無飯OL 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-07-18
之前經過幾次都已經好想試下,尋晚終於試到! 因為一個人怕食唔哂, 只係食咗大高湯陽春麵同溏心蛋。 一見到個麵, 奶白色的湯, 忍唔住即刻要飲返啖! 根本就係翅湯嚟! 食得出無味精! 麵上有D金華火腿絲, 令到成碗麵有少少咸香, 生色不少。但係個麵就略為平淡咗D, 無咩特別, 如果係煙靭的手工拉麵會更好, 比較掛湯。但最後我都成碗連湯食哂! 至於溏心蛋, 睇落好好味, 但係因為個人不喜歡太重酒味, 所以我麻麻地鐘意食。 推介美食: 大高湯
評分: 味道 4 環境 4 服務 4 衛生 4 抵食 3
2008-07-02
今日有人請食飯, 唔客氣地叫咗要200大洋的海鮮魚生飯。 點知一等等了7個字! 等到第4個字時催個經理, 我哋都未講完個經理就話:「唻緊架啦!」, 咁好啦, 又再等...第5個字畀咗碗麵豉湯我哋, 塞住我哋把口。 終於個飯來了, 賣相幾靚, 各樣嘢都新鮮, 但搵勻成個碗都見唔到其他食評話有的帶子, 而唯一的一塊toro是爛熔熔的, 好似切剩D頭頭尾尾比我咁... 成$200都唔係話平吖, 如果唔係有人請我係唔會再去囉!
評分: 味道 4 環境 4 服務 2 衛生 4 抵食 2
2008-07-02
除咗set menu外, 原來所有在a-la-carte menu內o既嘢食都可以+$20轉餐架! 湯: 我以為會係蘑菇湯(因為次次在Cafe Eos餐湯都係蘑菇湯, 而個waitress又冇問我), 點知唻到o既係粟米忌廉湯, 好淡, 落咗好多胡椒粉都冇味 蒜蓉包: 脆但唔夠熱, 冇乜蒜蓉牛油味 乾蕃茄煙鴨胸欖油天使麵: 唔錯唔錯不過都係淡咗D, 但食咗成碟都唔見有乾蕃茄呀? 只有車厘茄... Americana pizza: 一上枱已經即刻食, 唔記得影相, 熱辣辣好吸引, 批底又薄又脆, 不過又咸咗少少... 咖啡: 一般貨色, 冇乜特別 凍檸茶: 斟得太滿同太多冰了, 我要飲了好多啖「苦」茶先可以加到糖水同埋篤檸檬時唔會飛D冰出唻。 PS 通風不良, 好似食完韓燒咁返屋企...
評分: 味道 4 環境 2 服務 4 衛生 4 抵食 3
|