天政 (花城區)

要試好野，又要食得精明，最好就係食lunch。通常高級餐廳(尤其日本菜) lunch set 比dinner 平30%以上，澳門有咁多靚靚高級酒店，高級餐廳就更多啦，所以今次每次去澳門一定會周圍試。
聽人話天政係香港同澳門最好食ge天婦羅，之前上網睇過lunch set 都係$288起，出去行下之後見食得落 (酒店自助早餐好飽) 就打去試下訂枱 (心諗星期六應該好full)，竟然有位，於是立即出發。
1:30pm到，入去要除鞋，然後可選擇坐table 或tempura 枱，環顧四周 table 得幾枱客，而tempura 枱坐假tatami更無人，於是坐tempura 枱 (一來靜d，二來除左鞋坐table 怪怪的)。落地玻璃海景，環境優雅舒適，仲要無其人，感覺超正。跟住著住和服waitress 好好禮貌送上熱茶同menu，我同老公立即夾下食邊個餐。
原本打算食個$288海鮮雜菜餅天婦羅飯餐及$388天don餐 (多蝦兩隻、魚一件及野菜三款)。但Waitress行過黎話推介下時，提到前兩個set是師傅於煮ge，要$538竹套餐(蝦兩隻、魚兩件、野菜五款及天婦羅飯) 先有師傅於席前炸，所有推介我地食$538再加一個牛根豆腐鍋，太好主意啦，於是即刻落order。跟住好快有個日本師傅入黎，用半咸淡廣東話+國語介紹食材，然後立即開始。師傅先試油溫，首先炸蝦 – 個脆漿超薄又鬆化，蝦肉新鮮彈牙。魚 - 脆漿一樣正再加上魚肉超嫩滑，真係第一次食咁好味ge天婦羅魚。魚餅 – 好香蝦味。野菜五款 – 舞茸最得，其他都好食。最後天婦羅飯特別幫我地分成兩份，服務好細心。最後上埋個牛根豆腐鍋，雖說唔太特別，但好大份，足夠二人食有餘

小貼士: 賭場有10% discount (於賭場免費申請)

希戈餐廳 (尖沙咀)

今日有事慶祝，老公一早揀定hugo食飯，點知早個幾星期都要九點後先有枱。後來我地明白了，因為其實間餐廳一啲都唔大，最多都係擺到十幾張dining table ，唔怪得知咁full啦。
我地被安排到坐一張卡位枱，好舒服。環境偏黑，不過黑黑地都幾浪漫呀。
Menu有散叫又有套餐，有兩個6-course套餐選擇，每個都係$10xx, 仲可以每人叫唔同嘅套餐，即刻落單。
跟住有個酒師為我哋推介，個wine list好長，我哋想飲champagne，所以叫咗一枝。
跟住上麵包，由於九點幾啦，真係好肚餓，麵包又熱辣辣好好食，但係諗到之後個6-course，要忍囗。

前菜：生蠔、蝦
生蠔新鮮，蠔味唔太重但夠鮮甜
蝦setting 好靚，大大隻又有蝦味，肉質仲有D似龍蝦炸田雞腿、煎鵝肝
我唔敢食田雞腿，老公話都幾好食
煎鵝肝外脆內暖，入口即融，好evil，但好好味，仲要都幾大件下

湯：龍蝦湯、海鮮湯
龍蝦湯係侍應推架車，即場煎龍蝦，加酒加湯煮成。熱辣辣、啖啖龍蝦肉，又夠creamy，龍蝦湯迷must try!!
海鮮湯超多海鮮，又creamy又鮮甜，我個人覺得仲好飲過龍蝦湯海鮮：黑松露伴帶子、香煎魚柳
帶子鮮甜juicy，黑松露好香（其實成日覺得黑松露香味好過味道）
魚柳就普普通通肉：龍蝦配牛柳、胡椒粒焗牛柳
龍蝦同牛柳都好juicy，其實已經好飽，不過唔覺唔覺都食得唒！
平時唔太好胡椒，仲要原粒胡椒焗，諗住飽飽地，食少少就算，點至...太好味啦！胡椒香得黎唔辣，又唔會搶左牛柳味道，牛柳又嫩又有肉味，食完一啖仲想再食，寫寫下都有少少掛住佢...甜品：火焰雪山、芒果拿破倫
兩款甜品都好重酒味，唔飲酒嘅朋友小心。兩樣都係堂弄，一路睇侍應表演，一路聞酒香。最後coffee tea 真係飽到頂點，仲有朱古力劃上完美句號。

AE card有折

天巢法國餐廳 (南灣)

