L'aLtro (中環)

工作很忙, 放假抖抖, 和老公吃午餐.

在OPENRICE中環的地圖點來點去, 見到這餐廳相片精美, 雖然食評意見分歧, 直覺叫我來冒險一試.

星期六的下午, 只有幾圍枱, 人不多, 也許餐廳開業不久, 名氣待響.

佈置樸實淡雅, 環境舒適悠閒.

3-COURSE $298 +10%, 4 COURSE $398 +10% (個別主菜要+$)

暖烘烘的麵包每個都有少少變化, 尤其是加咗ROSEMARY果個麵包, 味道令我印象深刻.Beef Carpaccio with porcini mushrooms and walnut oil 生牛肉片色彩鮮艷, 味道新鮮甜美, 加上牛肝菌, 蘸埋個汁, 好好食.Tomoato cream with liquid burrata and crispy bread 他叫了蕃茄凍湯配Burrata芝士, 不愛吃芝士的我試咗一口, 暗叫出色, 後悔自己的選擇太保守.White beans soup with braised frisee salad and anchovies 我叫了豆湯 - 穩妥之選Crispy suckling pig with grilled vegetables terrine 他叫了燒乳豬, 肉味濃郁, 金黃的脆皮食到索索聲.Australian snapper sandwich filled with shrimps, vegetables ratatouille wih taggiasche olive 魚肉鮮嫩, 中間夾咗蝦肉,加埋配菜,味道不俗, 但我最喜歡是緑色點點汁.Miramonti ice cream 自家製的雪糕 , 幼滑得來有口感, 仲有甜美的士多啤梨, 叫人停不了口.咖啡甘醇, 是滿足快樂的一天.

食物味道精緻, 待應們和經理有禮細心, 期待再來

Chef Studio by Eddy (黃竹坑)

約一星期前訂位.

免開瓶費, 星期五的晚上, 差不多容納了> 30人, 有點嘈吵.

厨師拍板, 去到才知道吃什麼.

番茄包: 熱辣辣, 好食.海膽日本帶子雲吞湯: 味道濃重慢煮三文魚: 黃色色澤均勻, 濕潤多汁, 很滑. 磨菇乳鴿: 肉有光澤, 香味撲鼻.芒果雪芭: 不會太甜太酸, 味道適中, 清一清味蕾 牛扒: 牛扒好腍,薯蓉好香, 但我已好飽, 吃唔落. 朱古力慕絲: 好靚.有禮貌, 服務也不錯.

唔係唔好食, 但之前的食評寫得太好, 期望太大.... 所以我俾個OK臉平衡一吓.

Posto Pubblico (中環)

裝修樸實, 樓底頗高, 陽光透入來, 明亮寫意.

呢度點菜我一定會問吓是日推介, 睇吓什麼最新鮮; 當然餐牌英文深奧, 也是一個原因.

兩個人叫咗2個午市套餐: Salumi : 有4款, 各有3-4片, 味道咸香; 晚市散叫呢個要百幾蚊, 是必食推介 .焗茄子芝士: 茄子的纖維和芝士的脂肪混為一體, 濕潤腍滑, 不太愛吃茄子和芝士的人也說好好食．蜆煮扁意粉: 蜆差不多有半碟, 食極都食唔完.雞肉三文治：光陰似箭, 夠鐘返公司工作, 加上我哋都好飽, 成碟三文治打包, 雞肉有點過火，但伴上蕃茄和生菜, 味道也不錯.咖啡和餅乾也毫不馬虎

Leonidas (銅鑼灣)

行過SOGO, 發現LEONIDAS正在做買五送一的推廣, 呢個比VIP 咭更平的優惠, 立即買咗:

朱古力咖啡旦糕 Opera, 冧酒提子朱古力 Rum Raisins, 德國芝士旦糕 German Cheese Cake : 口感幼滑, 甜度OK.

紅桑子日本枝豆 Raspberry Edamame Mousse: 紅緑相間, 剎是好看, 但味道卻較輕盈.

檸檬撻 Lemon Tart, 車厘子朱古力 Cerise Forest : 外表其貌不揚, 但卻最有口感, 前者又酸又甜的, 後者的車厘子和朱古力好濃, 質感也較豐富.

板前割煮 (銅鑼灣)

朋友對壽司凍嘢麻麻哋, 但又想食日本料理, 我提議到這傳統的板前吃午餐.

叫咗兩個一湯兩菜飯 ($185) 一齊吃, 括前菜, 白飯, 麵豉湯, 醃菜, 甜品和咖啡.豚肉生姜燒 : 呢個好大碟, 食極都食唔完 .
本日燒魚: 肉質好的, 又嫩滑, 但份量略嫌較少.
豆腐沙律:用料新鮮 胡麻鯛魚茶漬 (+30): 鯛魚用芝麻醬汁醃過, 有肉汁, 細細件, 容易入口, 而綠茶倒在白飯上, 味道似茶泡飯. 餘下的綠茶直接品味, 一滴也不會浪費 服務態度不俗, 環境清靜, 感覺舒服.