甜姊妹 (沙田)

一向喺沙田想食"糖水"的話,
一定係去河畔ge{糖門}.

但朋友介紹我去{甜姊妹}.
佢話佢d朋友話好食過{糖門}.
好, 就姑且一試la!!

哇!!
拱大個人....
從未食過d"難食"的甜品....
總係覺得. 如果唔係食d花巧甜品.
係唔係有"難食情況"出現嘛...

連老公唔奄尖都出聲話要black list 佢呢!!

▼雜果珍珠涼粉:
d生果亂切一通, 1d大舊到完全塞唔到落口! 1d 細舊到吉唔到上黎食!! 我唔第1次食"珍珠涼粉". 但佢比ge珍珠...係比珍珠奶茶的珍珠我....我真係O哂咀!! 再加埋勁酸的芒果汁....係酸到入唔到口的酸!! 其實{甜姊妹}知唔知咩叫"甜品"....食左1半真係頂唔順佢酸成咁!! 放左喺度=.='▼ 榴槤pancake!! 只得1丁點的榴槤肉在內....塊皮厚到呢....只係食到"皮"味....同滿記...根本冇得比!!▼楊枝金露綿綿冰:
今次到老公講, 比大匙佢"畢", 又點畢呢...最后老公自己去拎左支細匙黎用...
呢個綿綿冰. 只得"糖水"味....我唔識講...全無楊支金露味啦!!聽到隔離枱點左個"巨峰提子綿綿冰.
個女仔話點解得雪水味...
完全冇巨峰提子味.
另佢地都點左個榴槤pancake.
都係話榴槤pancake得"皮"味...
想點呀佢...

再加上由幾個中年女仕去管呢間店...
嗱嗱嗱, 我唔係年0歧視.
但新式店名, 新式裝潢
但幾個中年女仕欠缺活力,
笑容亦欠奉.
冇電視聲, 冇音樂聲亦冇收音機聲.

喺好寂靜的環境食完甜品.
全無快樂的感覺...

冇下次冇下次!!

Oliva (荃灣)

其實已經唔係第1次黎呢間野ga la!! 只係, 今日先至"的起心肝"寫呢篇食評!! hehe!!

4個女仔, 狂風掃落葉叫左以下食物, 叫到個waitress都話多得濟, 叫我地cut緊d...所以我地最後cut左1個細pizza!! haha!! 個waitress真係睇少我地, kaka!! 因為end up我地個個都唔太飽, haha! 不過都好多謝個waitfree的"溫馨提示", haha!!

墨魚汁意粉: yummy! d意粉好彈牙! 又好夠墨魚汁味道!!
三文魚意大利飯: 又係好yummy!! 好有口感!!
意式小食拼盤: 全部食物都炸得好脆又熱辣辣!! 不過1d都唔似意式小食拼盤, 因為裡面ge食物只係炸蝦/蝦春卷/炸帶子/麥樂雞/炸薯角!! 倒不如叫佢做炸拼盤, 我覺得會適合d lor!!
燒豬肋骨: 好淋, 好好味!! D SOURCE亦都剛剛好! 1d都唔"痴牙"亦都唔un!!
PIZZA: 唔記得叫咩名喇wor pizza, 只係記得有菠蘿同火腿咁la! 個餅底整得唔夠脆又冇咩味!! 呢個PIZZA真係好1般!!

overall黎講, 食物真係ok! 當然, 你唔好覺得佢真係意大利菜lor! 只係似比pizza hut裝修華麗少少的一間西餐廳lor!! 上菜, 又冇次序可言, 落單唔夠5mins, 全部野幾乎到齊(除左個pizza), 好明顯d食物1早已經準備好! 只係"翻叮"咁解!! 仲有, 佢free 比我地ge 麵包...味道真係好唔得!! 似隔夜麵包多過似法包!! 全部麵包都係淋的!! 超唔掂!! 第1次食到d咁難食ge 免費麵包....lor!!!

記得以前黎ge時候, 冇似pizza hut的感覺ga!! 佢係1間比較高級少少的餐廳(同fat angelo's或者little italy同grade la!!) 莫非佢突登降grade去迎合另一班客路?! 姑勿論係點, 如果想平平地成班人食"意大利菜", 呢間都係1個不錯的選擇!! 但如果想2人浪漫一下, 就不會推介了....

