青洲劉記美食 (青洲)

這兒有咩好 ? 豬扒包是也 !　什麼 X 利 ... 行埋一邊 ! 當然你只食佢就緊係唔知咩叫豬扒包 , 咩叫做超班 ? 唔信 ? 你問下澳門本地人佢地會去邊度食豬扒包 , 此店一定是坐銀望金啦 .... 哈哈 !
你問我 D 豬扒點好食法 ? 豬扒最緊要夠入味 , 夠鬆化 , 煎得夠香 , 同夠大塊啦 .....
當然仲要加埋一個包個皮要又香又脆的 , 要夠大個 , 醬汁要令整個包 juice 的 ..... 死 , 流口水 tim !
嗱 ! 山長水遠 , 無野由去 D 甘的地方食一個豬扒包架 ?! 放心 ..... 你的努力是不會白費的 ..... , 車錢也不會白花 , 呵呵 !
仲有咩好食呢 ? 本地人都話 D 白魚蛋 good 喎 ! 手打爐魚球好新鮮且彈牙 ! 咖哩牛筋腩正 ! 波蘿油 , 咖哩雞 出色 ! 當然主打是豬扒包啦 !!!!
有個壞消息要提供 , 果度無冷氣的 , 鐵皮屋 ..... ( 喂 ! 呢 D 咪叫高人囉 ) , 唔好睇少佢 , 那兒早餐很多本地人食架 , 你知仲要係小學附近 .... 你話好唔好生意呢 ? 不過來旅遊的 , 最好都係下午四五點先去啦 !
營業時間 : 7:30 - 18:00

三可麵包公司 (新馬路)

你去澳門買手信 , 通常來來去去都係鉅記 , 咀香園 等 ! 其實以上的店價錢一來較貴 , 二來係人都係買果 D , 無咩特色囉 .....
你其實可以試下這間老字號的店 , 他都有幾多種類的手信可供選擇 , 金錢餅 , 老婆餅 , 雞蛋餅 , 杏仁餅 , 芝麻餅 , 雞仔餅 , 芝士餅 ..... 全部都一包包 , 價錢都係 $15 - 30 不等 。當然送禮就最好加 $3-5 有個好懷舊特色的硬紙盒 , 保證收的人喜出望外 !
至於味道方面 , 小弟全都試過晒 .... , 上次我所有野都留左一盒比自已 ..... 哈哈 !
味道當然中上啦 , 當然有些別人的主打野一定比唔上 , 如金錢餅 ..... 不過唔緊要啦 , 沒有比較絕對是分不出的 , 呵呵 !
由於地方較難找 , 不是太多客人, 所以專人服務 ..... 甘當然服務周到啦 !!
衛生方面 , 地方很乾淨 , 所以都幾有信心 !!!

非洲村燒烤樂園餐廳 (宋玉生廣場(皇朝))

環境地方真的很好 , 真的有情調。 食物種類不多, 以肉類為主 , 大部份都是燒烤食物 , 三文魚都很鮮 , 厚而肥大 , 很好味 !

招待不錯 ~ d 廚師比野食我時都好好服務 , 仲\識講笑 !

只會去一次就夠 , 因為食物類型不多 !

浪花日式燒肉 (宋玉生廣場(皇朝))

這間餐廳食的東西就比較貴 , 基本上 2 人組餐係連 2 個女仔都食唔飽~2人組餐係有碟得好少肉 , 同埋雜雜的東東 。另叫一碟牛舌都要MOP8X以上,但份量就不多, 2 個人基本一人4 件就食完 。 但比較特別有其他外的特色的牛肉,味道口感不錯..... 都幾好食 , 食得出唔會係差既肉 !
FOR DINNER就每人平均MOP200左右
總結 : 野食味道一般,不過質量都ok..不過好鬼貴, 份量超少

李家韓國燒烤館 (宋玉生廣場(皇朝))

這間店好有 family feel , 服務又好 , 佢會幫你打點一切, 又會敎你點食 , 我兩次都係食佢果個二人套餐，要$250。有豬、有牛、雞，豆豉湯同好多前菜。佢地通常都唔suggest我地自己燒 , 怕俾d油彈到 , 所以食完都唔多覺有油煙味 ! 整髒味道不錯 , 我最欣賞佢地唔加一又唔多收貼士,d 零頭都找番俾你 , 真係唔係間間做到。

** D 前菜很好味有成6 -8碟, 重有碟大大碟既泡菜, 一d都唔會俾d辣味工住 , 最重要的是可以 refill 的 !!!