世品咖啡 (已結業)

在石門區工作已經超過半年了。發現到，區內的食肆除了能照顧到當地打工仔之外，也照顧到區內的居民。說回打工仔，在石門工業區工作的，不只是華人，在茫茫的人海中，係有好多外籍人士的。所以，在京端廣場內的食肆，有好幾間係可以照顧到外國人所需的。是日準備執筆表揚的，是一間咖啡店兼西餐廳，少少港式，多一點的西式。平日都見有外國人光顧的咖啡店，中文名叫《世品咖啡》，英文名叫《Cafe & Cafe》。可是，執筆時發現，已經結業了，非常之可惜。我覺得用咖啡店來形容此餐廳比較合適，因為看得出這餐廳的美食出品其實不複雜。簡單以咖啡為主，食物為次的一間小小食店，感覺不錯。不過，因為做街舖，做工業區，始終要照顧為食的人士，所以，這一個地方，更加有一個 Bistro feel。早餐，本想吃 full 一點，要一個英式全早餐的。但，早上的時間有限，而且要我於早餐時間比匆匆忙忙地吃一個要成70幾蚊既早餐，相信我係 enjoy 唔到的。於是，我要了一個大眾化兼香港式的公仔麵早餐。 雖是午餐肉，雖是煎蛋，雖是煮熟的西生菜，雖是香港人的公仔麵，但佢既做法同賣相，又同茶仔有少少區別既。不過，那公仔麵的味道，都是那個老味道。當

今日因為見工，首次踏足石門，所以順便也找找有什麼地方可舒服咁食番個lunch。行到馬鐵出口附近就見到呢間cafe，午餐也多選擇，所以就入去一試。因為是11點多還未到放飯時間，入到去人不多，坐低就有人招呼比餐牌，但就要自行到收銀處落單，如果多人又得一個人就好像有些不方便了。睇過餐牌就叫左個意式鮮茄烤雞肉意大利粉加凍檸茶。$68，價錢還可但無湯！首先來的是檸茶，是用膠杯來裝的，加上膠匙及膠飲管，樣樣都即棄就好像十分不環保了。過一陣意粉也來了！樣貌看上去不錯，有幾棵伴菜在面，側邊還放上蒜蓉包，但一口包後，麵包皮是韌的，不知是放耐了還是這種包是這樣的？好彩我的牙齒不是假牙，蒜蓉也可以少咸！意粉好食，剛剛好，不太硬不過軟，烤雞肉也好味！滑的！不鞋！裹面還有小蕃茄而不是茄蓉就算！但坐近門口既我，食到一半就感到有煙‘葉’眼，睇黎佢個抽油煙機要加強一點了，但整體上還可接受。

星期日早上到石門世品咖啡嘆早餐，想帶點真正放假感覺，不選擇茶餐廳，選了一間貴些少坐得舒服點，見世品不太多食客，從門口和裝潢來看疑似高檔型西餐廳，就入去試試，自己搵位，自行到收銀處購買早餐，早餐會有侍應送到枱上． 今天很熱，超過３１度，餐廳裡似是沒有開冷熱只開了風扇，有食客都手持紙扇撥涼。環境都算坐得舒服。 早餐3：厚多士，煙肉，豬肉腸，太陽蛋 , 餐飲特色咖啡 cuppacinno 要加$5， 食物全是煎好放上碟，最可惜是有一隻太陽蛋 “穿“ 了破壞了賣相，全部入口時都是微暖，厚多士烘的顏色剛剛好，整體上，合格，沒有特別。 Cuppacinno，夠熱，入口陣陣肉桂香味，奶和咖啡的比例剛剛好，不會感覺太多奶蓋了咖啡味，這杯咖啡大概會很受一般大眾的口味除非你不喜歡肉桂味吧！咖啡雖好飲，但可惜用紙杯，實在不配我想要的感覺：優閒的星期日和高檔西餐廳，覺得有點似快餐店求其飲杯咖啡，如果換了用玻璃杯賣相會吸引好多，而且襯番餐廳內的裝飾，畢竟這個早餐不算平。 食後感：$38，很多地方都差不多這個價錢，但別家$38除了腸蛋多士，還會有湯粉麵配搭，覺得抵好多，但世品是走高檔路線格 （同區價相比下是比較貴

石門京瑞餐廳多左好多....數埋腳指都數唔晒。有d餐廳好多人排，有d餐廳水靜河飛人，無人問津，呢間世品雖然唔算人多，亦唔算無人食。人個通常有位，可以搭下枱。點左個魚堡食...點知令我好失敗。我係魚去左邊？細到睇唔到。我唔要求多舊魚，但起碼俾個合理份理我。咁我仲俾唔俾機會你？好彩，薯仔都唔錯，係新鮮炸起，又粗又大。配上蛋黃沙律醬，新奇又有趣！仲有條，係一條沙律菜伴碟，減欲油利感！可唔可俾多幾條我呢？

