平成二十二日本料理 (尖沙咀)

難得好友從加拿大回港探親，佢又話想食日本菜，聽其他朋友仔講親戚試過呢間都幾好食，所以預先訂定位

入到裡面，就聞到一陣好似海水既咸味，感覺好奇怪，真係好唔習慣 ，坐位安排都算舒服，四人以上仲有免費火煱供應及海膽一份，啤酒汽水以自助形式自取，飲邊樣攞邊樣，都唔錯

刺身方面，都幾新鮮，每塊size都厚切俾你，正 炸物方面，味道好普通，無咩特別，天婦羅蝦個份就硬身左d,芝士年糕個份好厚，無咩芝士味火煱方面，湯底應該係清水，無咩味道 ，同白灼完全無分別，好失望壽司方面，蛋壽司好好食，值得一讚 ，其他就好普通，同爭X壽司完全無分別薑燒豬豚肉及鹽燒牛舌：味道唔錯炸豆腐：好好食整體黎講，以每人$208+10%價錢黎講其實我覺得唔值，其一食物種類無咩款揀，出面旺角好普通既日式放題食物選擇都多過佢，其二完全接受唔到火煱湯底完全無味，d料亦超普通，以呢個價錢，我出面散叫都差唔多價錢，所以抱歉真係無下次

泰和 (馬鞍山)

咁大個女都未去過馬鞍山及坐馬鐵，但同事極力推介馬鞍山大水坑村內有間泰菜質素平靚正， 咁梗係要試下啦 。響大水坑站落車，只要跟馬鐵指示牌去，過左露天停車場就見到間餐廳，好容易搵，而間店舖本身係一間村屋，所以地方比較細，但見到好多熟客幫襯，所以非常期待，而我地六個大人就點左以下菜式：

生蝦刺身：蝦Size俾正常泰式餐廳大及爽口，味道亦好新鮮，個酸辣汁好正，不過同事話一定要預先訂，否則未必有得食，所以大家一定要試
咖哩炒蟹：個咖喱汁好香濃，用料十足，撈飯一流泰式無骨鳳爪：雖然比較細碟，味道好香，夠入味泰式冬陰公湯： 夠晒香辣，大蝦都有幾隻，好正泰式明爐魚：條魚好大條，好好食 馬拉盞炒雜菜：味道ok 咖哩茄子雞肉：另一撈飯選擇
泰式雜錦併盤：味道 ok 泰式炒金邊粉：味道夠，用料足，夠乾身好好食泰式生菜包：夠晒香辣，好好食當晚我地真係食得好滿足，食唔晒仲打包 ，埋單每人唔駛$140，以呢個價錢及質素絕對超值，希望大家有機會一定要試

喜來稀肉 (尖沙咀)

等左成個月，終於等到今日，為左試呢間韓燒，不惜同朋友千辛萬苦，含辛茹苦咁親身到餐廳訂位，不過一切都好值得

一到門口，真係超多人等位，上到二樓，地方寬敞，爐板亦係度身訂製，中間位置用來燒肉，旁邊有三個空位，分別放蒜頭，原味蛋漿及泡菜蛋漿，整體氣氛好有韓國feel, 所以成個人好輕鬆及毫無拘束。坐低時，侍應會放低泡菜，生菜及牛骨海帶湯，泡菜真係好正~~~最終我地三個女仔點左以下菜式：
護心肉：肉好鮮嫩，好香，一定要食 特製醬汁五花肉 ：燒完後仍然好Juicy,超好食豬皮：燒完之後，要點黃豆粉食，個味都幾得意 豬大腸：超香脆，好好食 雞排骨：味道OK
石頭窩飯 : 個窩夠熱，所以內有飯焦，加埋韓式辣醬，正~~~~~ 韓式炒年糕：好香，好好食整體黎講,環境好relax,仲會有部份韓籍侍應招呼你,服務都好好.雖然限食一個半鐘,但佢地上菜快,加上泡菜蛋漿等都可以refill,所以食落唔油膩,一定會再Encore~~~~~

New York Cafe & Bar (元朗)

原本約左朋友及保險Agent食飯，但由於朋友突然入院留醫，最終改為同老公二人世界，老公知我一直都想試New York Cafe & Bar，但無奈試過walk in等位等太耐，最終被逼放棄，所以今次特意Lunch time打電話去訂位，職員話只可食個半鐘，對於我倆問題唔大，最緊要有得食^^

入到餐廳，地方唔算太逼，未點菜侍應已好熟練咁放低麵包條及醬汁，個醬汁好好食，最終我地叫左兩個Set：雜扒（揀左牛柳及吞拿魚）及BBQ醬燒豬仔骨，另外散叫炸魷魚圈

先講炸魷魚圈，真係超好食，粉薄魷魚腍身，好容易用刀切開，配埋醬汁一流 雜扒（揀左牛柳及吞拿魚）方面，牛柳肉味好香濃，配埋個醬汁好正，而我本身對吞拿魚麻麻，佢既做法類似刺身，因為裡面是生既，上面放滿Wasabi, 應該因為食材新鮮關係，故食落唔太腥BBQ醬燒豬仔骨份量好大份，大到連鄰座客人望到都忍唔住“嘩”一聲，重點佢唔似一般餐廳燒到好乾 ，佢好Juicy及好易切開，個炸薯角亦應該以新鮮薯仔而製，所以外脆內軟，值得一讚餐飲方面，我地梗係點佢最出名既凍朱古力，真係超香濃及Creamy,一定要試

整體黎講，以埋單每位$190左右黎講，其實價錢算係抵食，雖然佢只收現金，但係佢免收加一服務，加上食物質素及材料好，難怪咁多年來Keep住咁多客幫襯啦

必勝客 (元朗)

今日放假，特意約埋姑奶&奶奶去食飯，奶奶話好耐無食Pizza Hut, 加上出左芝士七重奏，正合晒奶奶心意，所以就決定一試

我地四個叫左以下食品，包括

Manhattan信用卡二人套餐
菠蘿煙燻豬肉芝士七重奏pizza ： 芝士味超香濃，配埋菠蘿簡直係一絕，愛好芝士既人一定不能錯過^^
焗白汁煙肉薯蓉：味道OK 意大利沙律: 味道一般，個汁好似酸左d白汁火腿磨菇寬條麵: 好好食兩個湯+兩杯飲品 另半價加以下兩種食品：
葡汁焗蔬菜：好香濃，正炸雞條配薯條： 味道OK 散叫：
意大利香草烤雞半隻 :好重美極醬油味，不過隻雞都幾滑 辣味雞翼：必叫之選 整體黎講環境舒適，不過可能人手唔夠關係，雖然客人數量唔多，但侍應一直都手忙腳亂，不過物超所值，因為套餐汽水任飲，加上有信用卡優惠，埋單每人$130左右，正