台灣麵 (已結業)

前排掃完街，搞到一到下午就好鬼肚餓，成日都想食野咁。結果行行下見到有間台灣麵有下午茶，講真，台灣麵平時夜晚就有食過，唔知下午茶又會高唔高質呢？超正多士，胚牙奶茶，勁正番茄腸仔奄列，仲有雪菜米線最後埋單都係$45渣！抵到喊。

早排想食下呢間台灣麵的，但當時一名員工不歡迎bb內進，說這裏是餐廳不是托兒所，bb若不能安靜坐著就不要食嘞。如是者，有一兩年無幫襯過，是日見有點想飲下珍珠奶茶便進餐廳看看，那位員工似乎無做啦，而新請的幾位員工都對bb很友善，心情實在好多了，一直怕又遇到那人又要被黑面牛角酥火腿片煎蛋 ($33)果然係一家人，睇完餐牌後同阿媽點嘅野係同一個餐。哈哈，牛角酥好鬆軟，勁香牛油味。火腿同煎蛋就無乜特別啦，好在唔係太多油。酸辣湯麵 (+$7)大家都加左酸辣湯粗麵，好酸好辣又足料，粗麵有點像上海麵，彈牙掛湯。吉列豬扒飯 ($37)阿爸要左吉豬飯，隻蛋係阿媽比嘅，非原有豬扒炸得香口，咖哩汁略淡啲，都ok啦。凍珍珠奶茶 (+$4) 紅豆奶茶 (+$4)食台灣野點可以唔飲台飲，由於珍珠同紅豆本身已經用糖煮，所以叫無糖都甜甜地，奶茶很淡，個人喜歡佢淡淡地。熱珍珠奶茶阿媽要熱珍奶，同樣叫走甜，微微的珍珠甜味已經好夠啦。平日下午茶時段人不多，店員多過客，位置基本上任坐，食好耐都無問題。

今晚夜夜咗收工一個人去食一人晚餐行咗落元朗教育路走咗去台灣麵舖食麵又一餐叫咗個🐷手麵加凍奶茶個麵湯底都唔差🐷手食落都幾腍🐷手碟上個汁幾好味加杯凍奶茶承惠六十蚊

在九展吃過一次台灣麵後，沒多大印象，亦許久沒再吃。今冷在這看到，再來試下，竟然吃到非常讚的麻辣豬肚。肧牙奶茶 - 味濃，好味！台灣牛肉麵 - 牛腱雖未夠淋，但味道不錯！魯水豬肚 - 麻辣豬肚，加上莞茜，莞茜簡直是畫龍點睛，味道非常相配！吃到不停口。排骨飯 - ok。

前排同老婆喺呢間位於元朗鳳琴街嘅台灣麵食下午茶，餐廳環境同座位都好闊落，下午茶時間有陽光透入餐廳，坐得好舒服。叫左個吉列豬排粗麵($35)配熱胚芽奶茶(免費)。 吉列豬排外面炸得好鬆脆，入面肉質juicy唔“嚡”口，配上沙律醬，易入口唔油膩，湯底入面加有滷肉碎，有皮有肥又有瘦，口感豐富滷得夠晒味，水準唔錯。雖然柸熱胚芽奶茶係跟餐送嘅，但入面都有好多胚芽，味道夠晒濃，無欺場！。呢餐好味又抵食，真係唔錯！

下晝3點幾同老公嚟度元朗鳳琴街嘅台灣麵食下午茶，一入餐廳見到呢度設計上用好多青綠色，樓底又高，望落清新舒服。我叫左個滷水豬頸肉米線($35)配熱胚芽奶茶。胚芽奶茶先上可以見到柸底嘅胚芽份量好足，飲落胚芽味濃，好好飲！主角滷水不豬肉米線上場，湯底味濃，有4片厚厚的滷水豬頸肉，入味得嚟唔會靱。米線配有一D類似滷肉飯嘅肉碎，入面有少少豬皮，好嘢味。米線夠滑唔會浸到淋晒。總括嚟講呢餐好味好坐又唔貴，係下午茶唔錯的選擇！

台灣麵係久不久會買外賣既地方唔堂食既原因係。。。。。服務態度曾經一湊二去買個外賣場內只有兩枱食客叫完外賣後在收銀位置想坐一下，遭白眼。。。。。。同時，當日係學校假期，餐廳無學生餐供應，但有學生入內，見無學生餐就走啦！而經理或者部長(因見衫不同),係學生一出門就講一句，無錢就唔好做學生啦！自此，若要食，只會外賣，亦盡量唔會係外賣第一選擇。講番食物，紅燒牛肉乾拌麵牛肉厚切夠稔身，味道不太鹹，滷肉碎多，汁帶甜汁亦足夠拌麵麵質中等軟硬，份量適中再點了杯抺茶紅豆冰紅豆偏硬，奶味重抺茶不帶苦味偏甜一點若再飲要叫少甜

因為此店係小妹屋企附近，所以都會經常幫襯。香脆雞扒飯，我男朋友每次都叫呢個餐，但我就覺得好熱氣，太炸啦⋯⋯不過係新鮮炸嫁，每次都要等3，4個字去台式店當然食台式野，肉燥飯就最能代表台灣啦，肉燥同佢個汁撈埋食好美味好香口，又係炸野，男朋友至愛貢菜，好鐘意佢個口感呀，好爽口，食到索索聲呀檸什藍碟花讓，特飲不能不叫呀，跟餐都係加多8蚊，抵飲白桃藍蝶花讓，好飲埋單188蚊，如果lunch都算貴，不過餐牌都有d比較平既餐，同埋我地二人都加左兩個小食，價錢算合理

