HungrySheep 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-08-30
與朋友相聚, 朋友提議食泰菜. 由於去九龍城太遠, 最後選址位於尖咀既cambo. 一行3人order左以下食物share食: 泰式拼盤(細) - 每款食物都有3件(共有4款, 有魚餅/蝦餅/雞...), 3個人岩岩好. 食物呢, 炸野就真係好少話差ge, 除非凍/唔熟...依個算滿意啦, 係d魚餅辣左d 串燒沙爹半打(雞、牛、豬各2條) - 全晚最唔得依個, d肉唔好食又有d怪味咁, 個沙o爹醬好味都補唔返! 青咖哩軟殼蟹(配法包) - 之前我未試過青咖哩所以特登試下, 但淡得黎味道亦都麻麻地..入面有少少豆同唔知菜...全部無味的..法包亦都只屬一般...軟殼蟹反宜好少少, 炸得透, 味道又ok(點咖哩) 炒芥蘭 - 做得最好係依個, d菜幾靚, 又炒得惹味 最後加多3碗飯, $362埋單(連加一). 其實食物水準真係好一般, 唔值依個價.
評分: 味道 2 環境 4 服務 2 衛生 4 抵食 2
2013-08-12
V City岩岩開幕, 同朋友們黎到湊一湊熱鬧. 由於太多人, 附近所有食肆都全部爆滿, 牛角更要等過百張台.咁依間就相對上少人, 睇過MENU, D野食都好似幾吸引咁, 最後就入左黎啦. 由於佢地新開張, 佢地D野好似都未READY咁, 本身想試青咖哩同小食拼盤都無... 最後點左: 咖哩牛腩 - D牛腩好un...curry又麻麻地...差 鮑魚豬頸肉炒飯 - 超一般 食物真係非常麻麻, 雖然環境/服務都ok, 價錢亦都唔貴, 不過唔會encore.
評分: 味道 1 環境 3 服務 3 衛生 3 抵食 3
2013-08-06
食完晚飯, 想搵地方食甜品, 知依度有得坐, 就黎左依度食蛋糕. 唔知係咪因為佢地唔記得左, d蛋糕等左好耐先黎(明明一拎就係). 咁我唔太趕, ok既. 蛋糕一上, 嘩, 佢個蛋糕櫃塊玻璃都幾勁, 比之前睇細件左好多 ! (雖然一般都係彎彎地, 等人睇落大件d, 但通常個size都唔會差咁遠) 咁其實蛋糕味算ok ge...不過如果take away, 我唔覺值$30依個價. 最後令人最火既事出場啦!!! 我知佢地關門前要清潔, 佢地掃下掃下都算啦, 但竟然仲係度倒垃圾 !!!我係旁邊食緊蛋糕, 佢地就係度倒垃圾!!! 有陣垃圾味, 超級唔衛生之餘仲令人反胃! 其實如果佢地係咁趕清潔, 不如早d同我講佢地夠鐘關門, 唔做生意啦. 經過依次之後, 我以後都唔會再去!!
評分: 味道 3 環境 1 服務 1 衛生 1 抵食 1
|