foodiechelsea 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2017-10-25
同好友都好熱愛韓國菜,所以就相約去左位於韓國街既Angry Oppa Restaurant食晚餐 坐低後 靚女店員就奉上menu同前菜 - 醃製的洋蔥... menu上有好多選擇,對我地呢d有選擇困難症的人 真係有d眼花撩亂... 糾結左一陣 最後決定點三款韓食 最先黎到既係韓式傳統湯底之一人火鍋... 我地揀左 #牛肉湯鍋 (牛骨湯底) $99 湯底清甜 帶d微辣~ 牛肉份量好足! 我地作為食肉獸 好滿意鍋入面放左好多款蔬菜,仲有好煙韌既年糕! 蔬菜煲到好淋 吸收左d湯汁 好好食^^ 我覺呢鍋2個女仔share啱啱好...share食可以試下其他野;) 第2樣係韓式傳統金便當... 我地揀左 #泡菜炒飯金便當 $130 一打開就影完相, 就手搖個鐵盒便當 雖然搖勻之後 拌飯賣相變得猙獰>3< 但卻唔會影響味道喔! 味道黎講, 當中既銀魚仔味最為特出 xd mix埋黏的蛋黃槳,拌飯明顯冇咁dry, 撈埋所有嘢,幾好味 飯量一d都唔少, 一個便當2個女仔share才吃得完... 哈哈 最後, 就嚟ge係晚既主角- #大醬五花肉熔岩比薩 $198 餐牌其實有好多款口味ge Pizza架... 但友人係肉食愛好者... 所以係眾多選擇之中 揀左大醬五花肉 批既入面同批邊都係厚厚既芝士! 佢既拉絲真係可以拉到好遠xd 批邊既麵包好軟熟~ 很正!!! 已經食到好飽, 都會堅持食埋佢xd 而大醬五花肉雖然烤得好香脆... 但係我覺得唔係人人都會鐘意既大眾口味;3 大醬應該係韓國既味噌, 味道就好似超濃味ge豆瓣醬... 個人黎講我唔算好鐘意隻味;P 講左咁多... 我諗應該最普通ge韓式熔岩芝士Pizza 會最好食>3< 哈哈哈 我地2個人 係食唔晒上面個三樣野ge 0.0 食淨半個Pizza... 整體而言,呢度ge食物有誠意, 味道真係好唔錯 價錢就少貴la… 餐廳裹一直放著韓文歌,電視也播著MV,環境氣氛不俗,身為韓迷的我們在這環境下用餐實在開心^0^ 奉勸各位小鳥胃的女生們: 落order時要量力而為呀! 因為呢度既食物份量對女生嚟講 會有d多喔~ 推介美食: 牛肉湯鍋 (牛骨湯底), 韓式熔岩芝士Pizza
評分: 味道 5 環境 5 服務 5 衛生 5 抵食 4
2016-12-12
已有一段時間沒有吃過西班牙菜,難得有人也很有興趣,於是就同友人來到這裡吃午餐;) 飲品方面以酒類為主… 我們二人不喝酒, 所以飲品點了兩杯brunch mocktail 我選擇的是Miss Strawberry ($58) 混合了strawberry, mango, pineapple juice,紅粉菲菲mocktail顏色漂亮,菠蘿味最為突出,味道香甜。 友人選擇了PPQ ($58) 混合了peach, passion fruit, lemon juice, soda ,金黄的顔色,外表清麗,passion fruit味道最為突出, 甜中帶酸,味道清新。 Deluxe Toasty Platter八味吐司 ($118) 黑松露滑蛋, 煙火腿, 鵝肝醬, 蒜香虎蝦, 蟹肉醬, 燉牛肉及辣魷魚 (in a clockwise direction),不僅選擇多元化,而且賣相精緻吸引。 番茄沙沙tomato salsa - 開胃清新 黑松露滑蛋black truffle scrambled eggs - 黑松露的香味留在口腔縈繞,非常美味; 煙火腿ham - 鹹香的Parma ham配着香甜的蜜瓜薄片同吃,最夾最美味; 鵝肝醬foie gras terrine - 鵝肝醬意外地配上香甜多汁的橙肉,稍減鵝肝油膩的感覺; 蒜香虎蝦garlic prawn - 虎蝦肉質彈牙, 配上調味 味道香口而不鹹; 蟹肉醬crabmeat - 蟹肉醬香味濃郁,真材實料,可以吃到蟹肉絲; 燉牛肉braised beef - 燉牛肉口感軟嫩,雜蕃茄汁的口味; 辣魷魚spicy cuttlefish - 八爪魚薄切,嫩滑又彈牙,一點也不辣。 每款其實都惹味好吃,而且兩三口吃完, 用來送酒適合最適合不過。 Crabmeat & Avocado Roll w/ Salmon Caviar 牛油果蟹肉卷配三文魚子 ($88) 蠻清新的;) 主食,那必然要點一份西班牙菜最常見的Paella! Seafood Paella西班牙紅花海鮮飯 ($268) 上枱打開煲蓋,即時煙霧瀰漫,全場香噴噴。 