幾年沒去過這間台灣麵吃早餐，這次就與家人到來試試. 星期日的早上，要等位在所難免，幸好店內座位多，不用10mins便可入座~早餐選擇多得很，有選擇困難症的朋友應該要看很久吧! 早餐的飲品更可選台式熱飲，不用額外加錢呢!火腿奄列。手撕雞米線餐 ($35)奄列超級大份，即煎的奄列內裡有很多少腿絲，足料又美味; 跟餐的方包都幾鬆軟.手撕雞米線湯底偏鹹，米線亦有點過淋，不過雞肉份量算多，吃過這碗米線相當飽~薯餅芝士腸。五香肉丁米線餐 ($34)喜歡吃薯餅的朋友，選這套餐就最適合不過，連薯餅都有2塊，夠滿足了吧! 吃了一塊，薯餅即炸很香脆，配上茄汁已經很好吃. 至於五香肉丁，因為沒吃就沒有影相了. 熱珍珠奶茶要了少甜的珍珠奶茶，不過甜度依然偏高，珍珠亦偏稔，沒甚咬口，只算一般. P.S. 這天餐廳的假天花突然跌了下來，幸好沒有傷到食客，不過也嚇走了不少坐在附近的客人

呢間台灣麵喺元朗教育路地段。可算得上交通10分便利好容易就可以搵到。由於夜晚大約八時左右，因為方便所以就選擇左呢一間台灣餐廳。一行到門口店員就問我幾多位。我同佢講兩位，之後佢叫我坐入邊比較平的靜的地方。我見個位坐得不太舒服就問可唔可以坐卡位。首先佢用佢既西語同我講，話我知如果有四人的話要讓出嚟。心想你間餐廳有一半都未有人坐，那有什麼關係。好啦好啦坐低左我就點左個椒鹽豬扒飯同一杯台灣珍貴奶茶。呢個豬扒並不是椒鹽，份豬扒擺明系煎既。水份高都算，味道差到無朋友。一味得個dry字！！有圖有真相！呢啲系食剩的。食物難食都算，服務差先至命，免費都唔想食！

原先一心諗住食另一間麵，但實在太多人等位，所以我地就去左對面街一街台灣野，入到去地方都算大，客都多，所以應該ok卦我同朋友都不約而同叫左紅燒半筋半腩麵，我就飲珍珠奶茶，朋友就飲百香果綠茶，跟住我地再叫多左碟貢菜先黎貢菜，一般鋪頭做法都係用麻油，蒜同辣椒去做調味，呢到都唔例外，所以又爽又好夠味到半筋腩麵，份量都好夠，每樣都有2至3大舊，先試啖湯，都係辣辣地既台式牛肉麵味，但係呢個時候，夾起舊牛筋想一啖咬落去既時候，竟然見到有一汁黑色既毛，呢個情況我係嗰啲牛腩麵檔遇過，但我冇諗過我竟然係呢到重遇，即時檢查埋另外2舊，而朋友嗰碗都有同樣問題，其實味道真係ok,但遇到毛就真係大打折扣，所以好應該清理下先比客食

今日出去行山，唸住係屋企附近食少少野就出發啦，見到店出面有個位可以迫BB車，唔洗收黎收好，都算方便。茄子肉燥飯$49本人對個肉燥好滿意，撈埋D飯食唔錯蜜瓜奶$22如果跟餐台式野飲加4蚊就有啦

黎到元朗食個tea, 門外見餐廳環境唔錯，諗住台灣野應該無問題，下午茶叫左碗鮮茄牛肉麵、茄子肉燥飯。但無諗過台灣野會甘難食！牛肉煮太耐，鮮茄湯只有酸味，茄子皮太硬。服務環境上菜都ok, 但食物味道太差，黎得元朗甘多選擇，應該都唔會再黎食。

「10秒食評」滷蛋豆腐肉燥麵：（$35）下午茶滷水豆腐有炸過但完全冇味，肉燥也相對地少曬在麵上，只有半邊滷蛋無特別。粗面彈牙，麵上配多椰菜，好有茶餐廳的感覺。滷水雞翼沙律：（$35）下午茶滷水雞翼比較淋，有味但不出眾。沙律大多數係薯仔青瓜同蘿蔔，味道一般。珍珠奶茶既味道也一般。日式叉燒拉麵配鹽酥雞：（$38）下午茶豬骨湯為味精湯，上面配椰菜及兩塊細叉燒，未到一般。無正宗日式拉麵的感覺 無紫菜 無蛋 正常價錢，味道一般。送餐速度快。味道：⭐⭐（同普通茶餐廳味道差唔多，無咩特別）價錢：⭐⭐⭐環境：⭐⭐（茶餐廳感覺，完全唔覺得係台式餐廳）衛生 : ⭐⭐⭐服務：⭐⭐⭐ （出餐時間快）

The afternoon tea menu starts from 2:30pm, it is very good deal. We usually order the cabbage dumplings with sour and spicy soup noodle, it is only $36 and come with hot drink. A la carte is $5x with one more dumpling, noodle portion is similar. Their sour and spicy soup quality is not constant, usually with lots of ingredients but sometimes only soup or even the corn starch is a chuck. However the price is worth it!Snack is half price if order a set, the dried tofu is good, $19. It comes warm a