之前試過幾次都訂唔到，今次早個半月終於成功！原來要填form留credit card information ，到時唔出現要扣deposit。因要睇賽車，所以都幾急，一完賽事即飛奔去新葡京。首先到39/F reception, 然後用專lift 上43/F. 服務員好有禮貌咁帶我地到張枱，由於好多玻璃，光線充足，枱唔枱又有適當距離，modern decoration，感覺好好。

之前上網已經睇左menu（其實已經識背）揀好晒，點知服務員比我份menu有一半唔一樣，又要由頭睇過...落order 之後，服務員送上麵包籃，然後有架牛油餐車，可選有鹽或無鹽，貪心的我就兩樣都要。
比較之下無鹽仲正，香D滑D。

麵包微暖，種類唔多，芝士包最好味。Welcome dish: 粟米湯伴檸檬jelly，粟米湯in foam form, 好有粟米味，檸檬jelly好fresh炸蛋：賣相好靚，炸蛋加埋sauce好夾，口感有層次，正！海鮮湯：湯好濃海鮮味，配上脆炸魚，超正！烤雞伴鵝肝：雞肉外面香脆，雞肉味濃但又嫩，好好食。鵝肝同平時鐵板燒有D唔同，雖然都係外脆，但無咁dry，而內面就好軟，入口即溶，勁正！和牛鵝肝迷你漢堡：另+$90，都好食不過就無乜surprise，有D後悔甜品：可選兩款，最後揀咗拿破倫（服務員推）＆朱古力tart. 拿破倫皮由多塊好薄脆脆組成，vanilla cream 好香又唔heavy，超正！朱古力tart有焦糖，焦糖好香，我至愛！

最後上埋coffee tea，perfect ending. 但由於趕時間，我request 服務員幫我打包petit four，佢地幫我地pack得靚靚，超好service.

成個lunch都非常滿意，不過希望佢地記得update 網上menu！

和牛燒肉‧純 (銅鑼灣)

今日突然好想食烤肉，於是上openrice睇下，見純和牛rating唔錯，於是立即打電話訂枱。
一坐低侍應比個午市menu我地，原本打算各人order一個set，不過侍應推介個2人set，見樣樣都有少少，仲要有和牛，都係$400，最後決定要這個啦。

先黎前菜，無乜特別烤肉/海鮮放埋一齊，看似唔係好多，最後緊緊食得晒。和牛好得，入口即融，不過食唔得多，好heavy。
帶子連殼燒，好鮮甜juicy，而蝦就好多膏，不停滴油。
以$400（for 2）嘅午餐唔算平，但有和牛、高質海鮮同好service，係超值！

麥卡倫威士忌吧 (路氹城)

今次同老公去澳門其中一個重點就是潮拜這間以whisky為主題的bar。
晚上8時，去到galaxy 二樓reception，看見左邊是意大利餐廳，右邊是Macallan bar。表明想去bar後，reception 姐姐帶我地入去，環境好英式，好似英國豪宅屋企，有好多sofa、玻璃whisky櫃(放左好多珍藏whisky，包括50yrs) 、有個火爐同背後放左好多whisky bar枱。但未坐低已經聞到好厲害cigar 味，原來有一枱外國朋友食緊，好彩坐下坐下都接受到。
一場黎到，梗係要試whisky啦。Waitress放低一本menu (我覺得似bible多d)，老公一邊研究一邊話好多款whisky，而
且仲有珍藏介紹tim。我點了cocktail，而老公仲心大心細要邊個set好 (有macallan set, worldwide set, Scottish whisky set 等等)，最後梗係要macallan set啦，再加個pizza 當晚餐。
Waitress 立即送上nuts，surprising d nuts係熱ge，超好味﹗好快已KO左一半。
Cocktail - macallan classic MOP$60 – big ice ball 好靚呀… 入口即有whisky味同有少少橙味，好易入口，以我平時唔係好飲酒ge都覺得好飲，值得一試Macallan set – ‘THE FINE OAKS THROUGH TIME’ MOP$588 – 個名好得，set 包括macallan 12yrs, 15yrs, 17yrs, 21yrs & 25yrs 共5小杯。我地先逐一聞下，再由12年開，一杯一杯與上一個年份品嘗同比較。個set會跟一份menu有每隻酒特性及味道。唔同年份會有唔同ge味道，例如nuts, oak, honey, caramel … so interesting…Four cheeses pizza MOP$145 – cheese 超香，意式薄脆餅底，每種cheese都有唔同味道，好好食。 Cheese lover must try!! 

讚: service 好 (bar枱size細，特別加張枱放pizza)，sofa 舒服，有wifi
彈: cigar味，食物選擇唔太多
小貼士: galaxy card 有10% discount (於賭場免費申請)，但不包括set