lovecath 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-01-11
閨蜜談心好地方 跟閨蜜聚會想搵間坐得舒服又靜靜地嘅餐廳 最緊要喺位同位之間唔好太近 大家傾計都唔會騷擾到隔籬枱 之前食過下午茶覺得唔錯 今次我哋嚟食晚餐,坐咗門口位置 炸雞皮餃子。檸檬醬 $88 外皮金黃酥脆,第一口就覺得好好味! 內餡軟嫩多汁,雞皮油香十足 八爪魚片。紫菜煎馬鈴薯丸子 $158 第一次食,馬鈴薯丸子口感好煙靭 相當之飽肚 海老濃湯義大利麵 $168 呢個意粉超好味,好濃郁嘅鮮蝦味 每條意粉都包裹著濃濃的鮮蝦味 好喜歡🥰 烤蘋果。蜂蜜蛋糕。甜番薯雪糕 $88 甜品賣相色彩鮮艷,好期待個甜番薯雪糕 但原來唔喺好甜,味道剛好🥰 MUTA Restaurant by ATUM 尖沙咀彌敦道132號美麗華廣場1期地庫B131號舖 推介美食: 海老濃湯意大利麵 評分: 味道 5 環境 5 服務 5 衛生 5 抵食 5
2024-01-06
吃過不會後悔的北方館 前排同朋友食過呢間北方館念念不忘 不過平時同媽咪兩個人食唔到幾多嘢 今次同埋閨蜜契女嚟食,四個人可以食多幾款 我哋喺澳門掛住玩,成九點幾先去食 契女餓到不得了 一大碗番茄雞蛋木須鹵 $118 碗麵仲大過佢個頭,佢竟然差唔多一個人食晒 除咗好肚餓之外,真係好好味 佢個麵質好有彈性,好有口感 唔會浸耐咗有啲湖咗咁 啲職員仲好細心,見到有小朋友 話會幫我哋將啲面拉幼啲,同埋剪短啲 方便小朋友食,勁窩心 每次你都會食鮮肉小籠包 $78 每一隻都充滿湯汁,好飽滿 小籠包皮薄餡靚 一入口滿滿嘅肉汁好Juicy,肉汁好鮮甜 今次人多,我的食埋鮮肉蝦仁韭菜餃 $105 估唔到餃子比小籠包仲出色 餃子皮軟糯帶麵粉香,餡料鮑滿 熱騰騰時入口甜鮮可口 餃子皮好有彈性,一放入口,入邊嘅餡料爆汁好正 餡料的豐盈鮮美,會忍唔住,食完一件又一件今次人多,我的食埋鮮肉蝦仁韭菜餃 $105 估唔到餃子比小籠包仲出色 餃子皮好有彈性,一放入口,入邊嘅餡料爆汁好正 會忍唔住,食完一件又一件 媽咪至愛嘅麻醬油麥菜 $80 貴係貴咗少少,不過媽咪鍾意食 有小朋友喺度梗係會叫甜品啦! 我哋見個賣相幾得意就叫咗拔絲香蕉/紅薯 $78 估唔到出場咁震撼,未試過啲煙多到成張枱都係 契女見到勁開心 職員仲好好,咁幫我哋整煙整咗三次 先影到呢張咁靚嘅封面相😂 我哋叫咗各半份拔絲香蕉/紅薯 兩款都食到 炸到外脆裏嫩,色澤淺黃,質地柔軟,甜糯可口 而家到我老竇未食過,成日話等我過去一齊食😂 北方館 (路氹城) 路氹城金光大道望德聖母灣大馬路澳門威尼斯人1樓1015號舖 推介美食: 拔絲香蕉, 鮮肉小籠包 評分: 味道 5 環境 5 服務 5 衛生 5 抵食 5
2024-01-05
澳門最有聖誕氣氛Cafe|超吸睛打卡蛋糕 今年聖誕前席同閨蜜去咗澳門玩幾日 我哋冬至個晚去咗「KAFKA 卡夫卡」幾乎包場 好開心可以瘋狂打卡🥰 我哋喺威尼斯人坐的士去「卡夫卡」 車費$37一程 啱啱嚟到時滿座,隔咗一陣就包場了🥰 淨係睇Menu都好鬼吸引 我哋一共揀咗五款蛋糕 每一款都好精緻、好可愛、好得意 契女梗係揀咗至愛嘅啤啤啦 Night Xmas $62 榛果甘納許、榛果脆脆、椰子海棉 賣相咁可愛,契女好心急,想一啖食咗佢🤣 閨蜜揀咗可愛聖誕老人 Santa Claus $65 姜奶,夏威夷果仁慕斯 夏威夷果仁帕林內、杏仁蛋糕 口感好得意,層層唔同口感,推薦一試 我就揀咗聖誕木頭,諗住佢係朱古力先叫 我仲專登問咗職員係唔係黑朱古力 佢話喺我先叫(因為我唔食白朱古力) 結果切開係芝士+白朱古力😢好失望唔食得 Norwegian Wood $55 柚子及梨果醬、法芙鄉Dulcey朱古力、馬斯卡彭芝士、朱古力海綿、斯派庫魯斯 因為媽咪喺酒店等我 契女話要買返去同契婆婆一齊食 所以我哋另外買多三個蛋糕返去 其中一個就係聖誕老人encore 另一個就係呢個白色雪山,聽說係Signature Dish 馬特洪峰Matterhorn $48 榛果、燉蛋 最後我終於揀到黑朱古力啦! 