evelynic 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-04-24
開頭都唔知西塔老太太係內地品牌,一入到去係韓式燒烤風格,特別之處係用炭火燒,風味即刻唔同曬~ 一坐底,staff 就會比定D 前菜: 醋味蔬菜沙律、薯仔沙律(入面有粟米同紅蘿蔔粒)、蘿蔔絲同酸蘿蔔加青瓜片。 店員特別推薦個醬汁,聞落好有芝麻香仲有少少腐乳feel,之後會加醬油、白醋攪拌黎點肉食,可以無咁膩~ 厚切豬五花,眼見脂肪好多,本身有D驚但食落唔覺得有油膩感 錫紙金針菇用左少許辣椒同蒜蓉一齊燒,好juicy又爽口 墨魚腸第一次食,食落好似台灣腸,皮脆但唔係好食到有墨魚粒 老太太特色肥牛同瘦肉,瘦肉燒完都唔鞋口,加埋D 串燒粉一齊食好上癮 雞腿肉燒完都唔會好乾/硬而且調味本身調得幾好 二人餐分量都幾夠女仔食,有男士既話可以叫下冷麵或者飯~ 食完香港既西塔老太太,即刻有D想試下內地既西塔老太太 評分: 味道 4 環境 4 服務 3 衛生 4 抵食 2
2023-10-10
發現公司附近開左間新茶餐廳叫龍鳳食堂,入面除左有茶記會有既menu外仲有特色野: 芝士撈丁同避風堂口味既菜式,不過今次無叫到,反而想試下小炒同煲仔野 魚香茄子煲係家常菜,惹味又好落飯,係人都知茄子係吸油既蔬菜,但呢到整得唔會好油,味道唔會過咸過辣。 另外又叫左金銀蛋浸時蔬,當然有咸蛋同皮蛋,菜心夠曬淋,廚師都幾知道鹹蛋夠曬鹹味,菜唔洗點再加鹽,呢個餸有菜又有肉,應該好岩女士order。 凍檸茶同凍奶茶就正常茶記發揮,正正常常,無特別,有機會可以試下其他野,見到是日蒸魚都幾大份,價錢都係五十幾蚊,好似好抵食 評分: 味道 3 環境 2 服務 4 衛生 3 抵食 2
2023-10-06
十二味應該係第2次,今次係尖沙咀做完野就試下尖東分店。門口都幾大,要行樓梯上,上到去好有中式麻辣菜feel, 紅色主調嘅中式燈,最神奇係可以唱K,一眼就見到個stage🤣 上次食過酸菜魚,今次得2個人就揀左經典香辣鍋,宜家好多餐廳都用QR code 落單可以慢慢睇慢慢揀,麻辣香鍋要揀最少5款配料(每款配料加$28-$48),當然離不開要有肉: 雞翼、肥牛,肉類分量都幾多下,炒起上嚟好大鍋,雞翼有炸過,口感香脆不過我自己最鍾意係面頭一粒粒炸過嘅黃豆,食落脆卜卜,令個香辣鍋食起上添加咗層次,食香辣鍋一定要有白飯唔係會超級重口味~ 最好係可以order 既時候request 少鹽少油,感覺上健康左 評分: 味道 4 環境 3 服務 3 衛生 3 抵食 3
2023-09-25
Sonia Coffee 係日本過江龍,第一間好似係係新世記廣場。 原來新蒲崗都開左分店,cafe 好似係出名焦糖吉士布丁同waffle而mikiki 呢間有戶外座位,好岩帶埋寵物一齊黎。 見到有款好西日fusion既溫泉蛋山葵卡邦尼意粉,聞唔到太有wasabi 味,材料有煙肉、冬菇同溫泉蛋,carbonara 通常食食下會膩不過少少芥末味中和返,岩岩好。 唐辛南蠻炸雞蓋飯,我自己就麻麻D他他醬,D飯質地幾好,粒粒分明,醋醬汁唔會太多帶少少酸都算開胃,雞肉就普普通通。 靜岡抹茶小豆窩夫配豆腐雪糕好大份但窩夫好乾,紅豆夠大粒微甜,抹茶蕨餅正正常常,最期待既甜品反而最失望 評分: 味道 3 環境 4 服務 4 衛生 3 抵食 2
2023-08-03
係Fashion Walk 附近既餐廳比人一種比較高級既感覺,夜晚行過有D舖頭既裝飾、街燈令到條街有種好好既氣氛,今次去左黑門水產食日本野,遠處已經見到日本feel燈籠,入到去覺得間舖好大好舒服,我地叫左海膽蟹味噌甲羅燒做前菜,鹹香蟹膏味配上梳打餅即刻打開左個胃,蟹膏份量多到可以就咁再食好爽! 黑門角切海鮮沙律有甜蝦、三文魚、車厘茄等,醬汁好開胃但就太咸~ 鐵板燒山賊醬蟹蒜地雞,用左大量洋蔥加炸蒜炒香,十分惹味,上菜時熱到出煙,有種大排檔風味咁,不過都係咸左少少但用黎配啤酒幾好 極上大漁貝燒除咗有元貝之外仲有蝦、蠔同三文魚籽,火候燒得剛剛好,元貝唔會燒到太過韌,多款海鮮一齊燒味道好鮮甜,想連D湯汁飲埋佢,哈哈 最後叫左壽司拼盤,壽司飯唔係平時食既白醋飯係應該用左赤醋,sushi 不過不失 評分: 味道 3 環境 4 服務 2 衛生 4 抵食 2
|