二宜樓客家菜 (已結業)

這間酒樓所定的規條真係十分奇怪,居然不能同時叫羊腩煲和打邊爐?今天我們一家人打算去打邊爐,我媽媽很喜歡食羊腩煲,所以就叫啦,誰不知,那主任居然話每枱只能撰打邊爐或羊腩煲,不能同時order,如果真係要同時order,就叫我們分開2張枱坐,但經過我們爭論後,新星的經理終於妥協啦!我真係唔明白為何會有這奇怪的規條,有錢都唔想賺?為免日後再有這情況發生,我會提議我的朋友在進入任何酒樓前,要問清楚他們的條例!因為世上真係無奇不有的!小心!小心!!!!!!!

本來打算去新星食, 點知新星坐滿晒, 所以安排d食客去二宜樓食!坐低嘅時候7點正, 我地睇完menu, order左1個$118嘅孖寶(孖寶有燒味拼盤+薑荵焗蠔), 再加$48嘅1個土魷蒸肉餅... 隔左大概10分鐘, 個waiter走嚟話冇晒蠔, 叫我地再揀過...於是我改左要$48嘅雲耳炒勝瓜同$108嘅燉湯, 跟住再隔10分鐘, 個waiter又話冇晒勝瓜, 於是我地就改話要1斤灼蝦 再加燉湯...結果到8點, 個waiter先走嚟話蝦都冇! 最尾我改要1個魚香茄子煲...跟住又等半個鐘! 即係我坐低個半鐘檯面都係得1碟肉餅同煲湯....簡直想噴火! 個waitress話係因為今日full house, 再加埋d野食要喺新星果邊煮再推過黎所以會混亂...簡直不知所謂! 開間酒樓但係冇廚師, 每落1個order個waiter就要走過去果邊舖, 我聽到話連飯都要過去裝..埋單又話要走返過去出單... 呢餐食到扯晒火嘅dinner都要$270! 我以後都唔會去呢間野, 新星都唔會去!

講題外話先.本人表達能力差的.讀書少..為人沉黙.所以我的食評簡單.而文筆一的都唔精彩..二宜樓叫客家菜,在門口我見到的鴨...鹵水豬手又以為賣潮州菜.....新星集團.本來我不喜歡.服務態度欠佳.呢間二宜樓.服務好好.每個服務員面上都是掛上笑容.我心中話.此店同新星係姐妹來...何解差咁遠?環境黑沉沉.每張枱都掛上燈飾.氣氛很好....此時我開始看餐牌.同新星的食物大致相同....點了鹵水豬手.入味.但肉少....有點像煲湯豬骨,而的汁味道...淡..無味精,吃完不口喝個甜品...好似叫布甸奶.話拿獎..我感覺一般...黑色物體.好難咬.表面火槍噴過,第一口似蛋榚.食完第一口....跟著食落去同燉奶無異....排骨同蝦餃...差的...排骨好肥.不過食完唔口喝,蝦餃一夾就散....蝦無味...流沙飽..真係一吃就流出來.....甜甜地....不過唔夠熱........吃完覺得同新星相同.....有客家菜賣都有潮州菜買,同我相同...同我相同一口流利客家,但我係潮州人....呢間店有回頭.......

星期日12點半黎到, 等左半個鐘先有位, order 左以下食物: 蝦腸：普普通通, 冇咩特別雞扎：冇魚肚, 變左翠玉瓜咸菜胡椒豬肚湯：好味, 胡椒味夠, 辣辣地, 連湯都飲晒香茜花枝魚滑湯米：冇乜味, 好清淡, 但d 魚滑真係好滑, 唔錯煎蝦米腸：煎得唔錯, 夠金黃色健康沙律卷：雖然沙律卷好普通, 但外面炸得夠鬆脆, 幾好味連加一服務費, 埋單$150...有機會都會再去食!!