位處沙田的石門，一個新發展的地方，現已有數座公共房屋已入伙。鄰近有兩大座shopping mall, 有數多間的食市，其中我最欣賞的是位於瑞京廣場一期地鋪的世品咖啡。一間小小的鋪面，內裏有二十多個座位，裝飾簡簡單單，播著有柔和的音樂，情調十足。其以西餐為主，餐牌會定期轉換。今日，相約了數位同事一同午飯，我們點了炸雞，雞肉漢堡，魚肉漢堡。雞肉和魚肉，雖經油炸，但肉汗依然豐富，絕不“鞋"口。再加上配上炸薯條和其特製醬汁，口感非常香口。叻外，此店鋪亦有售賣自製蛋糕，款色特別。我最愛的是朱古力慕絲，濃厚的朱古力味，不太甜，適合愛吃甜品的女生。最後，不得不稱讚店內的員工，態度有禮，笑容可恭。

又路過石門，又對世品心郁郁。見到佢換左新餐牌，當然入去試一試。價錢升左少少，款式多左少少。試下新野魚堡+湯+薯條，都係66埋單，飲特式咖啡加8蚊。Well, 魚柳好大，夠juice, 個沙律汁甜甜酸酸好開胃。食完好滿足！

今日下午去開石門, 經過石門站附近的京瑞廣場, 地舖多是新開食肆, 順道在石門食個下午茶先返屋企, 見到這間café小店, 下午茶餐牌食物種類和價錢都很吸引, 門面也裝飾得雅緻, 自己好喜歡英文字拼貼圖案, 雅緻的門面設計, 決定入去試吓。內部已經佈置了聖誕節的裝飾, 座位舒適, 當時客人不多, 環境恬靜很舒服。下午茶餐供應由 3:00pm - 6:00pm, 有多款選擇 客人點餐需要到cashier 點餐和先付費, 付款以現金或八逹通形式, 點餐後取號碼牌回到座位, 我們點了一客「明洞芝士烤雞卷」和一客「英倫炸魚薯條」。1.「明洞芝士烤雞卷」1客有4件雞卷, 雞卷烤得夠熱, 唯餅皮稍為煙靱, 雞肉鮮嫩, 醬汁醒胃, 配合起來味道很match。 2.「英倫炸魚薯條」炸魚炸到金黃色, 炸醬脆卜卜, 魚肉嫩滑, 薯條很脆, 份量很多, 有2款醬汁跟碟上, 1款是白色, 似是沙律醬加碎青瓜小粒, 另1款是千島汁, 2款醬汁點魚塊都好夾。是次總消費 : $87 (下午茶餐免收加一服務費)

星期日無咩做，約個朋友出黎吹下水啦，係沙田區，咁我就渣住架車，又唔想排隊入新城市，我朋友就建議我去石門啦，佢話果度可以周街泊，唔阻人就得啦！咁我地就去左石門啦！去到之後，周街都係車，原來果區而家已經好旺啦，好多大陸遊客，果區已經開左好多間藥房同餐廳啦，同我想象號寫字樓區就真係好大分別。見到e間世品咖啡裝修幾好，咁就入去試下啦！入到去係首先付款，再食餐嘅，咁我地就睇下個餐牌先啦。佢嘅下午茶都算多，有十款，本身想試下個肉醬熱狗加薯條，但係都有d飽，於是就只係叫左個黑松露炒蛋多士再加杯荔枝紅茶，而我朋友就叫左個蛋牛治再加杯咖啡。咁都八十幾蚊啦。咁d野食都起得好快，首先係d飲品啦，杯咖啡我朋友就話淡左少少，無咩咖啡味，而我杯紅茶味道就剛剛好，糖漿份量都落得幾準，唔太甜。之後就到野食啦，我朋友個蛋牛治佢都話好足料，味道就同其他茶餐廳無咩大分別，不過講真連埋杯飲品成38蚊都幾貴。到黑松露炒蛋多士啦，炒蛋放上枱果陣都幾香，但係講真咁樣跟兩塊薄多我就第一次見啦，我就唯有將兩塊合埋咁樣食，炒蛋都算滑，佢加左好多番茜碎令到賣相都好靚，蛋就好香黑松露味，最後都係食晒呀！最後，感恩無抄牌，第日有機會會再試下同

