Leong's 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-01-03
新的一年試下最近好旺場的cafe,位於議事亭前地,人流奇多,今天是蒙口碑而來。 等了大約20分鐘,內里裝修幾靚,好歐風,但人太多好嘈吵... 在樓下點餐后侍應會送到你跟前,我們點了四道食物。 第一道是法式三文治,點知...好失望, 首先買相非常不討好,好似凍冰冰擺左好耐硬柴柴的麵包, 不新鮮的感覺,味道不好,真的不推介。 第二道是紅酒燴牛尾飯,$88,白米摻雜了紅糙米,感覺健康d,口感本人尚可接受, 先生覺得好生硬,而且唔熱又唔香,牛尾方面就好冧,但無牛鮮味無紅酒味, 連個汁都無紅酒味... 第三道是枱枱都點的法式燉蛋,非常甜,一般般,$46一啲都唔值。 最後是牛奶啡,泡沫好稀,好普通的一杯咖啡。
評分: 味道 2 環境 4 服務 3 衛生 4 抵食 1
2013-07-21
聽說有間很有特色的有鹼有甜的PANCAKES店, 都幾多人食,要排隊15分鐘左右才有位, 餐廳內的佈置簡約,也有點美國feel~ 滿心期待,點了一款鹼的,有漢堡的, 一款甜甜的藍莓pancake, 還有一客薯條, 先講薯條,真的很油膩,啖啖油的感覺... 微甜,老實說我覺得m記的熱香餅仲好食過佢,唔值尼個價 但啲漢堡肉落左大量胡椒,感覺好重味精,無晒肉的鮮味 總體來說可一不可再,唔值尼個價
評分: 味道 2 環境 4 服務 3 衛生 4 抵食 2
2014-01-03
準備迎接新的一年,但太遲訂位周圍的葡餐都無位,WALK IN只有熊貓有位,即時食得。 尼到環境好舊,好似電視上八十年代的餐廳一樣,裝飾都好舊。 首先上枱的是薯茸青菜湯和牛尾湯,稀稀的,不像平日葡餐湯的濃郁, 牛尾湯完全無牛鮮味,很一般。 第二個是忌廉馬介休,里面有好多蘑菇片,但感覺不停出水,令這道餸口感很怪, 無芝士味,馬介休就食到一大舊一大舊,不太均勻。 第三道是很多人推介的燒乳豬,隻豬仔好肥下,有少許豬腥味, 口感燒得岩岩好,皮薄脆,味道偏咸,算是今晚最好食的一道餸。 最後一道是葡式焗海鮮飯,不推介不推介,飯濕冧冧且無味,海鮮又好唔新鮮咁, 尼餐令人頗為失望! 推介美食: 燒乳豬
評分: 味道 3 環境 2 服務 3 衛生 4 抵食 3
2013-08-03
今次是家庭聚會,每人準備一樣食品,老公帶來了火熱的卡夫卡甜品。 黃昏時間好好彩仲買到四件,平日一早就買晒啦,每件$38,小貴。 首先試了最sharp鮮綠色的都路里,和風抹茶口味,慕斯味道甘帶微苦,內裡的忌廉紅豆,味道不是很甜,餅底有點膩。 甜蜜約會,粉粉的賣相好吸引人,但草莓慕斯酸酸的,中心的草莓果醬更加酸,底層的軟心朱古力就好好味,可惜甜度仍中和不了那種酸度。 泰姬陵是印度紅茶,配以香甜的焦糖,甜度好高但又好夾好軟滑的口感,有啲似拖肥味,外層的朱古力碎令口感更豐富。 四件法式甜品中本人最欣賞的是覆盆子那個,忘記了名字,酸味味好開胃,有啲啫喱般的外層,慕斯和內裡口感好夾,軟滑到入口即溶。 其實真係有啲貴,細細件,偶爾食下,值得一試。
評分: 味道 3 環境 4 服務 4 衛生 4 抵食 2
|