見到一個差評價都無~~咪見埋丫媽去飲茶3點鐘大把位,唔駛等就入左去$8.8 大中小都算OK- 流沙包 幾好味如果熱點就VERY GOOD- 蝦腸粉 比想中一般- 蝦腐皮卷 炸得幾香口- 蜆芥鯪魚球 有好重魚咪 一流我下次有空都會去過

好耐冇嚟二宜樓飲茶了, 今日一行三人來到期待的新產品 - 流沙紅豆包, 點知令人失望, 一D 都唔流嘅...... 不過算係甜味適中, 包很軟蝦餃和帶子餃的蝦肉都很爽脆, 正!第一次叫煎鍋貼, 有驚喜呀! 一咬竟然有好大 pat 肉汁唧咗出嚟! 但豪無準備之下, 嘥晒.... 下次要再叫呀!小籠包反而唔得, 個皮太厚了~

見到報紙介紹二宜樓，的起心肝去試下。點心既選擇都幾多，不過又唔算有好多特別野，口多多同d阿姐講：「其實有冇客家既回點心架呢？」於是佢介紹左呢個籠仔飯。籠仔飯係蒸飯，飯上面放左好多龍躉肉同鹹蛋黃.....蒸飯最優勝既地方係佢會令d 白飯入晒味。雖然我唔知係咪客家野，但係真係好好味。蜜汁雞翼，呢個我估唔會係客家菜，我唔識點整，但估佢用蜜糖燒完再煎，再加芝麻，所以都幾香口杏片蝦球，我見店內好多人都食呢個，於是試下，但可能杏片既味太重，蝦味有d 淡。滑蛋蝦仁，塊蛋真係好滑，聽講客家菜既滑蛋會加 d 水牛奶，不過以我所知香港係好難有水牛奶的，但係見佢咁滑,,,,我發下夢當佢係。而d 蝦係d 中蝦來的都幾正。金牌流沙包..... 好熟......邊樹食過呢？原來二宜樓係新星同公司真係唔講唔知.....

難得悠閒，是日放假嘆茶。有時食物雖然重要，但環境都不可忽視。近日天氣稍涼，所以揀了坐出露台。露台的環境好靚，好靜，仲有海景，望出去很遼闊，令人心情開朗。油雞米線﹕雞很滑及入味，米線都ok，軟韌度適中蜆芥鯪魚球﹕上枱時，剛炸起，所以脹卜卜，賣相得。味道都幾好，有魚味菠蘿叉燒包﹕菠蘿皮香脆，叉燒饀足料，不錯不錯鳯爪﹕ok，一般水準享受涼涼的秋風，嘆了2句鐘茶，真係超正。

專程入屯門探個friend，約了去飲茶。酒樓門口有一個燒味檔，掛著多款燒味，仲有好多人排隊買外賣，睇嚟應該唔差。酒樓名稱叫二宜樓客家菜，打正旗號做客家菜，但看看點心紙，又唔覺有咩特別標明同客家有關，或者晚上小菜才有卦。 蝦餃很多汁，都有唔少蝦，皮夠薄，好好味。叉燒餐包，軟軟腍腍的，又夠熱，新鮮!!!流沙包，是這個集團的招牌，當然要叫，果然好流，名不虛傳。燒賣，好大粒，都係好多汁，幾好。蝦腸，蝦好大隻，腸粉皮薄及通透，好得!!整體點心不錯，水準亦很平均。 雖然食品不能反映客家式，但裝修就幾客家feel喇。很多木的傢俬及裝潢，仲有客家的相片，中式的燈，d侍應既衫都好Chinese架。鬼佬應該會幾buy。坐得都幾舒服。

我地6個人叫左4-6位餐, 標價$880, 但叫呢個餐就可以即時減$300!! 埋單$644咋!1) 紅燒翅 - 都有D翅架喎2) 蒸星斑 - 好大條呀, 幾好味3) 潮式拼盤 OR 叉燒拼盤 - 揀左潮式拼盤, 呢個好似麻麻地好食, 好似話D燒味好味D架...4) 小菜2款 - 叫左小炒王同埋花枝炒百合, 其實蠢左, 叫左2個類似既, 小炒王好大碟呀, 不過好似鑊氣差D5) 沙薑雞 - 冇乜特別6) 流沙包OR壽包 - 叫左壽包, 好熱, 好美味...7) 甜品 - 紅荳沙, 唔會太甜, 又唔會好稀, 正!+2碗白飯+2枝啤酒+2罐可樂每人$100左右, 算係OK架喇!

