潮廷匯 (尖沙咀)

今日一行5人黎左呢度食飯, 但其實其中2位係食左野先黎, 所以實際只有3人(2男1女)食野.

裝修好ok! 好似人地ge婚宴酒樓, 不過座落喺tst, 今日都唔full, 難免有點靜英英的感覺.

叫左以下食物:
香酥鴨：幾好食, 而且1d都唔油!! 不過得8件, 份量比較少
咕嚕肉：又係幾好食!! 不過得5件, 份量都真係好少....
芥蘭炒豬頸肉：又係幾好味, 不過份量都係好細....
雙面黃：唔會太乾, 亦不會太油, 好食!!
梅菜扣肉：雖然扣肉唔係好肥! 但係都整到好淋身!! 必食!!
花膠响螺湯2盅：gd!! d湯好清冇味精!!
釀蟹蓋2件：完全食唔到蟹味, 反而食到蝦味多d, 唔係唔好食, 不過唔會再encore!!

飯後, 送左雪梨糖水同埋d糕點比我地作總結!! 埋單$611!! 坦白講, 份量真係好細!! 我地3個...都好明顯係"就"住夾餸!! 兩位男仕仲要各自隊左2碗飯lor!! 所以, 就算日後有機會想食中菜, 明知佢好食, 都唔會再黎lor!! 因為實在....太精緻! 唔啱我地呢d大胃王啊!!

山頭火 (尖沙咀)

一向都唔鍾意食拉麵, 就算去到日本, 我都唔會選擇食拉麵, 不過老公好鍾意食, 今次唯有...就吓佢la...

估唔到, 今次食完, 真係有big surprise!!

我叫左個吉列豬扒定食, 本來貪佢冇拉麵!! 但點知, 原來都有個細拉麵跟返的. 而我揀左個湯底係鹽味拉麵.

估唔到, 係勁勁勁好食wor!! 冇北海道嗰d拉麵咁咸(可能要配合返港人ge味道), 但係,亦都冇港式拉麵ge味道咁普通!! 總之, 係勁勁勁好食!! 真係不得不試囉!!　至於個吉到豬扒, 都炸得好乾身而姐冇咩油!! 真係一試難忘!!

至於老公個拉麵, 因為我冇試食過, 所以我唔會比comments!

呢間野, 我1定會再encore啊!!

沙田強記雞粥 (大圍)

今日同老公2個人去左"強記雞粥"度橕枱腳.

門口招呼嗰個男人好唔掂, 佢問我地幾多個人, 我地話2個, 跟住佢話"上樓上la"! 老公見我大住個肚, 話唔想樓上得唔得, 佢竟然唔答我地(記住裡面係有幾張吉枱的), 跟住裡面有個侍應走出黎話"冇問題冇問題, 不過要撘枱", 好彩有個識做少少ge 女人, 如果唔係, 我1定調頭走!!

叫左以下3樣食物:
雞粥1窩: 冇咩特別! 只係d粥真係煲得好綿, 但唔夠味! 而且, 份量好少!! $100/窩, 只係分到8個碗仔! 2個人絕對可以K.O成窩
美極蝦: 味道OK! 份量都OK! 不過, 隻蝦略為細隻
蒜容西蘭花: 好夠鑊氣, 味道都好OK! 不過好多油!!

總括而言, 最好食GE唔係D雞粥, 而係小菜!! 個人覺得, 下次大家去食, 真係唔駛唔試雞粥~

紅媽麵線 & 渴 (旺角)

其實幫襯過"紅媽"好幾次！真係忍不住要出post讚一讚佢！

珍珠奶茶：真係暫時我飲過咁多間最好飲的一間！佢唔知係咪放左d香料喺裡面，而且又不會太多冰！令到溶左冰ge時候飲到d"水"味！ 仲有700ml只需要$12!! 超值!

花枝丸：但同埋食開ge唔同！可能因為落左淮鹽更加惹味！$12/5粒!! 又係好抵食!!

真係勁想要幫襯呀！

金裝燉奶佬餐廳 (沙田)

呢間, 都算係令我幾失望的餐廳，真係除左坐得舒服外，冇野值得我再來光臨。

跟屋企人一齊食lunch，叫左個咖喱牛腩飯，肥牛伊麵及珍珠奶茶，三樣野都極之失望：

1) 咖喱牛腩飯：有部份白飯係生的！咖喱飯冇咖喱味！只係牛腩幾淋，唔會"痴"牙
2) 肥牛伊麵：只得三, 兩片的肥牛！仲要係縮水肥牛！好呃錢！伊麵過淋，好似糊仔，口感好差
3) 珍珠奶茶2杯：1齊order但2杯飲品分開時間上囉！淡而無味！好多冰！

叫侍應加水只會由1/4杯加到2/4杯囉！而且個個侍應都顧住傾計，好似唔駛做咁！呢份真係佢地的"優差"囉！

相信以後不會再幫襯！去隔離M記好過！