Yui Tsukimura 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-04-15
難得好友從加拿大回港探親,佢又話想食日本菜,聽其他朋友仔講親戚試過呢間都幾好食,所以預先訂定位 入到裡面,就聞到一陣好似海水既咸味,感覺好奇怪,真係好唔習慣 ,坐位安排都算舒服,四人以上仲有免費火煱供應及海膽一份,啤酒汽水以自助形式自取,飲邊樣攞邊樣,都唔錯 刺身方面,都幾新鮮,每塊size都厚切俾你,正
評分: 味道 2 環境 2 服務 2 衛生 2 抵食 2
2014-04-10
咁大個女都未去過馬鞍山及坐馬鐵,但同事極力推介馬鞍山大水坑村內有間泰菜質素平靚正, 咁梗係要試下啦 。響大水坑站落車,只要跟馬鐵指示牌去,過左露天停車場就見到間餐廳,好容易搵,而間店舖本身係一間村屋,所以地方比較細,但見到好多熟客幫襯,所以非常期待,而我地六個大人就點左以下菜式: 生蝦刺身:蝦Size俾正常泰式餐廳大及爽口,味道亦好新鮮,個酸辣汁好正,不過同事話一定要預先訂,否則未必有得食,所以大家一定要試 咖哩炒蟹:個咖喱汁好香濃,用料十足,撈飯一流 泰式雜錦併盤:味道 ok 推介美食: 生蝦刺身,咖哩粉蟹,泰式明爐魚,泰式冬蟹公湯
評分: 味道 5 環境 3 服務 4 衛生 4 抵食 5
2014-03-19
等左成個月,終於等到今日,為左試呢間韓燒,不惜同朋友千辛萬苦,含辛茹苦咁親身到餐廳訂位,不過一切都好值得 一到門口,真係超多人等位,上到二樓,地方寬敞,爐板亦係度身訂製,中間位置用來燒肉,旁邊有三個空位,分別放蒜頭,原味蛋漿及泡菜蛋漿, 護心肉:肉好鮮嫩,好香,一定要食 石頭窩飯 : 個窩夠熱,所以內有飯焦,加埋韓式辣醬,正~~~~~
評分: 味道 5 環境 5 服務 5 衛生 5 抵食 5
2014-03-13
原本約左朋友及保險Agent食飯,但由於朋友突然入院留醫,最終改為同老公二人世界,老公知我一直都想試New York Cafe & Bar,但無奈試過walk in等位等太耐,最終被逼放棄,所以今次特意Lunch time打電話去訂位,職員話只可食個半鐘,對於我倆問題唔大,最緊要有得食^^ 入到餐廳,地方唔算太逼,未點菜侍應已好熟練咁放低麵包條及醬汁,個醬汁好好食,最終我地叫左兩個Set:雜扒(揀左牛柳及吞拿魚)及BBQ醬燒豬仔骨,另外散叫炸魷魚圈 先講炸魷魚圈,真係超好食,粉薄魷魚腍身,好容易用刀切開,配埋醬汁一流 整體黎講,以埋單每位$190左右黎講,其實價錢算係抵食,雖然佢只收現金,但係佢免收加一服務,加上食物質素及材料好,難怪咁多年來Keep住咁多客幫襯啦 推介美食: 凍朱古力,BBQ醬燒豬肋骨
評分: 味道 5 環境 4 服務 4 衛生 4 抵食 4
2014-03-07
今日放假,特意約埋姑奶&奶奶去食飯,奶奶話好耐無食Pizza Hut, 加上出左芝士七重奏,正合晒奶奶心意,所以就決定一試 我地四個叫左以下食品,包括 Manhattan信用卡二人套餐 菠蘿煙燻豬肉芝士七重奏pizza : 芝士味超香濃,配埋菠蘿簡直係一絕,愛好芝士既人一定不能錯過^^ 焗白汁煙肉薯蓉:味道OK 葡汁焗蔬菜:好香濃,正 意大利香草烤雞半隻 :好重美極醬油味,不過隻雞都幾滑 推介美食: 辣味雞翼,菠蘿煙燻豬肉芝士七重奏pizza
評分: 味道 4 環境 4 服務 3 衛生 4 抵食 5
|