Izote Restaurante Mexicano & Bar (中環)

上次去Ole食晏, 埋單時個經理畀咗張Izote既咭片我,話係佢哋新開的Mexican餐廳, 今日約埋3個同事一齊去試新嘢。

裝修不錯, D枱隔得開, 坐得舒服(中午時份都得好少人)

Set lunch同Ole既形式一樣: soup/salad + main course + dessert + tea/coffee $128+10% 全部都可以係佢哋平時個menu度揀

點解個menu同Ole個咁似, 都有seafood salad都埋seafood soup...

Appetizer係D脆脆粟米餅同埋三種sauce, 其中一種好辣, 我食咗一啖已經食唔到..

Seafood salad : 除咗olive oil要自己加之外, 同ole的一樣
Sefood soup: 同事話除咗有D辣之外, 同ole的一樣味, 連個碗同碟都一樣=.=
Fillet steak : 幾有牛味, 唔錯, 伴碟D粟米幾好食
Sirloin steak: 同事話都唔錯
Sole fish: 同事話好食
Chocolate&vanilla pudding: 我覺得甜咗D
Tiramisu (mexican style): 哈哈, 個樣好mexican, 上面有D紅紅綠綠的糖粉, 但我諗都係同ole的一樣味道
Strawberry icecream: 同事話係Hagen-Dazs

D嘢食其實都唔錯既, set lunch價錢又平過Ole, 但好似Ole的口味啱我D, 如果想食ole又book唔到, 我會嚟E間

潮庭 (金鐘)

今日約咗三個舊同事食晏...

滷水鵝拼海蜇: 滷水鵝好一般, 但朋友就話好好食(可能因為我屋企係潮州人?), 海蜇OK啦, 淋咗D, 唔爽口
太極炒飯: 好味, 炒飯乾身
煎筍粿: 個皮煎到脆脆地, 香口, 個涵唔似係筍喎..
蝦餃: 幾好食
仲有一個好似叫乜乜四蔬(有雲腿): 都可以啦, 塊雲腿幾好食
水晶包:　我冇食到, 見個皮好似好煙靱..
芒果蘆薈果凍: 好好味, 清清甜甜, 唯一係面頭嗰D好似麥提芯個心的粒粒同個果凍D味好唔夾

間嘢D裝修都幾靚, 一D都唔似一間潮式酒樓, 如果要坐得舒服咁都可以, 不過我都係中意樓下紫玉蘭多D!

火間土 (尖沙咀)

同朋友慶祝生日, 三人叫咗好多嘢食:

三杯飲品- 一杯芒果乜乜, 一杯梳打特飲, 我要咗草莓奶昔, ok啦!
海鮮Pizza - 細細個, 不會太滯, 味道可以
刺身($450嗰種) - 新鮮, toro油脂豐腴, 回味
燒三文魚頭- OK, 但好似比平時食開略細, 如果佢地有油甘魚頭就更好!
海胆三文魚卷- 幾好食啦
吞拿魚腩飯- 我最鍾意, 不過太飽, 都食唔哂
原味&芝麻豆腐- 兩隻都冇味, 唔好食
串燒冬菇- 我明明叫燒冬菇, 唔知點解變咗吉烈冬菇, 好難食!

我去過深圳嗰間火間土, 質素同香港的一樣, 但價錢平一半, 所以如果冇乜特別事都唔會再去呢間(不過如果有人請咁就唔同!)。要請埋壽星女, 每人要成$500, 好肉痛呀!

囍宴 甜‧艺 (灣仔)

幫襯過GOD嗰間, 同事話間間分店個menu都唔一樣, 係唔係就不得而知了...

同事farewell, 一行8人去咗呢度lunch:

大肚婆炒飯: 太咸
口水雞: 好味, 夠辣, 但墊底o既粉皮切細塊d會好好多
凍豆腐x 2: 滑, 個汁酸酸地好醒胃
燻蛋x 4: 一般般
担担湯麵x 2: 同平時食開o既唔同味, 酸酸地但又幾好味喎
外婆牛肉: ok
炭燒豬頸肉: 我唔食, 但d同事話好爽
子薑皮蛋: ok
紅油抄手x 2: ok, 唔太辣
上湯雙翠: 個豆苗同冬瓜都好食
梅子軟殼蟹:香口, 個汁都好味, 但搶哂味
蒜香菠菜: 一般(可能因為我唔中意食菠菜)

另外叫了各式飲品同甜品, 我自己叫咗熱杭菊蜜同酒釀荔枝雪糕。菊蜜清清甜甜, 酒釀荔枝雪糕我在GOD分店已經試過都要再食, 就知唔差得去邊啦!

雖然呢餐好似有D貴, 但我哋好多餸都有encore, 而且每人都係捧住肚走。我見佢哋個set lunch 都好似唔錯, 會搵日再唻試下!

Freshness Burger (銅鑼灣)

今日中午有D事要到銅鑼灣, 順便試下

店面還可, 中午時份都冇坐滿, 外賣亦唔多, 但好明顯人手不足, 只有一個Cashier, 同一個樓面, 兩個人有D手忙脚亂, 但都好有禮貌同有效率, 特別係樓面個男仔好快手!讚!

本來想坐角落的BAR枱, 但行到埋去一陣異味...都係坐出D算

Classic cheese burger - beef patty好juicy, 應該係即刻整所以熱辣辣好味道, 蔬菜新鮮! 份量比mos burger大, 比shake'em bun同triple O細, 女仔食完都應該飽哂, size剛好不會好似shake'em bun同triple O咁食到"leh咁hea"..

薯格- OK, 但本身冇味道, 只靠茄汁, KFC好D

Pepsi light - 好彩冇叫粟米湯, 唔係實飽死

其實如果得一個女仔可以唔洗叫餐, 我完全食唔哂