今日打呢個食評, 係代媽咪投訴呢間酒樓品質同服務! 自門我也常常來幫襯, 食物水準及侍應的服務係有水準(比起聯邦!) 但前日聽到媽講, 話她和爸爸去品茗時, 點了一籠粉果, 媽媽趁新鮮熱辣咬了一口, 嘴饞了很久也未能將餡料趙開, 心裡想, 無理由呀, 粉果裏頭只有蝦或葛, 理應一咬變落肚, 趙了良久也沒辦法, 於是變從口裏吐回出來!! 天呀!! 看見了簡直不能相信, 媽咪講給我聽也嚇了一跳!! 媽咪形容饀料裏頭有一堆黑色物體, 像洗手盤去水位隔住的污物一樣, 又像鋼絲擦的碎, 真係離晒大譜!! 媽咪因為太驚訝, 於是立即找來一位女侍應生(其實應該叫經理, 但實在太勞氣!)著她看一看, 侍應只是瞄了一瞄, 拿著吐出來的那籠粉果交給另一位女主任, 這位女士也只是望了一望, 完全沒有反應兼一句歉意也沒有, 完全當沒事發生一樣!! 女侍應從容地只回應我媽咪一句"我同你扣番籠點心錢啦!!" 怎麼一間大集團, 是這樣處理食物投訴嗎? 現在想起來當然是我們笨, 沒有拍下那籠點心, 怎麼嘔心, 拍下那兩位職員如何當沒事一樣的工作態度!! 現在才呻, 我也覺得沒意思!! 但我替媽咪不服氣, 一句唔好意

住喺屯門店樓上屋苑，所以都會去飲茶。點心唔錯，價錢合理，大部分侍應同知客都有禮及招呼周到。食過大閘蟹、流沙包、鹹魚雞粒炒飯、籠仔鳳爪排骨飯....都好味，但今日18/1(日)同媽媽去飲茶....碟炒粉好唔得...明明叫榨菜肉絲炒烏冬...第一次黎左個米粉....第二次係就係烏冬，但想搵一條榨菜都難，只有幾條芽菜同埋翠玉瓜絲.....同淨炒烏冬無分別......好唔開心.......今日係下午茶時段(2:00-4:30)去，但3:00入單已無腸粉.....

２００８／８／１３晚餐明天是爸爸農曆生日，今晚就一家人在這裡吃晚餐。爸爸在場的話，叫套餐就避不了。這個$198四人餐，和新星的一樣，四餸一湯外加白飯及甜品。湯就要了肉碎蛋白'更'，這款普通湯款，一般酒樓的出品都不會難吃得去邊。不過不得不提那蛋白，很特別的，不是例牌一條條烚到硬哂，又不是一絲絲似有還無，而是一團團，非常滑溜，滑到咬不到要啜入口才吃到。四餸的第一味是潮式拼盤，難得爸爸肯選個小吃來吃，它亦是我非常期待的一味：一來二宜樓專做鹵水食物，見門外那個鹵水食品外賣部門，每次晚上經過也見打蛇餅(其他時間我不知道，返緊工嘛)，很多人也在此'加餸'；二來上次在旺角新星吃到令人lam lam 脷的鹵水翼尖，不是專做鹵水的姐妹店也做得咁好味，何況這裡是專門的﹖好，很快就上檯。拼盤有腩肉﹑豆腐﹑豬耳絲﹑雞蛋和鴨翼，腩肉的肉夠滑身，豬耳絲脆卜卜，但兩者的鹵水味都不夠濃，雞蛋就好得多，至少蛋白鹵到全茶啡色的，豆腐做得最好，外層脆脆地口，裡面的豆腐肉是非常非常的嫩滑，而我最期待的鴨翼，就比以上的遜色，味道很淡啊，不搭真點可能連那點點鹵水味也吃不出來，真的浪費了裡頭的鴨筋和鴨翼肉了。再來是南瓜芋頭煮豬軟

同媽媽入左屯門黎呢度試下大家讚不絕口的流沙包講真，我食咁多年流沙包，真係未食過一間好似佢咁落咁多豬油！雖然話落得多會流得勁ｄ但係都唔洗咁重手呀嘛？依＋係食流沙奶皇唔係食油喎！！其他野就幾好食ｇｅ同埋都唔貴

今日約左妹妹+佢媽媽一齊飲茶......因為我腸胃炎的關係......叫左一些較為清淡的點心二宜樓燈光暗......都算叫做有情調.....1.叉燒腸粉(皮滑,叉燒靚)2.叉燒包(冇特別,個飽幾香)3.流沙奶皇包(必食!!!)4.灌湯餃(我冇食...但好似ok)5.玉子豆腐蒸鯪魚球(ok)6.蝦餃(好味....蝦新鮮)7.燒賣(ok大粒....好熱! 口感不錯!)很飽.......但午市好貴.......