蝦毛吉蒂 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-05-23
小皇府雖然無大酒樓嘅豪華裝修,有點似茶餐廳格局,但無論食物質素以及服務都比好多大酒樓好。 呢度坐得幾舒服,無一般酒樓咁嘈吵,就算過年期間嚟飲茶,侍應都唔會一窩蜂走嚟搶住要利是,同平日一樣保持好態度好服務。 點心選擇多CP值高,鹹點甜點小食樣樣質素都好好。點心即叫即蒸熱辣辣上檯,燒賣同蝦餃仲可以叫兩粒,少人數飲茶最適合不過。最中意呢度嘅鮮茄上湯鮮竹卷。 耐唔中都會嚟呢度買外賣,每次都pack得好妥當,唔會攪到肥淋淋。尤其炸物會喺盒開窿,就算外賣咕嚕松子魚,返到去仲有D脆,唔會軟淋淋 推介美食: 鮮茄上湯鮮竹卷
評分: 味道 5 環境 3 服務 5 衛生 4 抵食 5
2017-06-19
昨天到尖沙咀搵食, 經過寶勒巷, 見到此店雖然新開, 但店裡很多客人, 便內進試試。 船麵套餐, 連飲品及小食都只是$78, 便點了兩個試試。 豬肉船麵有豬肉片, 豬潤及肉丸, 牛肉船麵有牛肉片, 牛腩及牛丸, 兩款麵的湯頭都很濃香, 但又不會有味精, 吃完也不會覺得口乾。 再加一點點椒醋及老闆自制的辣椒, YUMMY~~ 小食點了炸豬皮及雞槌, 兩款都很香口, 下次到尖沙咀又多一個選擇。 餐具及牙簽都是來自泰國, 店員親切友禮, 老闆還會問客人意見, 非常有誠意。 推介美食: 船麵
評分: 味道 4 環境 4 服務 5 衛生 4 抵食 4
2015-07-17
好耐無嚟九龍城, 睇完電視介紹, 今日就嚟一試。 本來叫去骨海南雞飯同香煎手剁咸魚肉餅飯, 但咸魚肉餅未整好,所以店員提議我叫另一樣, 咁就叫去骨麻辣雞,點知又係未得, 店員提議我叫狀元蹄飯,但因為我唔太食元蹄, 店員見我好苦惱,就馬上幫我整咸魚肉餅 首先上嘅湯好好飲,唔係平時果D味精水,好多南瓜。 海南雞飯好好味,雞唔腥,有鮮味又滑,個飯又香 等左一陣嚟嘅咸魚肉餅飯LIKE爆,香口,表面脆仍保持有肉汁,送飯同就咁食都一流 樣樣都好好味,店員又NICE, MUST ENCORE
評分: 味道 5 環境 3 服務 5 衛生 4 抵食 4
2014-06-03
之前去沖繩已經好想試, 但喺沖繩只有三間分店, 而且唔近單軌電車站, 估唔到最後竟然喺香港吃到 點咗兩款定食,超豐富, 有海葡萄沙拉、水雲, 仲有主角炸包,今次試左紅芋, 唔會太甜同太油, 足料,有紅芋同年糕,yummy 咖哩定食有飯同漢堡扒, 烏龍麵定食有苦瓜奄列同苦瓜麵, 苦瓜奄列煎到金黃色,裡面仲有芝士,超正 苦瓜麵再加上檯上面沖繩著名的辣椒泡盛,讚!! 喺香港食日本野好少會有喺日本當地嘅感覺, 但呢度環境舒服,感覺跟味道同沖繩一樣。 最後仲跟餐揀咗熱咖啡同黑糖豆乳, 仲有甜品花生豆腐,大滿足 一定會再嚟 推介美食: 炸包,定食
評分: 味道 5 環境 5 服務 5 衛生 5 抵食 4
|