就係呢頂粉紅色嘅冷帽仔,超級可愛啊!😍 契婆婆話呢個最好食,我都係咁話!🥳 The Childhood $52 咖琲榛果、巧克力慕斯、薩赫蛋糕 飲品方面,揀咗個好得意嘅可可先生 $62 Strawverry, mint, cocoa 啱晒小朋友口味 我就揀咗水果茶Fruits Tea $58 自家制的水果茶配以新鮮時令水果 味道一樣好出色好清新 餐廳好有心思佈置,成間餐廳都好有聖誕氣氛 職員仲話年年嘅佈置都唔同 仲送咗個擺設公仔比契女同埋我添 下次嚟澳門一定會再嚟🥳 📍卡夫卡 KAFKA SWEETS 澳門馬場布拉格街152號地舖 評分: 味道 5 環境 5 服務 5 衛生 5 抵食 5
2023-12-10
超寫意 Coffee Shop 享受一個悠閑嘅下午 去到愉景灣只想Relax 吓 搵咗呢間好舒服嘅Coffee Shop 叫咗啲小食,嘆杯茶,享受一個悠閑嘅下午 我睇中餐廳內奶油色系嘅格調 特別喜歡那些渡假風嘅燈 打卡好靚 估唔到食物質素出人意表幾好味 雖然呢間餐廳好多分店 但真係第一次食 Pain Perdu 法式焦糖西柚多士 $68 呢份多士相當開胃,甜甜地嘅焦糖味 又少少西柚嘅甘,滲滿汁嘅多士好惹味 Bakes Honey Hot Wings 香烤蜜糖辣味雞翼 $78 開頭驚好辣,但個辣味又好適中好滋味 Signature Crab Salad 藍蟹肉牛油果沙律 $138 藍蟹肉嘅鮮味真係不得了,鮮!鮮!鮮! Yuzu Kombucha 柚子康普茶 $58 Citrus Rooibos 南非橋子博士紅茶 $55 茶就普普通通,但因為鍾意個環境 我會再來,下次試吓佢哋嘅咖啡 The Coffee Academics (愉景廣場C座) 愉景灣廣場徑2號愉景廣場C座地下G65號舖 評分: 味道 5 環境 5 服務 5 衛生 5 抵食 4
2023-10-19
接完契女放學我哋就去嘆下午茶 呢個下午茶真係好有驚喜 幾百蚊嘅下午茶竟然有二千幾蚊禮物😍 唯一缺點喺餐廳無咩靚佈置適合打卡 其他都相當滿意! CIELO x GLYCEL 「煥采營亮」下午茶 講吓啲禮物先,一坐低每位都有價值$2,375之禮物 除咗試用裝之外,竟然仲有免費GLYCEL療程做。 唔止咁呀!仲有塊 Glycel 升級版魚子極緻修護面膜 同 $200 現金優惠,抵到嚇親我😂埋單用匯豐卡仲有15% off 🥰點解咁鬼抵😂 下午茶質素都唔錯喎 特別喺個鬆餅整得好好食 咖喱泡芙辣辣地好滋味 🔸吞拿魚番茄綠海草脆多士 🔹紅菜頭鷹嘴豆泥、海葡萄撻 🔸西瓜西班牙凍湯配羊奶芝士 🔹泰式紅咖喱雞肉泡芙 🔸雜菜炸蝦餅迷你漢堡包 🔹紅絨絲絨蛋糕卷 🔸鮮果千層酥 🔹紅莓、燕窩芭菲 🔸櫻桃芝士蛋糕 🔹紅桑子朱古力撻 🔸經典英式鬆餅配玫瑰莓果醬和濃厚奶油 CIELO x GLYCEL 「煥采營亮」下午茶 供應時間為:下午3時15分至5時30分 每位$198,兩位起,另加一服務費 禮物🎁 1. GLYCEL 體驗裝乙份 (內附細胞昇華修護液3ml、細胞昇華面霜3g及細胞昇華眼霜3g) 2. 全效升級版魚子極緻修護面膜乙片 3. $200 購物禮遇 4. 費享用細胞昇華修護療程乙次 (適用於18歲或以上之GLYCEL新女性客戶) CIELO 星幕 將軍澳唐德街3號香港九龍東皇冠假日酒店47樓 推介美食: 下午茶 評分: 味道 5 環境 5 服務 5 衛生 5 抵食 5
|