下了不少海鮮, 用料十足,賣相震撼! 有香煎大蝦 - 肉質新鮮爽口,還有魷魚及青口插到飯裡,非常豐富! 至於飯粒亦很香口, 放入了西班牙辣肉腸 帶點微辣, 很惹味;) 整體而言,餐廳售賣的Tapas頗具特色,味道也有一定水準,而且價錢合理,論性價比是不俗。每一道菜的造型、用料和配搭,都盡顯廚師的一番心思。 吃這一頓飯中,店員非常體貼,店員主動替我們換碟子,而且態度友善有禮;) 給我留下好印象! 餐廳的環境與氣氛也一流,適合慢慢品嚐食物/傾計,我們一坐就是幾個小時。 推介美食: Seafood Paella, 牛油果蟹肉卷陪配三文魚子, Deluxe Toasty Platter
評分: 味道 5 環境 5 服務 5 衛生 5 抵食 4
2013-08-30
出街食完晚餐,又點少得甜品呢一節?!朋友仔鐘二食雪糕,咁就近近地,決定去Haagen-Dazs食雪糕^^ 一人要一隻味丶又一人一個Scoop,三個都要咗Ice-cream on Cone,諗住飽D丶又多樣野食下 我要咗Strawberry Cheesecake Flavor (8.5/10分): 我嗰個Scoop都算大,味道唔錯,啱我口味!我本身就好鐘二Strawberry同Cheesecake,兩者一齊變成我的最愛<3 不過,Strawberry實在少得可憐:/,唔係幾食到,冇乜Strawberry味... Cheesecake味係有,但我嫌佢唔夠濃味(不膩係好嘅;P),我想重味D>< 最要讚嘅係,佢有好多核桃碎餅,每一啖都好,核桃碎餅香脆,增加咗口感非常滿足!! 另一位要咗Rum Raisin Flavor (9/10分): 呢隻味一向都食開,係常叫嘅之一:> 雪糕幼滑;Rum味洽到好處,唔會太濃而醉人;提子乾亦好香甜^^完美結合!xdd 最後一位朋友仔怕肥,所以就叫Mango Sorbet Flavor (8/10分): 比起其他,Mango Sorbet係冇落奶而整成嘅,所以佢冇咁肥...但我覺得佢唔夠滑,並唔係我杯茶:-) Mango Sorbet有香甜丶濃郁嘅芒果味,味道好純丶好清新...就好似飲緊芒果汁咁 另外,個Cone係非常香脆可口,咬落脆卜卜,感覺似食緊Waffle脆餅 間唔中去食下Haagen-Dazs雪糕,再為甜點或者小食,真係一個好好嘅享受;))
評分: 味道 5 環境 5 服務 5 衛生 5 抵食 4
2013-08-18
暑假係灣仔返工...朋友約我放工食飯...為咗就我,就決定係番個一頭食... 朋友接咗我放工,話想食Scottish嘢...佢知道有間唔錯嘅餐廳,介紹我地去...反正我都好掛住British meal,所以就去咗CannyMan... 間CannyMan係地庫個層,如果唔係fd介紹同帶路,真係唔識去,又唔會知道間餐廳嘅存在._." 一踏入去,間餐廳佈置得好靚,好有格調,環境一流,好有歐洲風味,氣氛亦好好<3 服務員為我地帶位,係有梳化嘅角落位置,好舒服,又安靜,啱晒我地傾計聚下,唔怕俾人打擾:3 可能係平日,間餐廳冇乜人,所以服務員為我地提供咗貼心服務又攞冰水,又為我地擺好碟同刀叉...非常細心!而且服務員仲笑容滿面,非常有禮,令身為客人嘅我,心情都好起來:> 打開Menu,有好多野食揀,樣樣好想食,都唔知揀咩好最後,我地3個人叫咗五樣野Share^^ 1.)Appetizer- Canny Man's Classic Caesar Salad (9.5/10) 呢個Salad大碟又好食雖然D用料同普通嗰D Caesar Salad冇乜分別,但係卻為我地帶來驚喜xdd Lettuce食起上來新鮮爽脆;亦放咗Croutons,增加口感,可惜唔夠脆,有少少淋咗;又落咗好多Parmesan Cheese<3,仲落埋Blue Cheese!!<3<3身為芝士痴嘅我好鐘二佢落得咁重手,啖啖都食到Cheese,Cheese食落口非常香 除此之外,亦都加咗Bacon Bites係Salad;)Bacon好Crispy,令Salad嘅味道更香丶更可口<3調味方面(Lemon juice, Olive Oil, Worcestershire sauce, Garlic, Black Pepper)都好出色,口啱我口味,比較遍向濃味....