用citi bank credit card埋單有85折, 折後$492, 呢個價錢, 又真係抵食過pizza hut的!! hehe!

Simplylife Bakery Cafe (九龍塘)

好彩有bk左位咋!! 因為爆多人等位lor!! 今次係我第2次黎<Simply Life>, 希望水準可以好似上次咁好食la, hehe!

3個女仔, 叫左以下食物:
Crab Salad : 同第1次黎1樣咁好食!! 勁多蟹肉, d菜又fresh!! 真係勁yummy!!
龍蝦湯：又係勁好飲!! 好濃味兼且仲有龍蝦殼味啊!! yummy!
燒羊架：朋友唔想食太生, 叫左8成熟!! 但係, 1d都唔痴牙仲好淋, 而且好入味!!
海鮮扁意粉：又係勁好食!! d意粉係彈牙ga!! 只係略嫌多油少少!!
特濃朱古力蛋糕：勁濃朱古力味, 啱哂我d朱古力怪!! 而且細心的跟埋雲呢拿雪糕喺側邊...唔會覺得好漏!!

overall黎講, 真係值得100分1! 1來入座已經有麵包送(雖然我唔愛好麵包), 2來d水不停為你加!! 3來, 我地bk枱bk左7:30pm但我地遲到, 佢會主動打黎問你黎唔黎!! 好彩佢打黎咋...如果唔係我地有排等位啊!! 呢d service, 真係唔係值得100分lor!!

梨花園韓國料理 (尖沙咀)

萬分期待黎食dnr 啊!! 因為之前食過2次, 2次都回味無窮啊!! 所以極度期待今次ge dnr.

4個女仔叫左個4人餐 + 海鮮薄餅, 不過今次好失望!! 皆因d食物同service都退步左啊!!

人參雞湯: 我唔食有人參味ge野的!! 但呢個人參雞湯可以1d人參味都冇!!
炆牛肋骨: 好味!! 好淋又入味! 不過唔係我鍾意ge食材!
鐵板燒ge豬/牛/雞: 基本上我覺得味道係1樣!! 都醃得ok好食!! 但其中有碟牛肉...碎到冇朋友. 完全唔可以鐵板燒咁濟囉!!
石頭雜錦窩飯: even落左辣椒去撈, 都仲係1d味都冇!!
海鮮薄餅: 唔知係咪因為佢漏左單我地催佢ge關係, end up佢煎左出黎, 都係好濕唔好食lor, 而且又係冇味!

overall黎講!! 係得鐵板燒好食囉!! 其餘的, 唔係難食, 但失哂水準囉!! 同以前...真係相差得好遠...

至於service, 佢唔係唔好!! 不過其中1個男人恤衫又唔套入條西褲度, 感覺好爛撻撻囉...唔知想點....

um...暫時都不會再幫襯...希望下次會有改善la!!

順德經典 (沙田)

禾輋商場裡的飯店大部份都full左, 咁熱ge天氣我個上等媽媽又唔會肯去大排檔wor!! 見"順德經典"坐得ok舒適wor!! 就呢間la, hehe!!

1行8人叫左以下餸菜:

蔥油雞 - 味道好ok, 不過"鞋"左少少
黑椒牛仔骨煲 - 好有牛味而且整到勁淋惹味!!
啫啫爽肉芥蘭煲 - 好食!! 不過略為多油!! 不過過份之處係個煲好大但份量好少...好似有呃人的感覺!!
紫薑欖角蒸魚云 - 又係勁好食, 蒸得好滑!!
香煎藕絲餅 - 我同老公都話好惹味, 但係, dad & mam話咸到冇朋友!!
黃金蝦 - 好食!! 都係水準之作!!

不過埋單有點貴!! 連埋6碗白飯 + 2罐汽水, ttl $800!! 講真句!! 呢度只係屋村唔係新城市!! 為到$100/碟小菜, 我覺得未免有點貴!! 而且份量唔係大碟!! 所以,如果下次要e肚, 我第1時間唔會揀呢個地方lor!! 我諗...又會好似今次咁, "揀無可揀"先至會選擇呢度!!