kiwidonut 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-09-05
喺波士冰室隔離見到間新開嘅冰室,於是去試下,星期日兩點幾要排隊... 凍檸茶好飲,冇檸檬係因為佢係冷榨嘅?咁好咁高級? 不過又真係冇苦味,又冇核,幾好飲喎.. 葱油巨雞扒飯,好多葱油豉油,以為會好鹹,但又唔係喎,又無肥膩感,雞扒都算滑,個飯係幾好食,似日本米感覺。 炸雞翼薯條,雞翼似生炸,薯條都炸得幾好,薯條個炸粉特別。 最好食係個菠蘿包,一砌流d芝士出嚟,芝士鹹味同菠蘿包甜味好夾,芝士有兩個層次,一個流心,一個有拉絲感,好食!其實都幾大個,好飽好味 推介美食: 拉絲菠蘿包
評分: 味道 5 環境 4 服務 4 衛生 5 抵食 4
2021-03-10
成日經過都想試下呢間咖啡,今日心血來潮就去試下個早餐先 叫咗一個煙三文魚忌廉bagel好好食, bagel軟硬適中,喺香港好難食到一個我覺得好食嘅bagel,裏面啲菜夠新鮮,加埋煙三文魚同cream cheese一啲都唔漏,完全係perfect match 加咗杯signature coffee, 玫瑰latte, 其他嗰啲cafe會好甜,但係呢杯啱啱好,有玫瑰味但係仍然飲到咖啡嘅苦味, 拉花又靚 另外值得一讚嘅係兩位店員同啲客好熟好親切, 就算我第一次嚟都感覺到,佢哋好有heart,就算啲客一個接一個都冇黑面,又好有禮貌,而家香港真係愈來愈少見 佢仲有午餐set今日未試過,不過我見到佢哋預備緊材料已經好香推介值得一試下次再來 推介美食: bagal
評分: 味道 5 環境 5 服務 5 衛生 5 抵食 5
2020-07-28
openrice 外賣自取網上落單真係好方便,而且又有折, 平時星期六日都成日去The Base而家冇得堂食梗係要去叫外賣啦 因為返到屋企就掛住食唔記得影相 因為十五分鐘就有得拎,而且飛快地返到屋企啲食物質素重保持得非常之好。 今日叫咗香煎日本刺身帶子配海鮮墨汁意大利飯, 平時鍾意食嗰個米形粉今次試下第二樣先, 帶子夠鮮意大利, 意大利飯有口感, 好食! 跟住叫咗個澳洲草飼牛肉漢堡配炸薯格, 牛肉漢堡同薯格個配搭啱啱好,薯格炸得夠脆,牛肉漢堡生熟度適中,正! 仲叫咗個慢煮博多地雞胸藜麥馬芝士芥末子汁沙律, 呢個我成日都叫,而家個價錢咁優惠叫多個set當菜食, 佢個雞胸係滑到冇朋友,個沙律汁同 ,沙律又好夾, 實在喺茶餐廳價錢餐廳質素! 希望佢捱得過個疫情唔好執笠仲送3杯嘢飲,實在冇得輸! 推介美食: 慢煮博多地雞胸藜麥巴馬芝士芥末子汁沙律, 澳洲草飼牛肉漢堡配炸薯格 評分: 味道 5 環境 5 服務 5 衛生 5 抵食 5
2020-07-25
上兩個星期去深水埗嗰兩間分店都見到大排長龍入唔到門口,今日見到原來佢開咗新分店喺荃灣,咁就同老公去試下食啦 叫咗兩個食一個係impossible meat一個係新豬肉,比較下兩個邊個似肉多啲先 個burger真係好好食,生熟度口感完全係真嘅牛肉一樣,個醬係介乎於芥辣醬同埋蛋黃醬之間嘅味道,加埋番薯條真係絕配,好味! 個日式吉列咖哩豬扒飯都好好食,好脆好鬆化,個飯粒有少少淋,不過都好好食! 兩杯咖啡分别係Cappuccino同玫瑰latte,賣相都好吸引,拉花靚,咖啡底夠濃,唔會俾奶搶咗 有少少美中不足,個場樓底高但好應聲,同埋聽講個冷氣壞咗,食到好熱。仲有係我明白而家生意難做,但係長凳嗰邊,雖然話係四個人一台,不過而家唔識嘅人坐得咁近都唔係幾好
評分: 味道 5 環境 4 服務 5 衛生 3 抵食 3
2016-11-29
今晚喺荃灣食完飯想食下甜品,見路徳圍嗰邊都已經食到濫晒,咁就去搵下有咩新嘢啦,結果俾我搵到⋯ 一入到去,好有文青feel, 即刻拎張紙出嚟畫下先,好快就有得食… 士多啤梨奶凍 朱古力心太軟 最好就係食完唔覺漏,正!
評分: 味道 4 環境 4 服務 4 衛生 4 抵食 4
|