八幡屋涮涮鍋

營業中

休息中

D4既套餐有半價優惠即刻抵食咗好多，因為原先個套餐價錢都比較貴少少😝平時唔係大時大節都唔捨得食😂有半價就即刻可以請返老公❤️食餐好嘅😏靚靚肉，Häagen-Dazs、啤酒鮑魚同埋龍蝦全部都係任食😝生啤任飲，最緊要係我同老公最愛❣️自助醬料bar亦有好多種選擇，問佢佢哋職員仲會有秘製溝醬汁方法㖭啊😏所有火鍋配料都可以自行選取😆另外仲要值得一提嘅就一定係佢嘅刺身同埋壽司💖新鮮得來仲要係厚切💕大家食到飽飽記得都要留返個肚啊！因為佢呢度嘅Häagen-Dazs仲有好多唔同嘅味道🫶🏻

去瓊華食放題是常識吧！呢間放題幾乾淨，自助吧企理，行埋去有少少去左日式超市行街既感覺。重點係生熟海鮮都新鮮好食，刺身選擇好多，唔鐘意生食又可以叫海鮮拼盤放落涮涮鍋煮，一大班人去都唔驚有野唔岩食。海鮮控黎到就最開心。重點一提係海鮮拼盤所有貝類都好靚仔，隻隻厚肉，海蝦都生猛大隻，涮一涮，點少少豉油已經好好味。其實我地食左 D4套餐，因為佢半價優惠，可以任食龍蝦... 哈哈哈，但班人餓鬼投胎冇影到，隻隻都開左邊好方便食，因為新鮮所以就咁原味已經好正，有成隻手掌咁大，肉質又爽，成枱食兩三四隻都抵左。

呢一間放題店之前試過好正🌟，最近見佢做緊有個套餐半價優惠就即刻再帶朋友嚟享受下啦🔥D4套餐 龍蝦任食呢個套餐最吸引嘅當然就係龍蝦無限任食啦😆，作為龍蝦愛好者嘅我一定要狂食啦。呢度嘅龍蝦質素相當出色，口感係keep到好爽彈😝，味道方面都鮮味十足，配上個醬汁酒完美搭配💯除左龍蝦之外，呢度嘅食物選擇都好豐富🤩，無論係火鍋肉類方面嘅配料定係各種小食都好高質，我自己就尤其欣賞佢呢度嘅串燒🤤，每一串都係即燒超級香口，尤其係燒雞翼一定要點，皮脆肉嫩👍，再配上好香甜嘅燒菠蘿就完美😍

朋友推薦八幡屋涮涮屋放題。呢間位於旺角嘅日式打邊爐,除咗有火鍋之外,仲有好多刺身同串燒,真係非常正呢!首先,環境非常舒適,裝潢簡約清新,又幾有feel,服務員態度亦好親切熱情。今次我地揀咗D4套餐,當中有無限量供應嘅龍蝦,咁抵真係難得一遇呀!龍蝦肉質鮮嫩,軟滑Q彈,一口咬落就化在口中,好過癮呀!再加上火鍋底料非常清甜美味,配合新鮮海鮮同時令蔬菜,整個過程真係幾刺激味蕾！另外嘅串燒亦相當可口,炸物香脆可口,配搭特製醬料更加夠味!簡單嚟講,八幡屋性價比高,而且服務水平優良,非常值得一試!

食完八幡屋涮涮屋真係冇得彈！位於旺角瓊華中心嘅呢間打邊爐店,唔單止有正宗嘅日式火鍋,仲有一大堆刺身同熟食,十分抵食!首先,整體環境非常舒適,裝潢簡約但唔會太過簡單,服務人員態度友善周到,令人relax晒。至於食物方面,重點當然係佢哋嘅火鍋啦。鍋底嘅高湯非常清甜,加埋新鮮海鮮同時令蔬菜,真係好味到停唔低嘴。今次我地揀咗D4套餐,附送無限量供應嘅龍蝦!呢隻龍蝦肉質鮮嫩,又軟又彈牙,好過癮呀!除咗火鍋之外,呢度嘅刺身同樣唔錯，當中包括吞拿魚、三文魚等多種魚類,個個新鮮程度都好高,肉質肥美,即刻俾我食到口水直流。另外熟食亦相當出色,炸物咬落口感脆香,配搭埋特製醬汁,簡直絕配。綜合嚟講,八幡屋涮涮屋絕對係旺角附近度一間唔能錯過嘅打邊爐熱點,食物質素高,性價比又好,可以瘋狂食到你滿足為止!

