幫你剪開四份，餡料又豐富，仲流好多汁好香好juicy,正~~~~


咸豆漿方面，裡有蝦米，炸菜，蔥花，好好味~~~

春卷方面，內有椰菜，粉絲及紅蘿蔔絲，香脆可口

本身個餐只需$18，因為轉咸豆漿，所以埋單$21，其實個人覺得都算抵食同埋算有質素，因為店舖開左好多年了，有機會大家都可以試下啦

叙福樓海鮮酒家 (天水圍)

今日五一勞動節假期，好耐無飲茶，順便慶祝蝦子餅生日，所以特意到敍福樓飲茶。一到門口，可能假期關係好多人等位，好彩我地都係等左5分鐘左右就已經有位喇，Lucky~~~~~我地兩個人點了以下點心：

川汁牛孖筋：略嫌味道欠缺香濃



瑤柱節瓜甫：節瓜好腍身，吸左好多上湯，正~~~~



潮州糯米卷：味道OK



山竹牛肉球 : 大大粒，牛肉味好香，配喼汁一流



北菇棉花雞 : 味道OK



煎薄罉 : 超香口，我自己就點芝麻醬食，正~~~~~



瑤柱灌湯餃 ：味道OK



蟹皇蒸燒賣 : 好好食




雖然呢間酒樓大多時間要與其他茶客搭檯，某些位置比較逼，不過點心整體都好好食，亦好多人幫襯，值得一試^^~~~

滾得棧 (深井)

一直留意Openrice深井區為食情報，發現“滾得棧”既食評一致好評，所以咁難得有朋友揸車，梗係要試下啦，最方便既地方就係附近有免費代客泊車

湯底方面，我地揀左秘製沙嗲湯底+胡椒豬肚湯底，味道都幾好，個沙嗲湯底真係好香，不過豬肚湯底比較淡




手切牛頸脊肉：味道一流，一定要試



手打蝦滑：肉料足，仲見到一粒粒蝦肉，好爽口



手打墨魚滑：好正~~~~~



鮮蝦雲吞：用料好足，接近有成隻蝦既饀



三秒腐皮：必食之選，唔似出面食個d有陣油膩味
蘿蔔：好鮮甜，無渣
皇帝菜：ok



豬肉青：ok



聖子：大隻及爽口，剛好做promote,買三隻送一隻，要$130左右，貴左少少




整體黎講，滾得棧以深井區黎講交通都算方便，材料都好新鮮，環境都算坐得舒服，價錢都算Ok,不過如此豬肚湯濃番少少就更好