帶着哨子跑步的人 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-02-24
老公生日, 又有借口大吃一餐. 在OPENRICE 的地圖點來點去, 決定試下呢間剛開業的餐廳. 由石板街行上到中環警署, 枱頭望左手面, 便會看見餐廳的招牌. 星期五的晚上, 顧客很多, 有點嘈吵, 餐廳開著強勁音樂把它嘈音蓋過. 第一次來, 當然係乜都試吓-TASTING MENU : 推介美食: 1.Crab with Avocado Salsa and Lemongrass Gazpacho,2.Pigeon stuffed Foie Gras,Japancese Pumpkin,Port Braised Prunes 3. Carrot Cake,Coffee Crumble,Chocolate Ganache with Sprinkle of Sea Salt
評分: 味道 5 環境 4 服務 5 衛生 4 抵食 4
2013-02-02
足足3星期前訂位, 究竟有咩巴閉? 環境簡潔, 樓景. 星期六的下午, 顧客頗多, 仲好多係一家人, 但不嘈雜. 兩個人吃午餐, $ 380 +10% 兩個Courses, 甜品再加$70大元. 麵包新鮮熱辣, 蕃茄味果款最好食, 可是我哋都覺得Chef XXX By Eddy 的蕃茄麵包好食D. Lobster and Octopus, Winter Vegetables and Acquerello Rice Salad 龍蝦和八爪魚好軟腍, 加埋汁+沙律, 味道清新, 最滿意的一道菜. Cotechio Winter Sausage, Beef Cheek and Lentil Mushroom Ragout 牛臉頰肉份量不多, 煮得好滑好香, 有水準的. Chocolate Trio with Warm Chocolate Macchiato 他說朱古力味很濃, 沒有驚喜. Coffee / Tea: 套餐不包括咖啡或茶, 令人充滿問號之餘, 再多欠一個句號. 服務員常常加水, 但由頭到尾都沒有介紹過D食物. 這不是忙過打仗的茶餐廳, 而是草民對三星米芝蓮的一個普通期待.
評分: 味道 3 環境 3 服務 3 衛生 3 抵食 3
2013-01-27
看雜誌介紹, 照片很美, 兩個人來吃午餐. 星期六的下午, 人唔多, 不嘈吵, 輕鬆愜意. 頭盤 我叫了八爪魚沙津配蒜汁:賣相不俗, 舖排有層次, 八爪魚爽腍腍, 沙律新鮮, 但蒜味不多. 我叫了吞拿魚配開心果醬及薑泡沫: 薑泡沫乏善足陳, 味道唔夠薑; 然而吞拿魚半熟,加上蕃茄粒, 配我至愛的開心果醬, 味道OK. 我叫了吉士配曲奇泡沬:樣子不漂亮, 一口吃下去, 原來是小時候的餅乾味道啊! 整體來說, 食物水準和雜誌寫的有個距離 我係一個Eating is Believing 的人, 不太相信廣告, 沒有期望, 沒有失望; 然而,三百幾蚊的午餐, 有服務, 有風景, 這也是一個值得(向旅客)推介的餐廳. 餐廳老板, 請快快更新Google Map吧!
評分: 味道 3 環境 5 服務 4 衛生 5 抵食 3
2013-01-19
逛完南丫島, 坐船到香港仔食嘢, 小店在舊大街, 路人較少. 晚市開6點, 6時15分到達,己經坐咗好幾枱. 2個人叫咗: 炸蝦片(送) - 戒熱氣和零食的我差不多清晒, 味道有少少辣,好香脆, 食到唔停得口. 推介美食: 鐵板炒蠔仔,炸蝦餅
評分: 味道 5 環境 4 服務 5 衛生 4 抵食 5
2013-01-13
舖頭很細, 坐咗十幾人, 好彩仲有位. 兩個人叫咗兩個甜品: 佢喜歡吃生果, 叫咗大佳B : 有 西瓜, 哈蜜瓜, 火龍果, 大西米, 黑珍珠, 芒果汁, 生果新鮮多汁, 加上免費的忌廉奶, 口感更滑. 我喜歡多點嚼勁, 叫咗 哈利路亞 : 有涼粉, 五色豆, 椰汁糕, 大西米, 黑珍珠, 鮮芒汁... 等, 味道真誠, 唔太甜, 又有豆味. 由鴨脷洲舊店到現在的香港仔小店食過好幾次, 水準都不俗, 不明白點解之前 D 相落差咁大?! 推介美食: 大佳B,哈利路亞
評分: 味道 4 環境 3 服務 4 衛生 3 抵食 4
|