話說家姐唔知係邊度聽返黎，話有龍蝦仼食好想去，但冇人陪🙂‍↔️梗係啦…邊有咁大隻龍蝦🦞隨街跳😂然後上社交平台到睇，唔係喎，大部分都係DSE 5月有9折、C3套餐5:30pm前入有買一送一咋喎🫣循例都打去comfrim下嘛…我真係唔敢信！最高級嘅D4套餐竟然做半價優惠，龍蝦仼食😳超抵！超多種類揀~~~但由於我哋今日去都比較多人😂影唔到太多我超鐘意食個個青瓜😂中華沙律又係好吸引🤩樣樣都拎啲黎影😆超靚擺盤☺️啲刺身又係好爽滑～呢到係食埋打邊爐，點會冇料打呢😍超正👍🏻其他呢到仲有雪條仼食💕同埋環境都幾好，地方夠大☺️

身為精明嘅消費者, 見到八幡屋嘅D4套餐做緊半價優惠, 而且仲有龍蝦任食, 一定要去拆餐勁😆😆今次我勁食海鮮！龍蝦大大隻又多蟹肉又唔難拆，而且仲有橙色嘅龍蝦膏，好鮮甜😋 仲有其他刺身，例如三文魚、帆立貝都又肥美又飽滿，食到回本呀😆今次放題仲有多種丸類同靚牛肉、其他肉類可以食，連甜品種類都非常豐富㗎😍 我今次就食咗個韓國雪糕鯛魚燒，好正🤤🤤📍 八幡屋涮涮鍋 (旺角)旺角彌敦道628號瓊華中心12樓

八幡屋涮涮鍋，位於旺角瓊華中心12樓，一間相當高質素的火鍋放題，餐廳座位相當舒適寬敞，相當適合親朋好友共聚，而且食物質素相當高，絕對唔會失望而回。放題套餐選擇相當多，豐儉由人，難得遇上日本黑毛和牛套餐做緊半價優惠，又有龍蝦任食當然唔會錯過。食火鍋放題，當然最緊要係牛肉質素高，日本黑毛和牛入口即溶，油脂豐富，食極唔停。放題海鮮選擇亦都好多，鮑魚大大隻有咬口，海蝦新鮮彈牙食火鍋一流。仲有一大堆海鮮刺身，真係大滿足。

八幡涮涮鍋呢間餐廳嘅套餐，其中半價優惠特別令人注目。呢個套餐嘅特色之一就係龍蝦任食，令人十分期待。首先要讚吓餐廳提供嘅食物選擇，種類非常多，比客有更加多口味同食材選擇嘅機會。特別係龍蝦，每隻都有手掌咁大，呢個係令人驚喜嘅亮點新鮮龍蝦肉質鮮味，保持鮮嫩嘅口感，絕對係海鮮愛好者嘅天堂。除咗龍蝦同埋嘢食，仲有雪條飲品任食，呢個都係加分點。喺享受美食嘅同時，仲可以隨意品嚐唔同口味豐富嘅雪條飲品，絕對係令整個用餐體驗增添一些清涼同甜蜜。

喺旺角食火鍋放題其實真係有好多選擇，但係位於瓊華中心12樓嘅八幡屋涮涮鍋，好多時係我嘅首選。日本黑毛和牛套餐，其實真係好抵食，依家仲有半價優惠，又可以叫埋澳洲M5和牛，海鮮種類亦都非常之多，仲有大量刺身，最近更加有芝士焗龍蝦任食，真係超級抵食。日本黑毛和牛，油脂分布分明，入口油脂感覺較濃，肉質軟嫩。澳洲M5黃牛，肥瘦適中，入口比較有咬口，肉味香濃。餐牌選擇仲有大量海鮮火鍋材料，海蝦非常新鮮彈牙，海蜆大大隻冇沙非常乾淨好食。

八幡屋經常都full booking一定要早兩日book!同朋友揀左D4套餐，除左有半價優惠仲有龍蝦任食，超抵！雪糕飲品任飲唔洗多講。醬料都好齊，可以自己調配，另外仲有丸類都蔬菜類任拎，半自助任食方面，有刺生、壽司、炸物、串燒、和牛、豚肉，食幾多點幾多!未打邊爐先點左好多刺生! 三文魚、北寄貝、帶子，款式都好多，而且味道都唔錯，夠鮮甜要回本當然要食牛肉！套餐有日本黑毛和牛A4、澳洲M5牛肉，呢兩款最靚！同朋友不停encore，肉色超靚，夠紅夠粉，煮起上黎又薄又嫩滑，可惜食得太多其他野，同朋友share左六份已經食唔落

