影片
港鐵深水埗站 A2 出口, 步行約2分鐘
繼續閱讀
電話號碼
36195667
營業時間
今日營業
07:30 - 17:30
星期一至日
07:30 - 17:30
以上資料只供參考, 請與餐廳確認詳情
同幾個朋友去咗深水埗買電子零件，買完野就係附近搵間餐廳醫肚，見到呢間傑星冰廳好多街坊捧場，環境潔淨、燈光又光猛，一於試試先！鮮蝦雲吞湯湯底清甜富鮮味，大大粒雲吞好飽滿，蝦肉爽口彈牙，雲吞皮厚薄適中，粒粒爽彈美味～斑斕咖椰多士咖椰醬配以斑斕，香甜順口又不失清新，多士烘得夠香脆，食落酥脆鬆軟、層次豐富！油菜有好幾款選擇，最後揀咗菜心～新鮮翠綠，軟腍度剛好，係健康之選！特別一讚蠔油會分開裝，好貼心！夜市推介 - 豉椒倉魚價錢相當抵食！原條豉椒蒸倉魚大大條，賣相好吸引！魚肉新鮮嫩滑，蒸至剛好熟，肉質細緻之餘肉厚又少刺，簡易又下飯！我就揀咗呢款傑星常餐 – 雙拼麵餐午餐肉、腸仔米粉配炒滑蛋+牛油厚多士經煎香後午餐肉特別惹味、腸仔入口鬆軟、滑蛋嫩滑又多汁，配埋牛油厚多士，真係大滿足！傑星冰廳✨📍深水埗汝州街219號地舖
繼續閱讀
去咗公司附近嘅傑星冰廳午餐，冰室光猛乾淨，牆上掛有玩味字牌，懷舊中不失新意。鹹牛肉滑蛋多士（$18 ，烘底加$1）多士烘到金黃香脆，滑蛋炒得嫩滑有汁，配搭鹹香嘅鹹牛肉，所有材料熱騰騰，好好食！豬潤豬扒蕃茄湯烏冬($58)豬潤同豬扒都係呢度嘅名物，點粉麵餐就可以一次過試晒！豬潤超級厚身，入口彈牙，生熟度控制得啱啱好，好正！豬扒不愧為招牌，表面煎香，同時肉質冇流失，入口依然保持嫩滑，份量都好多，抵食！蕃茄湯底就略嫌比較酸，如果再濃郁d就冇得輸啦！套餐奉送熱飲，加$12點咗紅豆冰消消暑。好耐冇飲過紅豆冰，超懷念！呢度嘅紅豆冰好有誠意，紅豆又多又軟綿，仲要粒粒都好飽滿，唔係紅豆蓉，飲落更加有口感！
繼續閱讀
呢排啲天氣好反覆，又熱又經常落雨，搞到次次出去開會都好唔方便。今日近近哋喺深水埗區見客，好彩有好多地方泊車。見完客之後我同女同事兩個就喺深水埗搵啲嘢食，由於下午茶時間始終人流都唔係好多，深水埗雖然人口都比較多，但係相對上出名嘅餐廳都唔少，我地途經汝州街都見到有好多冰室，始終土生土長香港人都食開港式茶餐廳嘅味道。今日見到一間傑星冰廳，佢個門面環境好乾淨而且好新簇，應該係新派茶餐廳，咁我哋就直接揀咗呢一間。入到裏面居然好多人用餐，睇嚟呢間質素都應該唔錯。睇下佢嘅餐牌選擇都相當多，除咗有一啲飯餐之外仲有一啲套餐， 好多都好港式既口味。最後女同事要咗個常餐沙爹牛肉麵，而我由於比較餓，所以嗌咗一個流心蛋瑞士雞髀拼肥腸飯。等咗一陣間兩杯凍檸茶上枱啦~ 佢個凍檸茶已經非常之夠凍，好有檸檬香仲好新鮮，甜到適中，呢的天氣完全係解渴首選。