無飯OL 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2008-05-26
尖沙咀雖然好似好多嘢食, 但weekend 多數要等位, 其實都冇乜選擇, 行嚟行去都唔知食乜好, 在樓下睇過呢間的menu後, 決定一試。 星期六晚差唔多9點, 差唔多坐滿, 但唔洗等位, 環境都算不錯, 不會太嘈。但似乎人手唔多夠, 個個waiter都好忙... 蒜茸牛油雞翼:麻麻哋, 好似咸咗D 咸魚炒芥蘭K啦, 冇乜特別 炒金邊粉: 我冇食過, 我個friend話OK 生熟牛河: 我個friend唔食牛, 我一個人食哂一碗, 河粉好幼、煙煙靱靱, 我對D牛肉冇乜印象, 應該普普通通, 個湯都幾好味, 食完冇口渴, 但係好似太濃了一點 (越南的牛河湯底正宗應該係清??) 整體嚟講, 呢餐係偏咸, 本來見佢哋D嘢飲要成廿幾蚊杯都唔諗住嗌, 結果太咸了, 我哋分別叫咗凍檸七同滴餾咖啡, 我個friend話咖啡好味, 但隻杯只有七成滿, 好似唔抵咗!
評分: 味道 3 環境 4 服務 4 衛生 4 抵食 3
2008-05-13
今日約朋友喺我哋最中意的Ole食晏, 本來諗住食我最中意的乳豬, 但外藉經理話今日冇, 我用廣東話同我朋友講「吓, 點解會冇架, 次次嚟都食, 從來未試過冇架喎!」點知個經理識聽 (定係我個表情好失望?), 即刻解釋話因為剛過完Long weekend佢哋攞唔到乳豬, 所以今日暫停... 唔緊要啦, 我同個Friend決定share 西班牙海鮮飯。 Appetizer: 肉丸, 薯仔沙律同麵包都好味 Seafood salad: 有蝦, 蜆, 蕃茄, olive, 菜....雖然份量太大同落太多檻欖油呢兩樣已經改善咗好多, 但我覺得仍然太多油了 Seafood cream soup: 朋友的, 我覺得都唔錯, 不過想食多D菜 Spanish seafood rice: 同在spain食到的水準一樣, D飯煙靭有咬口 tiramisu: 高水準 main course都已經食唔哂, 仲要食甜品, 每次都捧腹而回。好滿足的午餐! 推介美食: suckling pig, spanish seafood rice
評分: 味道 5 環境 5 服務 5 衛生 5 抵食 4
2008-05-13
星期六返屋企陪亞爸亞媽食飯, 費事要亞媽煮, 一家人去咗我哋的家庭飯堂 呢間嘢一到夜晚就鬼咁旺, 星期六日晚遲D去要等位添呀~唔齊人又唔畀入, 非常巴閉 當日食咗: 椒鹽九肚魚: 賣飛佛! 炸得啱啱好, 入面好滑 蠔仔莧菜煲: 唔太中意食莧菜, 但佢哋唔畀轉第二種菜 金銀蛋白菜仔: ok, 係d皮蛋唔係咁靚 賽螃蟹: 好好食!!! xo醬炒花枝: 夠鑊氣 乜乜水晶雞: 我哋以為水晶雞係類似白切雞的東西, 應該會好快, 點知以上所有都食完啦, 隻雞都仲未嚟! 催佢, 又話蒸緊...蒸??!! 終於嚟到, 先明白點解叫水晶雞, 因為真係「水蒸」雞! 面頭有幾舊絲瓜, d雞就好似沙薑雞的味道, 講真, 唔係太差o既, 不過真係等好耐囉! 總括嚟講, 佢哋d菜式冇乜特別, 但就幾抵食, 同埋似係大排檔的出品, 所以如果屋企冇煮飯, 都只會諗起呢度~ (but, 真係好多人, 我哋嗰晚6個人坐4人枱!) 推介美食: 椒鹽九肚魚
評分: 味道 4 環境 1 服務 1 衛生 3 抵食 5
|