chloearrow 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-05-12
之前睇過蟲二介紹很吸引, 所以今次朋友補足生日訂台吃晚餐, 職員今天中午有致電再次確認訂台。 並關心我的備註事項, 因下雨未能坐室外所以職員問清楚我們決定。 晚上準時7點到達見大部分人用餐中, 落單是掃台面QR自行選擇確定, 我們一行三人各選了一汁三菜便當, 看網上介紹一汁三菜便當是這樣: 一菜:漬物三吃 二菜:日本極上太白63度慢煮蛋 三菜:主食[六選一] 汁:鰹魚昆布高湯 飯:日本穀米御飯 豆瓣醬箱漬燒鯖魚(微辛) 我吃這個,味道鮮甜,不會太鹹,惹味,好少少辣,但要預這款魚多骨,小心吃。 然後將高湯和蛋分次加入飯內撈著吃,很好味 大阪燒風味黑胡椒烤雞塊 聽朋友說這個非常可口,選得正確 高野豆腐豆乳豚肉野菜卷配櫻花蝦 聽朋友說菜&肉配得很好,而家櫻花蝦很香,我坐在對面也聞到超香櫻花蝦味 最後為補充朋友生日, 叫了一個伯爵茶麻糬傳統班戟, 詢問職員下她肯為我們添加一支蠟燭, 蠟燭雖然不是什麼值錢東西, 但她願意樂意替我處理,很謝謝你! 這個伯爵茶麻糬傳統班戟的麻糬在班戟內, 下單時職員說要等10分鐘左右, 但可以告訴大家,非常值得吃! 推介美食: 伯爵茶傳統班戟
評分: 味道 5 環境 5 服務 5 衛生 5 抵食 4
2022-04-17
心血來潮想吃炸雞,所以想起之前一直想試的南乳炸雞! 去到餐廳門口不需排隊, 剛好坐滿我坐了最後一張台, 店舖內是舊式,燈光不是太光猛, 餐牌也是細細張有點陳舊, 我點了最出名的南乳炸雞米線, 心想以而家物價$38蚊一碗不包飲品應該唔大碗, 落單後大約5分鐘先上米線, 嘩,幾大碗,仲要有雪菜喺面, 超熱, 湯底應該係清湯, 唔太味精味所以我飲左好多, 再過2分鐘上埋炸雞, 嘩起碼有6塊大大塊, 仲有個甜甜的醬蘸下, 個醬好多,用唔晒,的確個醬帶起雞味, 啲南乳雞塊即炸既,好熱, 已經醃夠味好夠南乳味而且有南乳少少酒味添, 雖然炸到又香又脆但食完又唔覺熱氣, 食下米線食下炸雞咁就食完, 呢個價錢呢個味道一定會再幫襯啦 評分: 味道 5 環境 4 服務 5 衛生 4 抵食 5
2021-11-15
星期五心血來潮想食漢堡包,search到附近有間新開左一排的漢堡包所以試下。 叫外賣回來食,因為太肚餓所以無認真咁影相,不過就好認真咁食左! 買了2個夏威夷漢堡: 個包有千島醬、煙肉、菠蘿、芝士、牛肉、蕃茄、生菜。 見到&食得出用料十足,片牛肉漢堡陣牛味好香濃&juicy,片菠蘿唔係求其撻上去,食得出廚師有烘一烘兩面唔會濕撻撻又唔會太乾,加上用既其他材料新鮮,菠蘿又帶出佢應有既甜酸味,所以好好味。 買了1個日本豚肉漢堡: 個包有燒烤汁、芝士、豚肉、生菜。 呢個包雖然我無份食,但聽同事講,片豚肉好夠厚,亦都juicy,不斷聽到同事講「好味、好食、好飽」,所以我都估個包應該好好食啦, 順帶一提,由餐廳拎到外賣過來吃都應該起碼15分鐘,跟餐我地叫了薯條、鹽酥雞和炸洋蔥圈,薯條&鹽酥雞普普通通沒什麼, 但個洋蔥圈要讚下,外賣送到黎食落口都仲脆緊喎,脆到有聲,呢個令我萬二分驚喜!因為我一直唔太鐘意食炸洋蔥圈但呢間既炸洋蔥圈令我對佢改觀! 下次再encore的話, 我想試下佢個王子漢堡,唔知佢隻太陽蛋會係點,跟餐應該會繼續食炸洋蔥圈吧 推介美食: 夏威夷漢堡, 日本豚肉漢堡, 炸洋蔥圈
評分: 味道 5 服務 5 衛生 5 抵食 5
2021-11-13
好耐無寫過食評,話說有日朋友想打邊爐,在openrice遊走左一輪發覺呢間鋪都幾特別所以網上訂台。 當日下午會收到餐廳打來問你係咪出席。 夜晚夠鐘19:00上到去,已經有幾台人開始食緊,間餐廳充滿著打邊爐既味,同埋冷氣開得好鬼凍。 坐低填好紙仔揀咩湯底,基本上每台佢都會比同一盤同款牛肉你,款款樣樣齊晒,我兩個人去食最後都食剩少少牛肉,因為實在太多啦,哈哈。我見隔離台人多就有encore某款牛肉。 不過佢啲牛肉可能銷路快又新鮮,所以其實牛肉味好濃郁,我唔係牛肉fan都覺得好好味,啲牛唔會太肥又唔會太瘦喎! 但我講唔返邊款牛係咩名………. 牛肉以外,都有少量丸、菜、響鈴和炸生根自助領, 當然雪櫃野飲任飲,亦都有混醬bar。 值得一提佢既響鈴好新鮮,好香豆味,所以我都唔小心一個人食左8條,哈哈 最後食足2個鐘,食到好飽,坐到亦好凍。 全場得一個姨姨做check booking帶台、上菜、落orde、埋單, 好強! 推介美食: 潮汕牛骨湯底
評分: 味道 5 環境 4 服務 5 衛生 5 抵食 5
2020-05-24
中午剛巧想到駱駝漆三座買東西,見到這間店的蛋糕剛熱烘烘出爐,即買! 員工正在切蛋糕中, 很認真地切, 我排第三個, 前面已有人一早被蛋糕吸引,哈, 今次是芝士味蛋糕,HK$75/件, 之前已吃過古早味蛋糕, 再加上我是紙包蛋糕fans, 所以今次有點期望! 每個紙盒滿滿一件, 付款後收到熱烘烘的一盒, 香味飄出! 來不及拍照已吃了部分, 蛋糕方面濕潤, 有少少鹹蛋味很特別, 芝士不是流心的, 是碎片形態的隨機在蛋糕內, 我吃不出是什麼芝士, 但如果能研究其他芝士可能會更佳! 最後想說這個芝士味蛋糕其實已經很超值,值得一試。 推介美食: 古早味蛋糕
評分: 味道 5 環境 5 服務 4 衛生 4 抵食 5
|