等左一陣間同事個沙爹牛肉麵餐都上枱啦~ 賣相同份量都正常，我偷偷地食咗一啖，出前一丁既麵條煮得好煙韌彈牙好有水準，當然最主要嘅就係沙爹牛肉，沙爹牛肉好嫩好入味，有好香濃嘅沙嗲汁，真係好配合。另外仲有份多士拼煎雙蛋，見佢雙蛋燶邊睇都知道好脆身，件多士亦好脆口，果然係地道嘅港式沙爹牛肉麵餐嘅質素，正!!! 等多五分鐘我嘅飯都上枱啦，見到碟飯個份量已經好滿意，一大碗飯嘅份量上面有隻煎蛋，而且有幾件瑞士汁豬大腸，同埋一大隻瑞士汁雞髀，淨係見到都流晒口水。我影完幾張第一時間試下佢先啦，一啖煎蛋、白飯同瑞士汁食，有好濃嘅蛋香外，瑞士汁好濃入口相當好味。跟手食一件豬大腸，口感非常鮮嫩完全無騷味，而且瑞士汁嘅味道配合得相當好，件數亦相當多。最後當然係主力嘅瑞士汁大雞髀，一啖咬落去果然好入味，除咗外皮固然好食，估唔到雞髀肉都相當嫩滑入味，成碟勁惹味~~~ 整體上兩款食品都好出色，兩個人埋單都係一百蚊左右，性價比相當高。埋單嗰陣時見到好多食客叫椒鹽豬仔骨，見佢賣相同份量大之外，好少地方有得食呢款，下次一定要試下!!!
繼續閱讀
深水埗傑星冰廳下午茶今天下午去了深水埗的傑星冰廳，人超多，下午茶時間坐無虛席。點了以下幾樣食物： * 瑞士汁雞髀蛋蓋飯：雞髀大大隻， 咬落去啖啖肉，瑞士汁濃郁惹味， 加埋炒滑蛋 ，蛋香四溢，配上白飯非常下飯。- * 臘腸排骨蒸飯：-臘腸香氣撲鼻，排骨 份量都幾多，蒸飯熱辣辣，是一道非常家常的菜式。 - * 上湯韭菜餃：'餃子皮薄餡料滿， 包得實在 ，韭菜鮮嫩多汁，湯頭鮮甜清澈，非常美味。 * 油菜：油菜翠綠爽脆 整體來說，傑星冰廳的食物質素不錯，價格也實惠，性價比高。是一間值得推薦的港式茶餐廳。#深水埗 #傑星冰廳 #下午茶 #港式茶餐廳 #瑞士汁雞髀蛋蓋飯 #臘腸排骨蒸飯 #上湯韭菜餃 #油菜
繼續閱讀
今天下午天氣晴朗就去陪母親出外下午茶，我們在深水埗逛了一陣，知道今天是跑馬日，很多人擠塞在馬會附近，好不容易走多幾步去到一條比較乾淨清靜的街，這店舖門面貼著的菜單又比大街上的下午茶款式多、價錢便宜。於是我們就來到這個傑星冰廳。這裏的款式真的多元化，除了粉麵還有餃子，又有蒸焗飯和炸物。我們點了很多食物，椒鹽豬仔骨配鮮果沙律，豬潤,牛肉原味湯米粉，韭菜豬肉餃湯。最後就是做甜品的斑斕咖央西多上 煉奶,薯條。這裡飲品選擇也比較多，我們要的也是比較簡單的飲品，熱咖啡和熱柚子茶喔。所有的食品都是即叫即做，所以時間不是很快，但是送上來的食物都是非常熱和新鮮。正所謂春食韭菜秋食白菜，最近我都食很多韭菜，令人驚喜的是這裡的韭菜餃又大又多肉，韭菜味道非常香濃。椒鹽豬仔骨整整四大塊好似有點多吧，西多士也是熱辣辣上枱，牛油又香又濃一大塊，薯條是分開上的，也是新鮮熱辣炸出來。整體而言，全部食物都是即叫即做，新鮮熱辣，香噴噴，認真製作，食材新鮮，環境乾淨，值得推介，值得再來，性價比超高。
繼續閱讀