Gym咗幾個week, 💪🏻💪🏻💪🏻修身成功又可以出嚟放任狂食，放題真係一個唔錯嘅選擇 🤤🤤🤤，想食乜就食乜，人多人少都可以食多款食物，最啱d鍾意一餐多口味、樣樣試少少嘅朋友～ 🥰🥰🥰諗諗吓不如出返個放題巡遊專題推介，呢次係呢幾個月第6次，就由{放題巡遊.6}開始啦 😂😂😂今次去呢間係位於旺角瓊華中心12/F, 🦞🦞🦞 我哋揀咗個龍蝦任食嘅D4 套餐， 宜家做近🤑🤑🤑 半價優惠，超抵高CP~ 火鍋配料係QR code度點就會自動送上嚟，好多款式嘅火鍋配料都有，特別推介以下幾款 ：1.）牛肉片 🥓🥓🥓 超新鮮，好正 👍👍👍 2.）串燒都唔錯啦～ 🍢🍢🍢3.）炸曼頭都有 😋😋😋⭐️⭐️⭐️ 麵食有罕見嘅紅羅白麵 & 紫薯麵，好健康，不妨一試 👍👍👍⭐️⭐️⭐️ Asahi任飲 🍺🍺🍺 cheers~

今日同同事gathering 帶我旺角食好西😝 呢間喺旺角瓊華中心嘅人氣任飲任食火鍋，超多套餐選擇，我哋今次去晚市就揀咗D4套餐 呢個套餐主打係食日本黑毛和牛🐂同埋龍蝦🦞 而家做緊優惠 5:30前入座買一送一真係超抵 完全唔需要考慮🤤 套餐仲有任食鮑魚海蝦🦐帆立貝廣島蠔🦪超豐富嘅海鮮，而且新鮮 鮑魚都洗得好乾淨，廣島蠔鮮甜。除咗海鮮連刺身都有10幾款，超厚三文魚 甜帶子 同大赤蝦都好推薦👅👅呢度飲品選擇都多啤酒都有幾款 必飲asahi🍺🍺 又夠凍 打邊爐飲真係岩哂😚最後最後 一定要食呢度既雪條 好多韓國雪條 有朱古力味 有水果味 點都有你岩食既😋🍨

瓊華有幾間我都幾中意食, 而哩度個D4餐我就趁佢有半價既時候食, 咁樣CP值就最高。哩個餐除左刺身, 牛肉等主打之外, 重有放題少有既龍蝦任食!!唔知係咪因為餐廳係瓊華既高樓層, 樓底好似高D, 再加埋大玻璃窗個空間感都大D, 環境不錯。由刺身盤開始既質素已經good, 最中意牧丹蝦又甜又大隻。涮涮鍋既肉類有好多款, 我地就狂點黑毛和牛同M5哩D高價肉, 超正~~除左肉之外哩度既炸物, 串燒等都唔錯, 我同朋友都勁讚佢個羊架, 燒得好香又夠厚肉!! 必點!!啤酒汽水同甜品款多到唔會試得哂, 仲發現佢會有D特別款, 竟然有隻我未見過既期間限定cross over可樂添!!

和牛黎講呢度真係好高質，呢個餐做既係任食澳洲和牛，和牛有甜香既牛油味道，油花十足，未煮已經聞到見到油香十足既和牛花紋，一煮完就食到肉味濃郁，口感嫩滑，再點埋生雞蛋汁，加埋啲蛋香，真係好食到不得了💋💋而佢地有唔不同既小食都係自助任拎既，衛生好好，唔會好污糟好亂，小食種類又多，連港式啲既碗仔翅都有，碗仔翅仲要好足料，竹笙冬茹呢啲配料都有，真係好正呀👀👀火鍋亦有唔同既任依海鮮，鮮蝦帶子呢啲用黎做火鍋都好鮮味，真係食唔停口呀👄👄佢地既甜品係任食啦，基本既品同種類雪條都有，雪條係靚雪條，質素幾高，其他甜品亦有雜果杯，唔同既蛋糕仔，泡苸果啲，種類多多，而且佢地係每日新鮮整，唔會隔夜，好放心呀👅👅