最欣賞佢冇落好多Olive Oil同Worcestershire sauce,唔會油淋淋丶又唔會好酸 $85咁大盆又好味嘅Canny Man's Classic Caesar Salad,算係咁la:> 2.)Main Course- Scottish Lamb Haggis (8/10) 我本身就冇話鐘二吃Haggis,呢個係個fd堅持話叫嘅...呢碟野都Okay,同係英國食嗰D差唔多...Haggis整得好乾身,碎碎嘅丶一粒粒咁,有少脆脆地...配住嘅Neeps同Taties好綿,都幾濕潤...加埋好Thick好濃味嘅Brown Gravy,三樣一齊食,味道幾好!Gravy令成碟嘢嘅味道更特出丶更香濃入味,食起上來又唔會覺得乾爭爭^^ 呢碟嘢要$138,都幾貴:/味道係唔錯,佢又唔係話好味道不得了嗰隻,唔係幾值呢個價:'( 3.)Pasta- Macaroni with 4 Cheese (9.5/10) 呢個好好食!但就太漏了>< 見到,Macaronic比平時食開個D幼少少,Cheese都放好多... 食下,覺得D Macaronic煮得軟硬適中,Macaronic亦有好香好濃Cheese味,D汁仲同Macaronic攪拌均勻,一D都唔會話Macaronic太乾或太多汁^^話明4 Cheese,可以話每一啖都食到Cheese,真係好正!可惜,我地食到一半,已經覺得好漏好濟@@ 呢碟嘢價值$98,咁好質數,呢個價錢都算合理嘅! 4.)Snack- Potato Wedges with Curry Custard Mayo Dip (9.5/10分) 唔係我誇大,呢隻薯角真係超級好食,可以講話係我係香港食過最好食嘅薯角! 薯角熱辣辣,脆卜卜,好明顯係即叫即炸,非常新鮮!薯角外皮脆丶薯心軟,炸得乾身,一D都唔油淋淋,非常香口,令人食到停唔到口;)加上,佢配嘅個隻醬,好似蜜糖芥茉咁,完美配撘<3就算點茄汁都非常美味!唯一不足嘅係,佢炸得燶咗少少:/ 你都見,呢碟野真係好大碟!薯角超多,個碗都裝滿哂!都係$58咋,你話幾抵食! 5.)Snack- 6 Snack Size Canny Man Mini Beef Burgers Plate (8.5/10) 話就話Mini,但3條友Share 6個Mini Beef Burgers,每人都要食兩個,食完就已經飽咗一半la!>< Burger其實冇乜特別,麵包夾住嘅都係芝士丶茄汁丶同牛肉...整個Burger食落去,會覺得好乾:S但夾住嘅牛肉卻好好味!牛肉七成熟到,一D都唔韌,都幾JuicyD Canny Man Mini Beef Burgers都算Okay;) 原本呢碟嘢,淨係Mini Beef Burgers就$88,但我地個Mini Burgers加咗芝士,所以要加多$5. 呢度D野碟碟都大碟到喊嘢食來到個時,真係嚇一跳,完全冇諗過啲嘢會咁大碟0.0食到我地眼坦坦0.0 飽到一個程度-.- 唔係講少,我地三個人竟然清晒,真係好勁!!xdd 想食Scottish嘢??我介紹你去The Canny Man!!呢間嘢,價錢非常合理,又唔係好貴,啲嘢大碟又好食...非常值得去食ar!!我已經想再去la 推介美食: Potato Wedges with Curry Custard Mayo Dip,Macaroni with 4 Cheese,Canny Man's Classic Caesar Salad
評分: 味道 5 環境 5 服務 5 衛生 5 抵食 4
2020-09-18
因為報導介紹 而留意到呢間大角咀小店, 見IG好多人讚,所以拉朋友來試一下… 平日6點半到,仲要落大雨,都要等一陣位… 3人行,叫左3款不同口味的便當: ▪️ [必吃] 古早味手工滷肉便當 $62 滷肉,肥瘦半半,軟腍入味 ▪️ 香酥脆雞便當(鹽酥) $64 一份有3大件雞球 炸得相當酥脆,炸粉夠薄,食落香口 雞塊超厚肉,肉質柔軟 ▪️ [招牌] 那個滷排骨便當 $66 塊排骨超巨型,大過塊面, 仲好厚肉 排骨先炸後滷 ,多層次的味道 最欣賞嘅係 便當會免費配上每週更新嘅5款配菜 - 包括流心到爆嘅溏心蛋、高麗菜、菇、粉絲、涼瓜, 全部配菜都好好食 好適合送飯。 仲可以補差價 升級台式飲品 ▪️ 黑糖波霸奶茶 (細杯) +$7 ▪️ 南投炭焙烏龍厚奶茶 (大杯) +$5 這是我吃過份量最多、最足料的台式便當, 食物份量比足你,大大碗唔手軟,一般人一定夠飽。 (女生們記得點少飯,以免浪費) 賣單每人$85,好好好抵食, 性價比高,CP值又高,誠意推介!!! 推介美食: 香酥脆雞便當
評分: 味道 5 環境 4 服務 5 衛生 4 抵食 5
|