喜客比薩 (沙田)

見間野咁多人~就同friend去食左個lunch~
我地一人叫左個set lunch
我地都好滿意個pizza同個蜜汁豬肋骨~
食得多pizza hut~試下呢間都係一個不錯既選擇~
呢個pizza是有矮瓜的~幾特別~味道ok唔錯~~
個蜜汁豬肋骨都好吸引~好好味~
估唔到咁大份~~2個share都夠食~
我地仲要叫左2碟~~~~食哂之後真係好飽~
至於D小食哩~~~
個炸蝦好正!!!好蝦!!同出面食既好唔同~
至於個芝士焗茄子~~都OK~不過都幾油下ga~
個雜菌就普通左d~
overall~3個人share3個餐~每人只是58元~~
食到咁豐富~~都唔錯呀~~
下次我會考慮試下佢其他pizza~

Oliver's Super Sandwiches (九龍灣)

聖誕節去同男友去左試super sandwich個2人set dinner~(around $120)
我地choose左肉醬意粉同白汁三文魚扁意粉~
另外每人都跟一個so皮龍蝦湯同埋軟心朱古力蛋糕+柚子蜜一杯~
肉醬意粉普通左d~白汁三文魚扁意粉唔錯~幾鐘意佢個汁~唔似一般既白汁咁~幾香~
至於個龍蝦湯~~~太濃了~~有d咸~
個軟心朱古力蛋糕好正~真係暖的~係成個餐既highlight~杯柚子蜜ok la~

金龍堡 (屯門)

呢幾年叫外賣.. 但原來屋企樓下嘅外賣一直被我忽略。最近經過金龍堡..係外面望下menu有咩早餐食，然後該店的一位年長的姨姨好熱情好親切咁同我介紹。我問佢50蚊埋唔埋到單（因當時身上只有50蚊）佢話邊洗50蚊咁貴呀。入嚟食啦😆我問完都覺得自己傻左lol...反正住左係度咁多年都未係度食過野..而我都承認我都幾睇門面同裝修...不過而家人大左就無咁膚淺..好吧，就比個機會大家啦。

入到去睇下個早餐牌..d配搭和食物款式都幾特別。不過由於最近愛上食沙dad牛肉麵就叫左A餐轉出前一丁。沙嗲湯底幾濃牛肉都幾好，茶左牛油嘅三文字一睇都知軟熟（雖然賣相一般），因為我怕熱氣所以唔烘底我都ok..奄列都ok丫。最後埋單當然50蚊有找係食野嘅時候我不忘留意店家嘅動態..感受到一般市區餐廳感受不到的街坊情和人情味。




自從食過佢嘅早餐，就不期然會想試埋佢嘅午餐好耐無試過打電話叫外賣了。。然後不到15分鐘門鈴就嚮了..快到嚇了我一跳。我仲話咁快手嘅送外賣的是白頭髮的伯伯，當時我要花時間拎錢，佢好好人咁叫我慢慢唔洗急..當然我是不敢怠慢要他等。今次我叫了乾炒牛河和豆腐班腩炒麵，盛惠103蚊。好抵呀！如果叫外賣平台都唔止呢個價錢，而且仲要係即整。送到來都十分熱的。乾炒牛河好有鑊氣。係好食的不過就油左d...豆腐斑腩係我嘅最愛，好好味！個炒麵更係令人百吃不厭。。因為我之後都有再encore😆個炒麵係炸過的..雖然佢唔係全部都脆卜卜...有d更係被汁沾濕了，但都好好食..咁咪仲無咁熱氣囉🤣

之後幾次再叫外賣時已由膠盒轉左做發泡膠盒。感覺好似再大份d🤔同埋幾時都係咁足料，份量好多㗎！我絕對係豆腐班腩嘅fans..食極都唔厭😂涼瓜牛肉係我嘅第2最愛，涼瓜甘得來又有口感。佢嘅鼓汁整得好好味配炒麵都好夾。


然後呢個係落去自取的。粟米班腩飯係特價餐40蚊咋。雖然個汁唔算係好出色但對得起呢個價錢。

呢幾次嘅飲食經驗令我反思平時嘅我經常被美觀嘅包裝迷惑，未試過就覺得佢一定唔好食。而且老店可以係村內生存咁耐一定有佢嘅意義同原因。下次我會再試下佢炒麵和班腩以外嘅美食，龍門居嘅街坊都試下啦😊（好耐無試過打咁長嘅食評，因為我想呢間餐廳被世人看見😜)或者可能我係井底之蛙，大家都試過哂😂

鴻桃酒家 (尖沙咀)

趁住仲有火，快D打左呢篇食評先
等位方面都算OK, BOOK左枱都即刻有位~
食物方面, 叫左蝦餃, 牛肉,  燒賣, 鳳爪, 蝦角OK唔錯~
上到來時都仲算熱, 上菜都OK快
不過碟牛腸就林BB, 好難夾得起, 質感味道方面都比好多酒樓差
至於紅油餃子一D都唔辣, D皮都厚厚地
咸魚雞粒炒飯就無咩味道, 除非你咬中左舊咸魚啦~.~
綠豆沙都好足料~幾好味~唔係得個甜字果D
食物方面都算OK啦,不過D部長就....
由於我地張枱已有碟辣椒油, 我同事想要辣椒醬
於是叫左個女部長比碟辣椒醬我地啦
個女部長就望住我地碟辣椒油問我地要咩辣椒醬
當時我心想...咩你有好多辣椒醬既咩?
我同事就指住碟辣椒油同佢講, 呢碟係辣椒油, 我想要碟辣椒醬
點知最後個部長拎左另一碟(應該是第個牌子)的辣椒油比我地lol...
估唔到一個部長竟然唔識分辣椒油同辣椒醬...真係無言,,,

之後, 由於點心有8折, 埋單時我地再問多次個戴粗框眼鏡,
瘦身材的中年男部長係咪已經打左8折
點知佢以十分不屑的眼神望住我地話"折左"
嘩!只係問有冇打折而已, 就已經睇唔起我地咁,
覺得我地比唔起, 計住計住~
可能佢呢間酒樓serve得豪爽的大陸人多, 
睇唔起我地呢d香港市民
就係佢呢一個不屑眼神, 我地下次唔會再黎呢度食, 
就算食物幾好都冇用, 今時今日咁既服務態度係我地香港人身上係唔work的!

HeyYO!! (屯門)

係市中心行街, 經過呢間店時忍唔住駐足觀看,
睇下有咩正野食!
佢比PPG多左D杯裝甜品~好似幾得意咁
不過今日行到好熱...可能岩岩血拼完XDD
最後決定食HeyYO!!!乳酪!
平時都係食開第間, 呢間都係第一次試
當比面ppg試下啦~~反正有位坐係度食~
仲有大電視睇~~正~!!
估唔到YOGURT都有唔少味道揀!
不過我都係like原味多d~~
喜歡佢既質感, 唔會太林, 而且味道岩岩好, 唔會好甜, 岩哂淡口味的朋友^^
下次經過一定會再試
如果玩埋佢fb個game,拎到佢張半價coupon再食多次就仲正~xd