餐廳就在商場的地下，位置尚算方便，一出馬鐵站就會見到。見到餐廳入邊都坐咗唔少人，咪諗住試吓囉，點知……先講all day breakfast，嘢食份量都算多，只不過質素方面：只有炒蛋係新鮮整嘅，質感尚算OK。其他野包括煙肉、牛角包、腸仔、炒薯、炒菇，都係凍嘅。炒薯同炒菇油份好多，應該炒左好耐擺咗喺度。至於個喇沙，究竟係咪喇沙嘅定義改咗呢？上咗枱簡直覺得俾人呃咗。唔係喇沙雞麵，係咖喱雞麵，再講多次係咖喱雞麵，完完全全係咖喱嘅味道。果半隻蛋仲搞笑，蛋黃極之僵硬兼且有就膠味，食咗一半已經放棄⋯餐飲方面，奶茶用紙杯上已經算了，但茶底過苦，去到澀的地步⋯ 嗯，應該無下次。完。

好味既一定會有第二次！今期食既回頭草係石門世品咖啡！仲記得我之前提到既黃金時間嗎？今次12:30到左，好彩仲有位，轉個頭已經full晒！有相為證：試下其他新野先卡邦尼意粉，因為係set lunch 以外既選擇，所有飲品都係正價。味道唔錯，係有d偏向乾身，再creamy d 更好。正價焦糖咖啡朋友點左set lunch 既雞堡。水準如前，不作多說。well~西餐廳食喇沙湯麵.....朋友話有點中伏感覺。其實...你預左啦.....無得埋怨wow!唯有一次醒目d!都係用刀叉好！

石門開左好多間食店，今次入去試下世品咖啡！外面睇鋪仔細細，座位唔多。今日一個人食，好快就有位座。自助點餐模式，點完俾錢，拎個number牌埋位，就人專人送餐，好處唔洗等埋單！食物種類都幾多。5蚊加湯/咖啡，10蚊有甜品，價錢大眾化！依然鐘情burger 既我，點左set lunch既韓式炸雞burger! 香脆炸雞配韓式辣醬，好野味！個雜菜湯大大碗，料又十足，仲好濃蕃茄味！必讚！薯條又粗又大條！唯一要彈，就係雞扒細左d....個包硬左d。

下午茶時間...又係時候去覓食！今次近近地去石門站搵食！見到有間cafe入去試下先！坐位有D迫迫地，都好多人吓！有下午茶餐，仲有All Day喎，價錢仲好親民添！一定要食啦，自助形式，出去點餐，唔使5分鐘就有得食，再叫咗杯cappuccino,一杯伯爵茶！有鴛鴦腸，黑松露炒蛋，炒磨菇，洋蔥煙肉炒薯仔，煙肉，蕃茄片，茄汁豆，沙律同牛角包🥐！黑松露蛋夠嫩滑，但咸咗D,香草同脆皮腸唔錯，煙肉可以再煎得香脆D會更野味！牛角包暖暖地都好鬆軟😋重點係All Day只係$68比平時食既真抵食👍🏻咖啡不過不失都👌🏻，伯爵茶比平時既更濃味！最後加咗件紐約芝士蛋糕，但唔好食，死實實同埋冇咩芝士味，不吃也罷！

今日我叫左個沙律，點知食左少少發現有隻蟲仔。於是我叫個侍應過黎同佢講，佢望到都拎我條菜同廚房講。過左一陣，個經理手濕濕拎番條菜過黎（條菜已經冇左條蟲），就同我講「想問下係有咩問題？有蟲？係邊？我唔覺有問題喎。」我話「下？你整走條蟲就扮冇野咁都得既？我地個個都見到架喎！」經理竟然態度好惡咁同我講「哦。如果係咁既話，我講唔好意思。」之後佢就走左。第二個侍應就收我碟野走。我最嬲既係佢扮冇事發生屈我，仲要咁差既態度。大佬你個lunch既沙律$65你估好平？咁既質素都算，仲要咁既態度？大家都係唔好去喱間野了。

石門有新野食本來都幾開心但一試冇下次叫個炸雞漢堡薯條黎錯個煙肉漢堡同個侍應講佢話：下！你唔係要牛咩（我戒左牛好多年）黎錯左 收錯錢 一句唔好意思都冇仲黑口黑面炸雞勁咸，好難食，感覺似放左好耐 所以醃得好重味。雖然有我最愛嘅粗薯條，但可惜唔係即炸 又淋又唔熱第一次有粗薯條我係食唔落講真 麥當奴好食過佢...另外叫左碟蝦意粉，蝦係完全冇味佢d cake賣相都幾吸引 但由於其他野太難食 所以都係冇試.....凍朱古力得甜 冇可可味雖然石門未算好多選擇 但都唔洗整得咁hea嘛

屋企味道濃厚的平常住家味西餐香蒜橄欖油烤帶子意大利粉蒜蓉包-- 香脆，勁咸，冇蒜味帶子意大利粉-- 平常住家味，濃郁香蒜味，橄欖油較多，帶子烤得剛好，不過份量較少。 選擇多但價格略貴